طبعا كلكم فاهمين انا اقصد ايه......
الموضة النهارده
عربيات نوبيرا 1 موديل 1997 بتيجى على الخارج اساس انها مجهزة للمعاقين
انا سمعت فيها كلام متناقض جدا....حلو قوى ووحش قوى
ونخش فى الموضوع
فى واحد جارى لسه جايب واحدة من بورسعيد من حوالى اسبوعين ....اوتوماتيك جميع الكماليات وراح بورسعيد امبارح يكمل الاجراءات الافراج الجمركى ويفك الحظر

هو تاجر وعارضها عليا من الاخر على خمسين الف جنيه ويديهالى برخصة ملاكى عادية

انا محتار
العربية شكلها حلو قوى وشيك وعائلية وتقفيل الخارج والقصص الى انتم عارفينها دى
وارجع اقول......ممكن تكون مقلب ومحدش عارف ايه حصل فيها الفترة الى فاتت وكمان انا مليش فى حوار انى اروح التوكيل يكشف عليها
وكمان فى حد يحط خمسين الف جنيه فى عربية معمولة من 11 سنة
الخمسين الف ممكن يجيبوا حاجات كتير جديدة شوية (لانوس مثلا) او ممكن يتحطوا مقدم عربية ويبقى باقى قسط بسيط

ايه رأيكم؟