مبقتش فاهم حاجة والله

**shod90** · 30-07-2010 03:04 PM

بسم الله الرحمن الرحيم .. السلام عليكم ورحمة الله وبركاتة

يا جدعان انا مبقتش فاهم فى انواع السيراتو انا بقالى شهرين بحاول افهم اية انواعها .. ان شاء الله هيكون معايا الفلوس بكرة او بعدو بالكتير .. انا رحت سألت عن السيراتو فى المصرية انهاردة قالولى فى ب 116 و 126 و 106 .. اللى ب 116 دى مفهاش فتحة سقف و مفيش فرش جلد لكن فيها كل حاجة .. خلاصة الكلام انا عايز سيراتو فتحة سقف و سينسورز و abs و عند العداد النور الجامد جدا و يا اما جنط 16 او 17 و لون بتنجانى و اشارات فى المريات باااااس كدا هل فى الكوكتيل دا زلا انا بحلم ؟؟ و بكام بقى؟؟ .. عشان انا مليش فى الخايجى السعودى ولا الافغانى دا ههههههههههه ... انا بتلخبط من الكلام دا :) .. و تبقى فين السيارة الكوكتيل دى ؟؟ شكرا و اسف للاطالة !

**Amr A.salam** · 30-07-2010 03:50 PM

لو عايز وكيل يبقى عليك وعلى الفئة SX sr دي ب121 ألف تقريباً
جنط 17 - سينسورز - عداد رياضي - ABS - فتحة سقف

لو عايز خليجي ......فيه 500 فئة فيهم طلبك وزيادة
وانا بالمناسبة عربيتي خليجي وفيها فتحة سقف - ABS - عداد رياضي - سنسورز - بس الجنط 16

وتقريباً دلوقتي تعمل 110 ألف

ممكن تكلم سمير ريان أو جابر عبد الشهيد وتستفسر

**Amr A.salam** · 30-07-2010 04:05 PM

وممكن حضرتك تبص بصة على الموضوع دة وتاخد فكرة عامة عن المواصفات الموجودة

http://www.nilemotors.net/Nile/103768-2010.html

بس مالكش دعوة بالاسعار علشان الأسعار دي زادت ألف جنيه تقريباً في كل الفئات بالنسبة للوكيل موديل 2011

ونزلت جامد جداً بالنسبة للخليجي 2011

**shod90** · 30-07-2010 05:14 PM

المشاركة الأصلية كتبت بواسطة Amr A.salam

ونزلت جامد جداً بالنسبة للخليجي 2011

شكرا للموضوع الجامد دا بس ممكن افهم اية الجامد فيها ؟؟

**ahmedbeirut123** · 30-07-2010 05:24 PM

السيراتو هاى لاين ب 126 الف

وفيها كل الاوبشنز اللى حضرتك قولتها و اكتر

**ashraf229** · 30-07-2010 05:55 PM

عند جابر عبد الشهيد كان فيه فئة سعودي جنط 16 فتحة سقف اشارات مراية نواكل تكييف تاتش اي بي اس وكانت ب 108 من 3شهور و معتقدش الأسعار اتغيرت ................

توكل على الله و روح سمير ريان و هوه تقريا احسن مكان للسيراتو وكيل و خليجي.... أو جابر عبد الشهيد لو مش هتتخنق منهم و هناك هتفهم كل حاجة................

فيه كمان معرض اسمه سلطان في شارع حسن المأمون ( النادي الأهلي) عنده فئات كتير برضه..........

..و طول بالك لنه فيه فئات كتيييييييييير جدا و كويتي و اردني و احيانا اماراتي و هكذا.

**Amr A.salam** · 31-07-2010 10:53 AM

المشاركة الأصلية كتبت بواسطة shod90

شكرا للموضوع الجامد دا بس ممكن افهم اية الجامد فيها ؟؟

أقصد ان اسعار الخليجي في السوق دلوقتي أقل بكتير من ساعة ما عملت الموضوع

يعني الهاي لاين كانت ب132 .......دلوقتي ب122

عربيتي كانت ب120 .......دلوقتي تقريباً ب110

وكدة يعني