ايه هى ماركه التكييف صاحبه اوطى صوت للوحده الخارجيه

السلام عليكم
ازيكم يا شباب انا جديد معاكم هنا فى المنتدى .. وعاندى سؤال مهم جدا اتمنى حد يفيدنى فيه فى اسرع وقت
انا عايز اعرف اى ماركه تكييف سبليت صاحبه اوطى صوت بالنسبه للوحده الخارجيه 1.5 حصان
للاسف انا لسه شارى كاريير بس شايف صوت الوحده الخارجيه عالى شويه مش عارف انا بيتهيألى عشان اول مره اشترى تكييف وكدا طبيعى ولا هو فعلا صوته عالى وسامع اصوات غريبه ..
يارتنى كنت سألتكم الاول ):
الجهاز كتبريد ووحده داخليه جميل جدا وملهاش صوت . مشكلتى مع الوحده الخار جيه
عشان انا استخدامى للجهاز بيكون ف اوقات الليل يعنى من 3 الفجر لحد الصبح و فى فترات الهدوء دى صوت التكييف بيكون واضح جدا .. وربنا واعدنى بجيران مشكله ..
ارجوكم تردوا على استفسارى عشان يفرق معايا كتير قوى
الاوضه عاندى صغيره جدا اى ماركه تكييف هتقوم بالواجب من ناحيه التبريد اهم حاجه صوت الوحده الخارجيه دلوقتى
وياترى الشركه اللى اشتريت منها الجهاز ممكن توافق انهم يبدلوا الجهاز بواحد تانى وطبعا هدفع تمن
المواسير اللى تم استخدمها وكدا ولا مش هيوافقوا ..
مشكورين مقدما . واسف جدا على الاطاله بس انا حبيت اوصلكم الموقف معايا بالظبط

انا فى رأيى ان اى تكييف حيكون صوته عالى لأن دى حاجه بتكون بره الشقه هو اهم حاجه اللى جوه ميكونش صوته عالى ولو الصوت عامل مشكله قوى ممكن تركب شباك عازل للصوت بدل متغير تكيف لسه جديد

بص ياعزيزي

انا اول اما ركبت التكييف (بس كان شباك مش سبيليت) كان صوت الجهاز عالي جدا بعد لما مشيو بتوع التركيب

وكلمتهم تاني وجم وكان في مسامير لازم تتظبط وظبطوهالي والصوت اختفى واصبح عادي
مسامير بتكون مثبته الكبباس ودي المفروض تتفك عشان الكباس يهز من غير صوت
هما بيتربطو بس اثناء نقل التكييف


اما عن الجيران
فعندي ليك نصيحه
لان احيانا بيبقى الموضوع غيره او حقد... الخ
فانتا اللي يكلمك تقوله حاضر هكلم الشركه وتنفض ولو كلمك تاني زعقله وقوله الشركه مشغولين ومحدش جالي لحد دلوقتي اعمل انا ايه اولع من الحر؟؟؟!!!
ههههههههههههههه
انا والله عملت كده وازعجوني رحت مره عامل نفسي انهم صحوني من النوم وعملتلهم هولليله وقلتلهم روحو ركبو تكييف واقرفوني انا راضي اسمع صوت تكييفكم
ههههههههههههههههههه


تحياتي

بالنسبه لاوطي صوت بره و جوه الكاريير عن تجربه 8 سنين لحد دلوقتي
و معملتلوش صيانه و شغال زي الفل

يونيون اير

ممكن تغير مكان الوحدة الخارجية وتمد طول المواسير مترين ثلاثة بحيث الأزعاج يقل قدر الأمكان مش فاكر متر المواسير في حدود 100 جنيه تقريباً وأشتري دماغك .

