نوبيرا 1 وارد الخارج

**McDreamy** · 06-03-2008 10:29 PM

المشاركة الأصلية كتبت بواسطة msalama

لا ده سعر العربيه من غير تظبيط المعاق و المعاق حياخد حوالى 5000 و العربيه بتفضل زى ماهيا مابتغيرش فيها اى حاجه يعنى ضيف 5000 جنيه تقريبا على ثمن العربيه

يبقى الراجل كده مش عارض سعر جامد ولا حاجة لأن كلامه قريب من كلامك
حضرتك بتقول سعرها 33
وزود عليهم الخمسة بتوع المعاق.....يبقى 38 الف
وزود عليهم 9600 جنيه فك حظر.....يبقى حوالى 48 الف
والراجل طالب 50 الف
يعنى بالاكراميات بالسلاطات بمكسبه ......مش كتير ولا رأيك ايه؟

**McDreamy** · 06-03-2008 10:30 PM

المشاركة الأصلية كتبت بواسطة mido_algen

اللي يخليك تدفع الخمسين في عربيه موديل تسعينات يخليك تدفعهم في مقدم عربيه جديده وتقسط الباقي وهتبقي عربيه جديده وانت سايقها وعارف تاريخها

وانا معاك......تقريبا

**ads** · 19-03-2008 10:59 AM

العربيه على فكره غايه فى النضافى احنا لسه جيبنها لابن عمى وه استيشن فول ابشن العربيه تركبها اكنك راكب bmw بس المهم الحاله تكون زيرو يبقى سعرها كويس ونصيحه اتكد من الفتيس والمتور

**McDreamy** · 19-03-2008 04:39 PM

المشاركة الأصلية كتبت بواسطة ads

العربيه على فكره غايه فى النضافى احنا لسه جيبنها لابن عمى وه استيشن فول ابشن العربيه تركبها اكنك راكب bmw بس المهم الحاله تكون زيرو يبقى سعرها كويس ونصيحه اتكد من الفتيس والمتور

ايوه بس نتأكد من الفتيس والموتور ازاى؟......ما انت عارف الميكانيكية عندنا نظامهم ايه!!!!

**Xpert** · 19-03-2008 04:42 PM

عربيات المعاقين اخر حاجه تفكر فيها حاله الموتور .. 90% بيجي حاله موتورها 100 100 ...
الرك علي البارومه و الصداء تحت في الارضيه و في دواير العجل ... ده اللي تاخد بالك منه ..

**knightmido** · 19-03-2008 07:43 PM

اعتقد والله اعلم ان المبلغ اللى مع حضرتك يجيب لانوس 2 موديل حديث وبحالة ممتاذة ومفيش داعى تدخل فى مشاكل الاجراءات والورق .. واكتر من ده كله فى راييى الشخصى عدم استغلال حالى وحاجى شخص ذا احتياجات خاصة .. ربنا يهديك حسن التصرف

**msalama** · 20-03-2008 09:09 AM

المشاركة الأصلية كتبت بواسطة Xpert

عربيات المعاقين اخر حاجه تفكر فيها حاله الموتور .. 90% بيجي حاله موتورها 100 100 ...
الرك علي البارومه و الصداء تحت في الارضيه و في دواير العجل ... ده اللي تاخد بالك منه ..

معلش الكلام ده مش شرط لان التاجر لما بيسافر يشترى عربيات من الخارج بيدور على أرخص حاجه علشان يكسب طبعا و الغالبيه بشتروا العربيات المستعمله اللى عامله حوادث لانها بتكون ارخص كتير جدا فى الخارج لان طبعا التصليح عندهم مكلف
و بيجيبوا مع العربيه قطع الغيار اللى محتجاها من هناك و يحطوها فى صالون العربيه و يشحنها معاها لمصر و بعدين تتصلح هنا و تتدهن و تتلمع طبعا انت لما تشترى العربيه من الجمرك شايفها قدماك زى العروسه بس مش ممكن تجربها أو تمشى بيها او حتى ترفعها من تحت علشان تكشف عليها و فيه عربيات كتير انا شفتها جايه و الاير باج ضارب و مخبوطه من قدام طبعا و جايبين معاهم الأكصدامات و الفوانيس و طارة دريكسيون طبعا انت لما حتشترى حتفتكر ان فيها أير باج لكنه مش شغال منظر يعنى
الخلاصه ان العربيات دى زى البطيخة انت و حظك

**Xpert** · 20-03-2008 09:12 AM

بره بيهتموا بالمواتير و بيعملوا صيانه دوريه .. هو اه بيجيبوا عربيات حوادث .. (في الصاج اهه) و بره العربيات بتاكلها البارومه من تحت و مابيعالوجهاش علشان السمكره عندهم غاليه .. و علشان كده تلاقيهم بيبيعوا العربيه مكتوب عليها اكسبورت (للتصدير) ..
يا باشا انا عارف شغل بره لان انا منت عايش بره و دي كانت شغلانتنا ...
معظم الاضرار بتبقي في الصاج مش في المواتير ...

**McDreamy** · 20-03-2008 11:03 AM

المشاركة الأصلية كتبت بواسطة Xpert

بره بيهتموا بالمواتير و بيعملوا صيانه دوريه .. هو اه بيجيبوا عربيات حوادث .. (في الصاج اهه) و بره العربيات بتاكلها البارومه من تحت و مابيعالوجهاش علشان السمكره عندهم غاليه .. و علشان كده تلاقيهم بيبيعوا العربيه مكتوب عليها اكسبورت (للتصدير) ..
يا باشا انا عارف شغل بره لان انا منت عايش بره و دي كانت شغلانتنا ...
معظم الاضرار بتبقي في الصاج مش في المواتير ...

انت ياض يا سويفى ياللا
انت عامل قلق ووش ليه.......
طب ايه قولك بقى انى بلدياتك......
وايه قولك ان العربية الى باتكلم عليها دى فى بنى سويف ......
وايه قولك ان ممكن تشوفها بنفسك وتسوقها لو عاوز.....
وايه قولك ان ممكن تيجى تحكى لحيايبنا هنا الى شفته......
وايه قولك......وايه قولك بقى؟

**Xpert** · 20-03-2008 11:06 AM

؟؟؟؟؟؟
اديني لفه :d
ايه ده .. هنا في بني سويف .. و كمان جنبيا ... ده مافيش في بني سويف غير معاقين زهنياُ ..و دوول مش من حقهم يصرفوا عربيات :d :d
منين في بني سويف انت .. ؟
بيشوي اللواي ...شارع عبد السلام عارف ....