الوداع يا a4

**TOOLA** · 03-08-2010 03:29 PM

المشاركة الأصلية كتبت بواسطة inspiron

البورا عربية جميلة.وبعد الحادثة بتاعتك اللي ربنا الحمدلله بفضل الله نجالك منها.تثبت إنها آمنة جدا.الفكرة إني لما ركبت البي إم..مش قادر أركب عربية تانية..الـ 6 سلندر ده قصة تانية.وثبات إيه..كأنك واقف بالعربية وهي ماشية.وتكييف مفتري إبن مفتري.ده غير الكماليات والتسارع.مش عارف.ربنا يسهل و يهديني إلي ما فيه الخير.بالنسبة ليك بقه يا باشا.لو تقدر تجيب بالقسط.هات فانتازيا.هي معايا.وعربية اللهم صلي علي النبي عليها.كل اللي بتحلم بيه موجود فيها.

طبيعى أكيد احساس البى ام فئة 5 و كمان ال 6 سيلندر, قصة تانية طبعا, ان شاء الله ربنا يكرمك فى حالة و للفيه خير ليك, بس متنساناش فى لفة على السريع كده.

طبعا الفانتازيا غنية عن التعريف, بس أنا دلوقتى فلوسى على قدى, فربنا يكرم و الاقى حاجة مناسبة على قد فلوسى ان شاء الله

**abd_el_7amid** · 03-08-2010 03:37 PM

المشاركة الأصلية كتبت بواسطة ashouhdy

مركبتهاش بس متقارنش الاوكتافيا بالذات فى قوتها و صاجها و ثباتها باليابانى ممكن ميجان موديل حديث اقرب حاجة للاوكتافيا بس اكشف عنها فى التوكيل عشان مشاكل السينسورز و الحاجت دى غير كدة ب85الف مش حتلاقى زيرو غير صنى سكالا اوبترا بيرسونا ومستعمل ميجان اوكتافيا تانى او 318 موديل 2001 مثلا او تشوف شارك كسر زيرو او سيتى كسر زيرو او بومة 1600 اوتوماتيك 2008 سوبراكشن !

بتتكلموا بجد سيتى كسر الزيرو ب 85 الف ........ ازاى؟؟؟؟؟

**adventurer** · 05-08-2010 06:55 PM

شيروكى قديم لو لشغل وماشيه بالبنزين تمانين وتستحمل وخلى الفانتازيا للدلع زى ما عامل

**midomagde** · 05-08-2010 07:27 PM

أيه ياجماعه كل المشاركات ديه؟
محدش خطر فى باله الكورولا 2007(ملكة السيارات فى السعر ده)
قمه فى الراحه- امان-توفير فى البنزين -سهولة صيانه-توافر قطع الغيار- نعووووووووووووومه-عاليه عن الارض -كماليات و خامات ممتازة -شكل مقبول(دى أزواق)
عدم الثبات بعد 120 ك (تعريض الكاوتش كافى لعدم الاحساس بعدم الثبات)وهو احساس فقط وليس فعلى
(للاسف انا بعتها لزنقة الفلوس ومفيش عربية تانيه فى نفس السعر عوضتنى عنها

**inspiron** · 06-08-2010 03:16 AM

متشكر لجميع الردود..ربنا كرمني و إشتريت عربية بي إم

**ahmedbeirut123** · 08-08-2010 06:09 AM

اعتقد ان احسن اختيارين لحضرتك كعربيات اعتمادية عالية و محترمة

لانسر بومة سوبر اكشن 2007 فابريقة ب 88 الف

او اوبترا 2010 اوتو كسر زيرو

**ahmedbeirut123** · 08-08-2010 06:15 AM

سورى ماقريتش رد حضرتك الاخير الا بعد لما رديت

الف الف مبروك عالعربية

**TOOLA** · 08-08-2010 11:44 AM

الف الف مبروووك ربنا يباركلك فيها و يحفظهالك

**dramir1** · 09-08-2010 12:41 AM

المشاركة الأصلية كتبت بواسطة inspiron

متشكر لجميع الردود..ربنا كرمني و إشتريت عربية بي إم

الف مبروك ياباشا وربنا يباركلك فيها ويملاهالك بركه
لو ممكن تقولنا موديل كام وكشفت عليها فين وبكام

وياريت لو انت مكاني تشتري بي ام 318 موديل 2001 ولا اوكتافيا 2006 ولا تيدا 2009
لأن الموديلات دي هي اللي ممكن اشتري واحده منها في حدود الامكانيات
علما باني عامل استطلاع في قسم المقارنات بنفس ال3 عربيات على الرابط التالي

http://www.nilemotors.net/Nile/17095...09-2006-a.html