التكييفات اليابانية هي اكتر تكييفات هادئة ولكن قوتها أقل نسبيا من الامريكي.
انا جربت التوشيبا الشباك ، صوته اهدأ بكتيييير جدا من أي ماركة امريكية. طبعا الكلام ده في السعودية. معرفش هل توشيبا العربي في مصر له نفس المواصفات ولا لأ

انا عندى تكيفات شارب مفيش ليها اى صوت خالص للتكيف و مفيش اى صوت للوحدة الخارجية لدرجة انك مش بتعرف أذا كان شغال و لا لآ الا اذا وضعت ايدك على الوحدة الخارجية
و ربنا يوفقك فى تكيف جيد

دايكن
شارب
كاريير


بعد كده كله وجع قلب
بمناسبة الجيران انا مركب اسبليت
كاريير الجار اللي تحتي مركب شباك ( حاجة زي جاك تقريبا )
بعد ما مشي بتوع التركيبات بحوالي 4 ساعات
طلع لي وقاللي
علي فكرة التكييف بتاعك بايظ خللي بالك
باين عليك شاريه قديم .....
سألته ليه
قللي بينقط ميه ....
رديت عليه
قلت له شكرا وسوف اتصل بالسوبر ماركت اشتري
له بامبرز .......................
في نفس اليوم الساعه 2.3 ليلا
طلع دق الجرس يقوللي ايه ..... لو سمحت مش عارف انام ........
ليه يا حبيبي
.. اصل تكييف حضرتك بنقط ميه ع التكييف بتاعي
قلت له الله يحرق التكيف بتاعي علي ام التكييف بتاعك امشي
وقول يا مسا
وتاني يوم طلبت الشركة تركب خرطوم صرف بعيد عن تكييفه النونه لحسن يعيط
ده كلام ............................ده مشاكلي من تكييفي المحترم جدا

الشارب ممتااااااااااااز خدمة ما بعد البيع و صيانة و كفائة
انا عندي ال 2 كارير و شارب الشارب ما شاء الله عليه ثلاجة و ملوش ايييييي صوت خالص بس لو على موضوع الجيران انت ملكش ذنب في صوت التكييف تعملهم ايه يعني
انا الكارير في اوضة نومي الكومبريسور ورا الشباك اللي انا نايم تحته و بنام عادي جدا بدون اي مشاكل و دول فوقك ولا تحتك و مضايقين؟!!!

اقتباس:

---

المشاركة الأصلية كتبت بواسطة night_whisper

انا عندى تكيفات شارب مفيش ليها اى صوت خالص للتكيف و مفيش اى صوت للوحدة الخارجية لدرجة انك مش بتعرف أذا كان شغال و لا لآ الا اذا وضعت ايدك على الوحدة الخارجية


و ربنا يوفقك فى تكيف جيد

---

+1111111111111111111111111111111

انا عندى يونيون اييير خارجى وامريكول داخلى محدش يسألنى ازاى بص صوته عامل زى الجرارفى الوحدة الخارجية بس و هو اربعة حصان

sharp is the best

طيب مشكورين جدا يا جماعه على الردود
بالنسبه للردود الخاصه بالسؤال بتاعى .. شايف ردود كتير بتقول الشارب اوطى صوت
انا هحاول اشوف اى حد مركب شارب 1.5 موديل 2010 واشوف صوتع اوطى من الكارير ولا لأ
وكمان هرفعلكم فيديو لصوت الكاريير عاندى ...

كنت عاز اسال لو حد بيعمل تنضيف للفلاتر بنفسة كل شهر ممكن يشرحلنا ازى الطريقة؟ انا عندى كاريير n3 بقالة شهر
ومكتوب فى الكتالوج فى نوعين فلاتر ؟؟
وهل فى صيانة كل سنة وتتكلف كام؟

