الوداع يا a4

**rabso** · 30-07-2010 10:30 AM

هات بيجو 307 او مازدا 3 او هاتلك حتة a4 تانية عشان مفيش زيها فالسعر ده

**احمد عبدالله** · 31-07-2010 09:38 AM

لو حضرتك عايز جولف 5 هتتكلم في حدود 95000 لو موديل 2005-2006 كيلو قليل نسبيا كيلو70.000 مثلا و نضيفه و دي شبه المستحيل إنك تلاقيها
اللي أحسن منها على مستوى الرفاهيه و السعر السيات الليون لاكن إنك تلاقيها هو ده المستحيل بعينه

**nab!l** · 31-07-2010 10:08 AM

استغنى شويه عن ثبات الالمانى
وهات بوما

**M.almaghraby** · 31-07-2010 10:16 AM

سوبارو امبريزا او فورد فوكس

**wawamoha** · 31-07-2010 11:12 AM

باشا
مبروك للي باع و للي اشترى

راي المتواضع هات تيدا عربيه كويسه جدا كمجمل - كان معانا واحده سيدان في الكويت :
1- شكلها لذيذ ز
2 - واسعه جدااااااااااااااا من جوه (نيسان بتقول انهم زودم في المساحه الداخليه 1.3 عن اي عربيه مشابهة - تقريبا مش فاكر بالظبط بس فعلا واسعه جدا من جوه اركبها و شوف الفرق)
3 ثباتها حلو - يمكن يكون اكتر من الكورولا

4- تكييفها كويس بالنسبه لمصر - انا كنت في الكويت تويوتا رقم 1 - بس هو فعلا كويس
5- عيبها ان شنطتها صغيره جداااااا انس الايه 4 :(
6-ان توتال كده عمليه و شغاله و بتشد و ربنا يوفقك

**inspiron** · 31-07-2010 02:07 PM

متشكر جدا يا جماعة علي نصايحكم دي..طيب أنا كنت بفكر أستني شوية وكده كده الفانتازيا موجودة.وشوية لحد ما ربنا يفرجها أشوف بي إم 523i هل ده حل كويس

**TOOLA** · 03-08-2010 12:19 PM

بص يا عم inspiron, أنا حطيط نفسى مكانك و ملقتش حلول كتير, هما حجتين الأولى انك تجيب بورا حالة من الاخر مش هتتعب معاها لأنك عارف البيصلحوها (نفس مكونات ال أوكتافيا) لاكن ممكن أقول برستيج أعلى شوية و تابلوة داخلى أحلى (أوتو ب قعدة سيلفر و تكييف تاتش و دلع) لاكن ك قيادة و ركوبة مش هتحس بفرق كبير, الاختيار التانى هو المازدا 3 بصراحة ركوبة جميلة جدا, و سقتها قريب فاكرتنى بركوبة الالمانى عربية ماسكة نفسها و عفشة مش طرية أوى يعنى تهز بهزهزة الالمانى الممتعة, طبعا موتور و ستابلتى من الأخر, و متهيألى حالها هيتظبط بعد ما غبور خد التوكيل, و غبور بيقبل صيانة الموديلات القديمة كمان عادى, و ربنا يوفقك.

حاجة كمان أنا لقيتم عليت بال budget و حوار ال بى ام الكنت هتلبسوا, لو كده خليك فى 318 2002, قطع غيارها أرخص و أكثر انتشارا و انتا لسه شاب اصبر شوية على 5th serious (رغم انها مازالت أحد احلامى المستقبلية, انتا عارف بعد حادثة البورا راحت فلوسك يا صابر و الحمد لله ). و بالتوفيق.

**inspiron** · 03-08-2010 02:43 PM

المشاركة الأصلية كتبت بواسطة toola

بص يا عم inspiron, أنا حطيط نفسى مكانك و ملقتش حلول كتير, هما حجتين الأولى انك تجيب بورا حالة من الاخر مش هتتعب معاها لأنك عارف البيصلحوها (نفس مكونات ال أوكتافيا) لاكن ممكن أقول برستيج أعلى شوية و تابلوة داخلى أحلى (أوتو ب قعدة سيلفر و تكييف تاتش و دلع) لاكن ك قيادة و ركوبة مش هتحس بفرق كبير, الاختيار التانى هو المازدا 3 بصراحة ركوبة جميلة جدا, و سقتها قريب فاكرتنى بركوبة الالمانى عربية ماسكة نفسها و عفشة مش طرية أوى يعنى تهز بهزهزة الالمانى الممتعة, طبعا موتور و ستابلتى من الأخر, و متهيألى حالها هيتظبط بعد ما غبور خد التوكيل, و غبور بيقبل صيانة الموديلات القديمة كمان عادى, و ربنا يوفقك.

حاجة كمان أنا لقيتم عليت بال budget و حوار ال بى ام الكنت هتلبسوا, لو كده خليك فى 318 2002, قطع غيارها أرخص و أكثر انتشارا و انتا لسه شاب اصبر شوية على 5th serious (رغم انها مازالت أحد احلامى المستقبلية, انتا عارف بعد حادثة البورا راحت فلوسك يا صابر و الحمد لله ). و بالتوفيق.

البورا عربية جميلة.وبعد الحادثة بتاعتك اللي ربنا الحمدلله بفضل الله نجالك منها.تثبت إنها آمنة جدا.الفكرة إني لما ركبت البي إم..مش قادر أركب عربية تانية..الـ 6 سلندر ده قصة تانية.وثبات إيه..كأنك واقف بالعربية وهي ماشية.وتكييف مفتري إبن مفتري.ده غير الكماليات والتسارع.مش عارف.ربنا يسهل و يهديني إلي ما فيه الخير.بالنسبة ليك بقه يا باشا.لو تقدر تجيب بالقسط.هات فانتازيا.هي معايا.وعربية اللهم صلي علي النبي عليها.كل اللي بتحلم بيه موجود فيها.