تكييف الفيليشيا

**egypt_slave2000** · 30-07-2010 11:02 AM

يا جماعه تركيب تكييف للفيليشيا 96 يتكلف كام تقريبا

**ahmedtaha20012000** · 30-07-2010 01:46 PM

نصحيه من حد عند ه تكيف تركيب في فليشيا 96 متركبش هيزود سخونه و حمل غلي العربيه و هيقلل السحب كتير

**egypt_slave2000** · 31-07-2010 04:56 PM

انا متشكر على اهتمامك طبعا ، بس هى الفكره انى اصلا مش بجرى بالعربيه يعنى اخرى 100 كم ، فمساله السحب والسرعه مش فارقه معيا ، ولو حسيت ساعتها ان فيه مشكله مؤثره مش هشغله اكيد بس الصراحه الجو بقى بشع مش شدة الحراره واحيانا بيبقى التكييف ضرورة ولو نص كم

**a_hejazy** · 31-07-2010 08:29 PM

المشاركة الأصلية كتبت بواسطة egypt_slave2000

يا جماعه تركيب تكييف للفيليشيا 96 يتكلف كام تقريبا

التكيف فى حدود 3000 بالتركيب تقريبا بس عايز أقولك نفس الكلام الى قاله الأخ أحمد انه فعلا هيخلى العربيه تسخن معاك وحمل على الموتور أنا مركب عندى من حولى سنتين كان سعره 3500 جنيه بس دلوقتى سمعت انه رخص عايز أقولك انى كنت بقول نفس الكلام بتاعك عشان الحر ومش هجرى بس دلوقتى لو هشغله هما 15 دقيقه والمؤشر بيعلى على طول بس بصراحه بيخاليها ثلاجه

**د.محمود صلاح** · 01-08-2010 09:50 AM

المكيف راكب عندي ولا أشغله الا في توقيتات محدده :-

اول الصبح

آخر النهار بعد العصر

ليلا

اما في عز الظهر والحر الشديد فالهواء بيخرج من الفتحات بارد ولكن على ما يوصل لوشك بيوصل على هيئة هبو

لأنه بسخن العربية جامد وهيقصف عمر الموتور ويخليه يفوت او يجيب وش سلندر

**haytham_felica** · 02-08-2010 06:17 AM

la2 momkan tgebo bs matsha3'lesh kteer

**solom609** · 03-08-2010 01:50 PM

العربية لو مش نازلة بالتكييف بتاعها يبقي افضل متلعبش فيها خصوصا لو الماتور اصلا يدوب مقوم العربية موتور الفيليشيا 1300 سي سي 64 حصان فحرام تحمله تكييف و كمان موضوع السخونة زي ما قالك الاعضاء انا من رأيي ملوش لازمة تركبه لان حتى لو ركبته و مش هتشغله كتير هتدفع فيه المبلغ اللي هتدفعه و مش هتعرف تستمتع بيه ( بتكدر نفسك ) فحرام

**د.محمود صلاح** · 06-08-2010 09:09 AM

المشاركة الأصلية كتبت بواسطة solom609

العربية لو مش نازلة بالتكييف بتاعها يبقي افضل متلعبش فيها خصوصا لو الماتور اصلا يدوب مقوم العربية موتور الفيليشيا 1300 سي سي 64 حصان فحرام تحمله تكييف و كمان موضوع السخونة زي ما قالك الاعضاء انا من رأيي ملوش لازمة تركبه لان حتى لو ركبته و مش هتشغله كتير هتدفع فيه المبلغ اللي هتدفعه و مش هتعرف تستمتع بيه ( بتكدر نفسك ) فحرام

الله ينور على حضرتك .. أنا لا عارف أشيله ولا بشغله ولا مستمتع بيه أصلاً