مش عارف بس انضف نوع تكييف
شارب
وبعده
كاريير

شارب احسن حاجة و بعدة كاريير و ابعد خالص عن يونيون اير عن تجربة

اهدي مكيف علي الاطلاق دايكن الياباني
حتي الوحدة الخارجيه صوتها هادي جدا
اعرف ناس مركبينه من اكتر من عشرين سنه ماشاءالله
صوته اهدي من اي مكيف انتاج حديث
بس اعتقد انه مش موجود في مصر
واذا اتوجد حيكون سعره غالي جدا

السمسونج هسسسسسسسسسسسسسسسسسسسسسسسس س

اقتباس:

---

المشاركة الأصلية كتبت بواسطة night_whisper

انا عندى تكيفات شارب مفيش ليها اى صوت خالص للتكيف و مفيش اى صوت للوحدة الخارجية لدرجة انك مش بتعرف أذا كان شغال و لا لآ الا اذا وضعت ايدك على الوحدة الخارجية

و ربنا يوفقك فى تكيف جيد

---

اقتباس:

---

المشاركة الأصلية كتبت بواسطة gebreel

الشارب ممتااااااااااااز خدمة ما بعد البيع و صيانة و كفائة
انا عندي ال 2 كارير و شارب الشارب ما شاء الله عليه ثلاجة و ملوش ايييييي صوت خالص بس لو على موضوع الجيران انت ملكش ذنب في صوت التكييف تعملهم ايه يعني
انا الكارير في اوضة نومي الكومبريسور ورا الشباك اللي انا نايم تحته و بنام عادي جدا بدون اي مشاكل و دول فوقك ولا تحتك و مضايقين؟!!!

---

اقتباس:

---

المشاركة الأصلية كتبت بواسطة ameerahmad

sharp is the best

---

اقتباس:

---

المشاركة الأصلية كتبت بواسطة mohaismail

مش عارف بس انضف نوع تكييف
شارب
وبعده
كاريير

---

اقتباس:

---

المشاركة الأصلية كتبت بواسطة fouad nour

شارب احسن حاجة و بعدة كاريير و ابعد خالص عن يونيون اير عن تجربة

---

كل الكلام السابق عن تكييف شارب صحيح ، من فضل الله لسه مركب سبليت 3 حصان أول إمبارح (الأربعاء)

في شقة إسكندرية فضلت في البلكونة حوالي ربع ساعة مش سامع من الوحدة الخارجية غير صوت المروحة لما تشتغل بس ، غير كده مفيش .

http://sharp.elarabygroup.com/ac/ACP...?Id=16&CatId=1

اقتباس:

---

المشاركة الأصلية كتبت بواسطة akramlail

كنت عاز اسال لو حد بيعمل تنضيف للفلاتر بنفسة كل شهر ممكن يشرحلنا ازى الطريقة؟ انا عندى كاريير n3 بقالة شهر
ومكتوب فى الكتالوج فى نوعين فلاتر ؟؟
وهل فى صيانة كل سنة وتتكلف كام؟

---

حضرتك حاول تبص كويس في الكتالوج ، من المفترض في رسم توضيحي لكيفية فك الفلاتر

الفلاتر يفضل كل أسبوعين فكها و تنضيفها "بماء فاتر" و الأسهل في دش البانيو لسهولة نزول الأتربة في البانيو على التصريف .

سيب الفلاتر "صيفا" حوالي 15 دقيقة لتجف قبل التركيب .

يراعي أثناء التنظيف توجيه المياه على الفلتر من كل جهة .

السلام عليكم
الف شكر على الردود .. الله يجازيكم خير
دا فيديو فيه صوت الوحده الخارجيه الساعه 1 بليل وكان فيه شويه دوشه فى الشارع كمان
YouTube - Carrier AC Noise.mp4
معلش ياريت تسمعوه وتقولولى دا كدا طبيعى ولا لأ ... فى اخر الفيديو لما بطفى الجهاز بسمع صوت خروشه كدا بتقل بالتدريج وبعدين تختفى زى مايكون حاجه تانى كانت بتلف غير المروحه
وهل فعلا صوت الشارب اقل من كدا .. ياريت بعد ازنكم حد عانده شارب يرفعلى فيديو فيه صوت الوحده الخارجيه
او لو ينغع اجى ازوره فى البيت D:
معلش استحملونى بس بجد انا دلوقتى مخنوق جدا

