دامى اوكتافيا مو 2000 وباسات مو 2000 الاتنين 1600 سى سى واستيراد المانى اجيب ايهما
عرض للطباعة
دامى اوكتافيا مو 2000 وباسات مو 2000 الاتنين 1600 سى سى واستيراد المانى اجيب ايهما
طبعا الباسات موديل 2000 حكاية وواسعة اوى من جوة
بس سحبها لازما تجربة وشوف هيعجبك ولا لأ؟
تعقيب صغير..من حيث المساحة...العربيتين زي بعض..من حيث الأساسيات ..العربيتين زي بعض..من حيث الموتور..العربيتين زي بعض..من حيث الأوبشن..تقريبا الباسات أعلي في حاجات معينة.من حيث الشكل..الباسات شكلها أحلي.بس الأوكتافيا شكلها مش وحشة.من حيث إعادة البيع,العربيتين ماسكين سعر كويس.من حيث قطع الغيار العربيتين حاجتهم عند البقال..بعد الكلام ده شوف حضرتك المناسب لك.علي فكرة الباسات أفخم بعض الشئ
الاثنين يتساوي
شوف الحاله الانضف
العربيه الانضف كحاله تكسب
أستاذ فادي بالراحة بس عليا شوية...العربيتين مساوين لبعض تقريبا..راجع wikipedia العربيتين مبنيين علي نفس الشاسيه ونفس الموتور ( راجع موقع ويكيبيديا وانت تعرف ) الباسات اللي صاحب الموضوع بيسأل عنها غير الباسات b5 اللي هيا من 2002.بالنسبة للسحب العربيتين نفس السحب والعربيتين نفس الوزن.وده أيضا كلام ويكيبيديا و old top gear. وشكرا
انا اسف لصاحب الموضوع اننا خرجنا عن ماهو عايز
اسف بجد
معلش يا انسبيرون طلعت out المرادى يا معلم, أولا أنا سقت الباسات 99 لأ أتقل فعلن من البورا و الأوكتافيا و بالتالى أتقل فى السحب, الماكينة و الفتيس واحد فعلن, لاكن العفشة و الشاسيه مختلفين. الباسات طبعا اوسع بكتير من الأوكتافيا و قعدتها اكثر متعة و برستيج أعلى, الأوكتافيا قطع غيارها أكثر انتشارا و ارخص, لو موضوع قطع الغيار مش هيفرق معاك و ثقل الوزن الزيادة, يبقى الباسات تتفوق بالطبع على الأوكتافيا (اختلاف قطع الغيار هى العفشة "8 مقصات أمامى" و قطع الغيار الخارجية, لاكن الموتور هو نفس قطع الغيار هما و البورا)
غير لما تركب داخل العربتين من جوا هتلاقى نفسك متجه ناحية الباسات لوحدك عموما يا ريت تقلنا الناس بتتكلم على كام, لأنى بفكر أوقات فى الباسات بس لسه ملقيتش الحالة ولا خد القرار النهائى, و العربيات ديه متواجده فين, و بالتوفيق
العربية دى للمعاقين استيراد المانيا مباشرة ليا صديق فى المانيا مقيم من فترة طويلة وفاتح معرض لبيع السيارات هناك حيستوردها لوالدى سعرها مفاجأة مش حتصدق سعرها فى المانيا فى حدود (25000+ عمولة صديقى وعمولة مكتب تخليص بورسعيد 10000 = تقريبا 35000 يا بلاش ) وعلى فكرة انا بختار العربية من على النت واشوفها بره وجوه وبعرف موديلها وعاملة كام كيلو متر والسعرواللون وكل حاجه خاصة بالعربية .
ومحدش يقولى فيها نصب علشان الراجل المصدر بتاع المانيا صديقى من الطفوله وحبيبى بالاضافة اننى مش حدفع فلوس الا لما العربية توصل ميناء بورسعيد واشوفها يعنى على عينك يا تاجر .
وانا انشاء الله لما حجيب العربية حقولكم ايه الاخبار وارفع صورها ليكم بس انا مش حجيبها غير فى اكتوبر 2010 لما الفلوس تتوفر معايا
انا سالت في المرور قالولي لازم المعوق يركب العربيه هو بس اللي يسوقها لمدة 5 سنوات والا العربيه يتحجزعليها.....ربنا يكرمك ويعملك الخير