عاوز مساعتدكم ضرورى فى تعديل باسات 1975

**maraaawan** · 29-02-2008 05:49 AM

انا جبت عربية باسات حالة نادرة موديل 75 مرفوعه دواخل وخوارج فابريكة لكن الموتور خفيف عاوز اغيرة اية الموتور اللى يتسقط فيها وتمنه كام وهايبقى بالفيتيش والعفشة الامامية والضفيرة ولا اية؟؟

التابلوة بتاعها اثرى اية التابلوة اللى يركب عليها ؟؟ علشان العدادات كلها تبقى شغالة بكنسول وهل فى حد هنا بيعمل تابلوه مخصوص ؟؟؟ زى الشغل اللى كنت بشوفى فى بمب ماى رايد؟؟

الاكصدامات الفيبر تتعمل فين ؟؟ وكسوة الابواب والفرش احسن مكان يعملها فين ؟؟ الجنوط والكاوتش ارخص وانضف مكان فين وكام ومقاسة قد اية ؟؟
الكشافات اللى قدام عاوز العب فيها شوية تتعمل اية او تبقى شكلها اية وتتكلف كام ؟؟ العربية حالتها نضيفة وتحفة ياريت تدونى تصور وميزانية تقريبية يا جماعه وعناوين الاماكناللى تعمل دة وشكرا واسف لانى بتقل عليكم

**Xpert** · 29-02-2008 11:07 AM

بومب ماي رايد هعععععععع
بص يا سيدي .. خلينا في الواقع بقي .. اي مكنه تاعه جولف هاتركب عندك ... حتي لو احتجت تنقل قاعده الموتور لورا شويه مش مشكله ..
بالنسبه للتابلوه هايشتغل زي ما هوه اي ثينك ..
الاكصدامات الفيبر في الحرفيين بيقولوا سيد حواجب هناك
السروجي عندك حربي في الحرفين (بس ماعتقدش ان العربيه تستاهل ... تقدر تشوف اي سروجي عادي)
الجنوط خليك في طقم جنط الومونيوم استيراد 14 انش ..

ده اللي اقدر اقولك عليه يا حج ..

**maraaawan** · 29-02-2008 02:29 PM

شكرا ياباشا بس ماقولتليش تمن الماتور ممكن يكون كام وتستحمل لحد قد اية 1600 او 1800 وبعدين اعرف ان تغيير قواعد الماتور ممنوع فى المرور وانا عاوز اغير التابلوة بتاعها شغال او بايظ شكلة قديم موت عاوز اعرف اية اللى يمشى معاها من الجديد

والابواب ممكن تتغطى من جوة بشكل حديث ولالا؟؟

وطقم الجنوط يعمل كام؟؟؟ اللى قلت علية ياباشا

**Xpert** · 29-02-2008 02:32 PM

الاسعار ماعرفش .. و المواتير هاتستحمل ماتخفش ..دي من ايام زمان ايام ما كان فيه بركه و الحديد كان كتير ...
بالنسبه لتغير القواعد مش لازم تروح تقولهم انا مغير قواعد .. انت ظبط و داري و روق .. و قولهم هيا نازله علي نفس القواعد ..

**maraaawan** · 12-03-2008 06:54 PM

انا فككت العربيه الموتور بيتعملة عمرة حاليا بس عندى مكلة جامدة م لاقى قطع الاتية فوانيس امامية واكصدام امامى وخلفى وتابلوة بالقطمة والكونسول بتاع الباسات ال جى تى 1985 والفوانيس الخلفية بتاعه الباسات ال 75 العاديه ..
عاوز دراعات للباب من جوه فيها مكان زراير كهرباء تتكلف كام وبتتباع فين
المساعدين بتاعتها الاستيراد مش عجبانى فمفيش مساعدين تركب عليها من الجديده
السمكره العربيه مافيهاش برومة فيها كام ضغطة فى الابواب وهاتتظبط علشان هاعدل مكان فانوس اشارة قدام السمكرى قال 1200 جنيه سمكرة بس دة كويس؟؟
الدوكو لايص بيقولوا فية لتر بويه ب 100 جنية والورنيش بتاعه اللتر ب 100 وفية ب 300 جنيه والورنيش برضة ب 300 بس لو عاوز اقلل التكاليف اجيب بوية رخيصة وورنيش غالى دة علشان اللون الميتالك هايبقى اية ظروف الكلام دة يا جماعه ؟؟؟

**Xpert** · 13-03-2008 04:57 PM

ماهه علشان كده محدش بيفك عربيته غير لما يشتري قطع الغيار ! ... اسرح بقي في الحرفين و عزبه شلبي و ابو رجوان يمكن تلاقي الحاجات دي ... لان الباسات القديم محدش بيجيبه في الاستيراد ...
بالنسبه للفوانيس الاماميه ممكن تعمل لعبه حلوه ده لو انت عندك سمكري حلو ... هاتجيب 2 فانوس بتاع الفولكس الجيتا القديم لحد 1983 تركبهم في الطرفين .. هايتبيقي معاك الشبكه مش هاتركب .. تجيب شبكه جولف 2 و تروح لبتاع الفايبر يقطع الدايريتين اللي فيها بتاعه الفوانيس دي و يقيفهالك (يظبطلك مقاساتها علشان تركب علي العربيه بشكل حلو) ... بالنسبه للاكصدام نفس النظام اكصدام جولف 2 قيسه و لو الطول مظبوط ظبط القواعد بحيث انه يركب ...الكنصول ركب كنصول الجولف 1 جي تي اي اعتقد انه يركب ..الفوانيس الخلفيه اعملها كريستال في الحرفيين و اشتري دماغك ..(الاحمر في ابيض ده) ...
الغي فانوس الاشاره خالص من جنب الرفرف قدام (بس يكون بحرفنه) و ركب اشارات في جنب الرفرف و في الاكصدام اللي هاتجيبه ...
طبعاً السعر غالي طبعاًُ ...
بالنسبه للبويا فيه نوع اسمه اكليريك تقريباً خليك معاه ..