ايوه بس موضوع الصوت مش حينفع انا مثلا دلوقتي موطي صوت السماعات باين ان صوت التكييف واطي لو عليته حيبان عالي

حنعرف منين صوت التكييف الحقيقي ؟

Sharp is the best with respect to all other opinions

اقتباس:

---

المشاركة الأصلية كتبت بواسطة د.أحمد عبد الرحمن

ايوه بس موضوع الصوت مش حينفع انا مثلا دلوقتي موطي صوت السماعات باين ان صوت التكييف واطي لو عليته حيبان عالي

حنعرف منين صوت التكييف الحقيقي ؟

---

اه مشكله دى مش عارف حلها ازاى
ممكن تجرب تسجل صوت الجهاز بتاعك وتسمعه على الكمبيوتر وبعدين تسمع الفيديو بتاعى تانى على نفس مستوى صوت السماعات اللى سمعت عليه بتاعك وتشوف انه اعلى (:

طيب دلوقتى انا شايف كل الناس بتقول شارب احسن هل هما بيرشحوه على اساس جوده التبريد والكفاءه وكدا
انا عايز اوصلكم انى بقارن من ناحيه صوت الوحده الخارجيه فقط
لو فعلا هو اوطى صوت هتكل على الله واشوف بيعه للكاريير اللى لسه مشتغلش 5 ساعات على بعض وربنا يعوض عليا فى الخساره ):

انا شايف ان صوت التكييف طبيعي زي الكارير اللي عندي و الصوت اللي بيفضل شغال بعد ما تطفي التكييف ده عادي عندي انا كمان و اعتقد انو بيبقى المروحة عالبال ما تقف بدون ما يبقى في ضغط للفريون من الكومبريسور (انا بفتي =) ) بس اصوت ده بردو بيبقى عندي

الشارب مينفعش يتسجلك صوتو لأن بكل بساطة مش هتسمع غير الشارع بجد و تبريده رائع علشان كدة رشحنالك الشارب

أنا هاريحكو
أنا عايز اقولكم ن صوت العقارب بتاعت ساعة الحيطة ممكن معرفش أنام منه لكن واللهِ الوحدة الخارجية بتاعت شارب صوتها صفر فعلا ده أنا حتى مش بعرف الكمبرسور شغال ولا لأ غير من المروحة el-auto

اقتباس:

---

المشاركة الأصلية كتبت بواسطة gebreel

انا شايف ان صوت التكييف طبيعي زي الكارير اللي عندي و الصوت اللي بيفضل شغال بعد ما تطفي التكييف ده عادي عندي انا كمان و اعتقد انو بيبقى المروحة عالبال ما تقف بدون ما يبقى في ضغط للفريون من الكومبريسور (انا بفتي =) ) بس اصوت ده بردو بيبقى عندي

الشارب مينفعش يتسجلك صوتو لأن بكل بساطة مش هتسمع غير الشارع بجد و تبريده رائع علشان كدة رشحنالك الشارب

---

فعلا مش هتسمع غير صوت الشارع بس :Ta_clap[1]:

عن تجربة
انا جربت يونيون اير
وكارير
وشارب
وسامسونج
ويورك
..
نصيحة خليك مع شارب .... هو افضل ماركة في هؤلاء .... والصيانة والضمان افضل ضمان في مصر وعندهم ضمير اوي
ونصيحة تانية .... افضل انك تجيب 2.25 حصان .... ال 1.5 حصان يادوب لغرفة 3×3 ... اكتر من كدة مش بيبرد بشكل كافي مهما كانت الماركة ... خصوصا لو الوجهه معرضة للشمس او دور اخير