بجد عربية تحقة تعملها كام سعرها كام دى هتضربها ضرب
عرض للطباعة
بجد عربية تحقة تعملها كام سعرها كام دى هتضربها ضرب
مين قال ان الالنترا تقفيل مصري انا اعتقد انا كوري تقفيل كوري
مفيش النترا مصرى...كله كورى
متهيقلى دى النترا بس مواصفات صينى على ما اعتقد عشان علامة هيونداى اللى على العربية
لا بقى لو فى شركة تانية صينى واخدةنفس علامة الهيونداى :(
طيب هي تعمل كام
الألنترا متتقفلش فى مصر ولا فى أى دوله خارج كوريا
هذه الصور للألنترا 2009 الشكل الجديد مش صينى هى كوريه 100%
وهذه الصور من أول عرض لها
في مصنع لهيونداي في الصين بالشراكة 50%-50% مع Beijing Automotive Holdings و بينتج الشكل ده فعلاً للسوق الصيني لكن مصنع كوريا ما زال بينتج الشكل الأساسي الموجه أساساً للسوق الأمريكي و الموجود عندنا و كمان الشكل الموجه للسوق الأوروبي اللي هو الـ I30 اللي هيا Euro Hatch للإلنترا و في أمريكا إسمها Elantra Touring و برضه موجود عندنا.
مصنع الصين الجديد بدأ الإنتاج في إبريل 2008 بشكل الإلنترا اللي في الصور ده فعلاً و هينتج كمان الأكسنت و التوسان و ده تاني مصنع لهيونداي في الصين الأول بقاله سنتين و بينتج السوناتا و فيه قسم أبحاث و تطوير R&D و تصميمات و غالباً هوا اللي عمل التعديلات على الشكل الكلاسيك بتاع الإلنترا.
http://worldwide.hyundai-motor.com/c...d_2006_09.html
لو قريتوا في آخر المقال في الينك من موقع هيونداي إجمالي طاقة المصنعين بتوع الصين اللي هو أكثر من مليون سيارة سنوياً يمثلوا 20% فقط من إستيعاب السوق الصيني سنوياً فمعتقدش إن هيكون في طاقة إضافية للتصدير خارج الصين.
لحدد إنهاردة على موقع هيونداي كوريا شكل الإلنترا هوا هوا اللي عندنا لكن بالنسبة لإستبدال الشكل الصيني للشكل اللي نعرفه على مستوى العالم كله معرفش الحقيقة خطط هيونداي إيه .. كل شيئ وارد.
بالشكل دة يبقى الموضوع فعلا كبير والاس دى بتلعبها صح يعنى اللى فاكر انة هيضحك على الخواجة ويشترى عربية فول اوبشن وكاملة من مجميعه وعاوزها كمان بسعر لا ينافس ينسى الخواجة قرر يقسم نفسة اتنين واحد ينتج فى مصانعه وتحت رقابته وده طبعا الانتاج اللى هيروح للدول اللى بتحترم مواطنيها وعندها اختبارات واجهزة حماية مستهلك على اعلى مستوى اما النص التانى فخواجة صينى يحط بقى ماركة هيونداى ولا تيوتا ولا حتى فيرارى بس فى الاخر صينى يعنى بتاع الغلابة اللى عاوزين يركبو كرولا بخمسة وتلاتين جنية وكمان تقسيط يبقى عليك وعلى عمك كيم يونج ومتقوليش بقى مش متينة ولا متتحملش الطرق بتاعتنا لانك فى النهاية لازم تعرف انك واخد عربية تقليد او بمعنى اخر دوبلير لماركة محترمة انما تضحك على الخواجة مكنش اتعزر ولا باع جزر
شكلها تحفه بصراحه
و بتهيالي شكل الفوانيس متغير مش كده؟
بس مادام صيني بقي
فيا تري ايه المصيبه اللي هيبقو عاملينها فيها؟؟؟؟:laugh6:
ما هو مش ممكن تكون نازلة كده بدون مساويء
لازم يسيبو بصمتهم:smartass:
شكلها حلو عن اللي هنا