البنت ماتت .. و شعور بالمرارة .. و نفسي البلد تخيب املي

**hamedo0** · 29-02-2008 07:41 PM

إنا لله وإنا إليه راجعون
(إدارة4)
دى الحقيقه يا جماعه المصريين ملهمش قيمه جوه بلدهم ولا بره بلدهم

الحكومه متقدرش ترجع في اى اتفاق ابرمته معهم عشان تصدير الغاز او اتفاقيه الكويز
اللي الواحد مش لاقي ليها اى اثر ليها طبعا" عشان منزعلش ماما امريكا

**PRO-DRIVE** · 29-02-2008 07:43 PM

المشاركة الأصلية كتبت بواسطة Hassan Khalil

اتذكر يوم ما وزير خارجيتنا المغوار وقف كالفاتح في مؤتمر صحفي او تصريح لجريدة و قال: اللي حيعدي الحدود من الفلسطينين حنكسر رجله !!! يشير الي حماس
و يظهر اليهود خافوا من التصريحات ..فقالوا نضرب نار من غير ما نعدي الحدود احسن .. ده راجل شراني ..و ممكن يكسر رجلنا ..و اهو كله رصاص طائش!!!
http://www.islamonline.net/servlet/S...ws%2FNWALayout

و انا بسأل نفسي و بسال الزملاء سؤال ..احنا كل يوم بنسمع ان رصاصة خرجت من سلاح مجند فقتلت زميله ..و رصاصة خرجت من مسدس ضابط فقتلت مش عارف مين ....الاسلحة دي مش موجود منها علي الحدود ؟؟؟؟
و اللا احنا نصيبنا اننا نستقبل فقط الرصاص الطائش من الغير ؟؟!!!

عموما ..في انتظار تصريحات ..ردود افعال .. بيانات .. شجب .. انشالله حتي جمع تبرعات ..و لو ممكن حفلة خيرية لنانسي عجرم و هيفا يخصص دخلها لضحايا الرصاص الطائش علي الحدود ..
و السلام

اولا تخيل حصل العكس و رصاص "طائش" مصري دخل في بنت اسرائيليه حيحصل ايه ؟

احنا نقدر نتكلم علي فلسطين بكل سهوله و ازير الخارجيه فعلا يبقي مغوار و يدلي تصريحات

عشان هما مستضعفين

لكن اراهن ان يطلع تصريح بنص قوه نكسر رجليهم دا

نيجي علي الضعيف و نبدأ نقول احنا دوله سياديه و لينا حدودنا اللي تحترم وووووووووووووووو

لكن تيجي اسرئيل محدش يتكلم

نفس مبدأ اذا سرق الضعيف :)

**electroman** · 29-02-2008 07:54 PM

الحل عسكرى اسرائيلى يموت برضه برصاصة طايشة و يطلع وزير خارجيتنا يعلن اسفه الشديد لهذا الحادث الاليم غير المقصود و يفدم خالص عزائه للحكومة الاسرائلية و الشعب الاسرائيلى الصديق و لاسرة العسكرى الشهيد و ممكن كمان يسمح الدموع من على عينه و يعد بأجراء تحقيق فى الحادث فورا ..
ليه نبقى عبط مادام نقدر نستعبط ..؟!

**Hassan Khalil** · 29-02-2008 08:07 PM

المشاركة الأصلية كتبت بواسطة hamedo0

إنا لله وإنا اليه راجعون (الإدارة4)
دى الحقيقه يا جماعه المصريين ملهمش قيمه جوه بلدهم ولا بره بلدهم

الحكومه متقدرش ترجع في اى اتفاق ابرمته معهم عشان تصدير الغاز او اتفاقيه الكويز
اللي الواحد مش لاقي ليها اى اثر ليها طبعا" عشان منزعلش ماما امريكا

هو ايه بالضبط الاتفاق اللي احنا متفقينه معاهم و يمنعنا من الرد ( حتي ببيان شديد اللهجة) علي مقتل مواطن مصري برصاص كلابهم ؟؟؟؟
احنا كل سنة مش اقل من 5 او 6 عساكر ..و برضه برصاص طائش..
هل فعلا في اتفاق يقضي اننا منردش دبلوماسيا ؟؟؟؟

و بعدين بالنسبة للغاز والكويز ..هما محققين فيها مكاسب لا تستطيع الارقام عدها ..و احنا بالنسبة ليهم الفرخة اللي بتبيض دهب ..و صعب انهم يستغنوا عنا......
يبقي اتفاقيات ايه بقي اللي تخلينا حاطين جزمنا و شراباتنا جوه بقنا و مش عارفين حتي نتكلم ...لا شعب و لا حكومة ؟؟؟؟!!!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ

ملحوظة للاخ الفاضل hamedoo
برجاء تصحيح الاية ( اٍنا لله و اٍنا اٍليه راجعون )
مع الشكر

**fady.bekatcho** · 29-02-2008 10:21 PM

والهى حرام الى بيحصل دة

فهلا لازم يحصل رد فعلا والحكومة ترد على اللى حصل

ازاى تبقى رصاصة طائشة وتطلع من مكان بعيد فى راس طفلة ومن برج مراقبة كمان

حد يعقلها طيب

**analyzer** · 29-02-2008 11:51 PM

دمى بيغلى
حاسس ان دماغى هيتفرتك من الغيظ والحسرة على الى بيجرا فينا

**Ghamrawy** · 01-03-2008 12:07 AM

عاااااااااااااااااااااادى جدا اذا كان اهالى الاسرى الشهداء بتوع حرب 67 الحكومة معملتلهمش حاجة و لا حتى بعد ما اسرائيل اذاعت الفيلم التسجيلى عن قتل الاسرى دول بصراحة انا حاسيت ان كل رصاصة دخلت فى ضهر العساكر اللى كانوا مرميين على بطنهم و ايديهم مربطة بالحبال ورا ضهرهم دخلت فى ضهرى انا و المثير للحزن ان عمرو اديب بعد كده بكام يوم يجيب تقرير مصور عن القضية اللى رفعها اهالى الشهداء دول على الحكومة المصرية علشان ماخدتش اى اجراء ضد اسرائيل و للاسف احنا مش فالحين غير بس على الفلسطينيين .
و سلاااااااااااااااااام كبير قوى للكرامة و الدم المصرى و اهلا بالذل و الهوان

**CryptonX** · 01-03-2008 12:09 AM

المشاركة الأصلية كتبت بواسطة PRO-DRIVE

اولا تخيل حصل العكس و رصاص "طائش" مصري دخل في بنت اسرائيليه حيحصل ايه ؟

احنا نقدر نتكلم علي فلسطين بكل سهوله و ازير الخارجيه فعلا يبقي مغوار و يدلي تصريحات

عشان هما مستضعفين

لكن اراهن ان يطلع تصريح بنص قوه نكسر رجليهم دا

نيجي علي الضعيف و نبدأ نقول احنا دوله سياديه و لينا حدودنا اللي تحترم وووووووووووووووو

لكن تيجي اسرئيل محدش يتكلم

نفس مبدأ اذا سرق الضعيف :)

ونفسي اشوف اليوم دول الخليج تقدر تطرد الجنود الامريكان و القواعد العسكرية الامريكية
زي مابتطرد و ترحل باقي العرب و المصريين من بلادها و لا دول مش مستضعفين برده
و مش حنسى المبنى بتاع التعاون التجاري بين قطر و اسرائيل .

بالنسبة للخنازير اليهودية دي ... اقول ايه ربنا ياخدهم ! و ياخد اي واحد ضعيف او غير ضعيف يحاول يلمس اي مصري في اي حتة .