قدامى اوكتافيا مو 2000 وباسات مو 2000 الاتنين 1600 سى سى واستيراد المانى اجيب ايهما
عرض للطباعة
قدامى اوكتافيا مو 2000 وباسات مو 2000 الاتنين 1600 سى سى واستيراد المانى اجيب ايهما
جيب باسات كعربية احسن بكتير
كده كده العربيتين بقالهم 10 سنين في الشوارع
شوف اللي حالتها احسن ايه و اشتري علشان توفر مصاريف
هي طبعا الباسات برستيج احسن و اشيك بكتير بس قطع غيارها برضه أغلى بكتير
ربنا يوفقك للإختيار المناسب
أرشحلك الأوكتافيا ولسبب مهم جدا ان العربيه منتشره وقطعها متوفره عكس الموديل ده من الباسات وهى عربيه محترمه جدا ومن فولكس بردو وعلى فكره أغلب مكونتها من فولكس
انتا بتتكلم عن الاصل و التقليد الياسات تكسب طبعا صالون و شكل و منظر و عربيه عن الاسكودا يا راجل دا كفايه اسمها سكودا انتا نسيت الاسكودا الفافوريت هى دى الاسكودا
باسات طبعا...دى مرسديس بالظبط
للرشح الباسات: ايه الى يميز الباسات اتوماتيك عن الاسكودا اتوماتيك؟
للرشح الاسكودا: ايه الى يميز الاسكودا اتوماتيك عن الباسات اتوماتيك؟
ارتفاع اسعار قطع الغيار بس هى السبب ؟
بالنسبه للشكل والبريستسج راى الشخصى ان الاتنين قريبين اوى من بعض
قطع غيار الباسات سمعت من قسم الفولكس انها متوفره فى الحرفيين باسعار مناسبه ارخص حتى من اسعال الاوبل
دا صحيح ؟
بمناسبة الاوبل لو دخلنا الفيكرا 2000 اتوماتيك فى المقارنه ، ياترى يكون ترتيبها ايه قبل الاسكودا والباسات ولا بعدهم ؟ وليه ؟
شوف يا باشا...
في المستعمل, الحاله بس هي اللي تحكم و تفرق عربيه عن الثانيه, مش البراند...
رأي لو الباسات و الاوكتافيا حالتهم مميزه, و فابريكه... يبقى باسات افضل
لان الموديل ده تحديدا من الباسات رائع بكل المقاييس...
و لو دخلت الفيكترا في الموضوع, هيكون ترتيبهم في رأي كالاتي...
1- باسات .. فيكترا
2- اوكتافيا
الموديل ده بردو من الفيكترا بيضرب بيه المثل, و ماقدرش اقول انه اقل
من الباسات في شئ... الفيكترا لو حالتها فعلا ممتازه و فابريكه, يبقى ربنا كرمك
و اخيراً... شوف حالة كل عربيه, و استخير ربنا, و توكل على الله و قرر...
تقبل تحياتي...