دلوقتي الريسيفر بتاعي باظ ... بعد إستخدام 7 سنوات بس مش عارف ليه !!!!!!!!! :11: :E_braces[1]: حاجة غريبة جدا
أنا بقى عايز أجيب ريسيفر تاني بس يكون فيه هاي ديفينشن لأن عندي التلفزيون إلـ سي دي 32 يبقى أجيبه هاي ديفينشن على طول من دلوقتي وأخلص .. ولا إيه رأيكوا :11:
المشكلة إن الأسعار اللى موجودة بتتكلم في 1500 وحاجات زي كده في كارفور وغيره وأنا التلفزيون مش من أولوياتي أصلا .. بس في نفس الوقت مش عايز أجيب حاجة أي كلام ألاقي نفسي عايز أغيرها كمان سنة مثلا :36_1_50[1]:
وسمعت إن فيه كيوماكس هاي ديفينشن بيتكلم في 650 في باب اللوق بس أنا معرفش أجيبه منين ومعرفش موديله إيه ومن عند مين يكون ثقة .. لأن أساسا أنا بكره باب اللوق ومش بحب نوعية التجار النصابين اللى بقوا شغالين هناك والواحد مبقاش يعرف مين الكويس ومين الوحش ... :I_angr1[1]:
ياريت بقى لو حد يعرف حد ثقة ممكن أروحله على طول يقولي :049:
ولو فيه أي جهاز آخر إنتوا شايفينوه إنه أحسن من الكيوماكس تقولولي عليه .. لأن سكة الريسيفرات دي ماليش فيها خالص :8954[1]: