ياريت الخبراء يساعدوني ف اختيار عربيه
السلام عليكم ورحمه الله يا رجاله نايل موتورز
اولا انا سعيد بوجودي هنا
ثانيا ابتدي بموضوعي انا بشتري عربيه ولاني محكوم بفلوسي هجيبها مستعمل (حد اقصى 62 الف ) مع ملاحظه بسيطه اني مش بفضل الفيرنا او ال لانوس مع احترامي لاصحابهم ولكن دايما كدا بينا وبين العربيه علاقه حب خاصه مش حاسسها معاهم :lovlie02[1]:
لاني مش خبير اوي مع العربيات ف انا بتصادفني حيره رهيبه والي مزودها ان احنا ف مصر محدش بيقول مش عارف لازم كله يقولك كلام حتى لو مجرد احساس مش كلام ناس فاهمه وعشان كدا حيروني زياده
انا محتاج عربيه قويه تستحمل ..شكلها كويس برا وجوا ..استهلاك البنزين حسب السواقه بس في عربيات بتستهبل لكن يهمني انها متبقاش منهم....متبقاش عربيه متهانه او فات عليها كتير ..مثلا تبقا 2003 كويس..تستحمل تاخد مثلا 5 افراد..وغالبا هبقا جوا مدينه وسفر ع فترات متقطعه ...قطع الغيار تكون غاليه بس عمرها طويل او عمرها قصير بس رخيصه ..واهم حاجه اخيرا تكون الجوده تمام مش هتفرق هي صناعه ايه لان دا بيرجع لفئه العربيه وتسويق المنتج
الاختيارات الي اقترحت عليا .. بروتون جين2...نيسان صني ..لانسر مكوة..اوبل فيكترا او استرا
وكل ما اقتنع بعربيه الاقي حد تاني يطلعلي يقولي لا دي وحشه وفيها كذا وكذا ..اكيد مفيش حاجه كامله 100% بس في حجات اساسيه وحجات ثانويه
ارجو ارائكم وياريييييييت الي مجرب بس وفاهم ولو حد عنده اقتراح هكون سعيد بسماعه
شكرا
