عندى مشكلة صغيرة فى ضبط الزوايا ..

**mark_milad_95** · 30-07-2010 06:12 PM

مساء الخير شباب بروتون .

ايه الاخبار ؟!
يا رب كله كويس ..

العربية عندى كانت بتحدف يمين بسيط اوى , يعنى مش بتبان غير على طرق السفر مثلا .

روحت اضبط زوايا عند بريدجستون اللى فى عمارات العبور . دا كان من 10 ايام كدة.

المهم انا لسة جاى من سفر امبارح بالعربية و نفس الحدفة اليمين موجودة . او ممكن تكون قلت شوية مش عارف . هى اصلا حدفة صغيرة يعنى .

المهم رحت تانى انهاردة بريدجستون قولتلو العربية لسة بتحدف و طلع معايا نجرب .

قاللى دا عيب فى الكاوتش لو بدلنا الكاوتشين اللى قدام العربية هتجدف شمال .

و بدلهم و جربت و الحدفة لسه يمين زى ما هى .

قاللى دا مش عيب زوايا , روح التوكيل . و مرديش يبص على الزوايا تانى . قاللى انا متأكد ان اعيب مش زوايا .

انا حاسس انة ضحك عليه عشان مايضبطش الزوايا تانى .

يا ريت اصحاب الخبرة , لو حد يعرف المشكلة فين , و الرجل اللى هناك دا بيتكلم صح ولا اى كلام . يعنى اروحله تانى ولا لأ !!

و شكرا مقدما .

**أبومعاذ** · 30-07-2010 06:21 PM

في واحد عندك في عين شمس في شارع متفرع من سليم بعد كنتاكي يمين وقبل قهوة عماد خليه يبصلك على الزوايا لقاها مظبوطة اطلع على التوكيل

**eng.m7md.ali** · 30-07-2010 09:31 PM

وانا كمان كان عندي الحوار ده بس روحت اشرفكو اللي في ترعة الجبل - المطرية وظبطولي الحوار ده وبعد فترة روحت ظبطت زواية تاني بس المرة دي محدش عارف يظبطهالي والعربية لسة بتحدف يمين

**Raul_7** · 30-07-2010 09:39 PM

على فكرة أنا حاسس إن الموضوع الحدفة ده بسبب الطريق, وده لأني ساعات بلاقي العربية بتحدف يمين خفيف, وساعات شمال خفيف برده, بس بيبقى فيه ميلان في الطريق.

وموضوع الحدفة ده بيبان قوي في طريق العالمين وعلى ماأظن إنه بيبقى بسبب الهوا الجامد.

إنما مثلا تعالى جرب على طريق مصر اسكندرية المتسفلت جديد, ولا أي حاجة...

ده بالنسبالي.

**mark_milad_95** · 30-07-2010 09:47 PM

المشاركة الأصلية كتبت بواسطة raul_7

على فكرة أنا حاسس إن الموضوع الحدفة ده بسبب الطريق, وده لأني ساعات بلاقي العربية بتحدف يمين خفيف, وساعات شمال خفيف برده, بس بيبقى فيه ميلان في الطريق.

وموضوع الحدفة ده بيبان قوي في طريق العالمين وعلى ماأظن إنه بيبقى بسبب الهوا الجامد.

إنما مثلا تعالى جرب على طريق مصر اسكندرية المتسفلت جديد, ولا أي حاجة...

ده بالنسبالي.

ايوا يا باشا ان لسه راجع على العالمين امبارح بيحدف يمين اوى

بس باردو عندى حدفة يمين صغيرة فى باقى الطرق .

انا كنت بقول برده دا بسبب ميل الطرق , بس عمرها ما حدفت شمال :) اكيد العيب عندى مش فى الطرق .

**mark_milad_95** · 30-07-2010 09:59 PM

المشاركة الأصلية كتبت بواسطة tarek gen 2

انا عندى نفس الحدفة و جربت كل حاجة بريدج و توكيل و بنزينة و مفيش فايدة معرفش ايه ده !!!

:) :) يعنى هى العربية بتحدف يمين مالهاش حل :) !!

**mark_milad_95** · 30-07-2010 10:04 PM

المشاركة الأصلية كتبت بواسطة أبومريم

في واحد عندك في عين شمس في شارع متفرع من سليم بعد كنتاكي يمين وقبل قهوة عماد خليه يبصلك على الزوايا لقاها مظبوطة اطلع على التوكيل

و دا يا باشا احسن من بريدجستون ؟؟؟؟!!!!

معلش يا باشا اتعبك !! ممكن رقمك عشان استفسر منك بضبط .

معلش على الازعاج .

**أبومعاذ** · 30-07-2010 11:54 PM

المشاركة الأصلية كتبت بواسطة mark_milad_95

و دا يا باشا احسن من بريدجستون ؟؟؟؟!!!!

معلش يا باشا اتعبك !! ممكن رقمك عشان استفسر منك بضبط .

معلش على الازعاج .

................* كلمني شكرا

تم حذف الرقم بناء على طلب صاحبه

م ع 3

الموضوع: عندى مشكلة صغيرة فى ضبط الزوايا ..

LinkBack

أدوات الموضوع

عرض

-

-

-

المواضيع المتشابهه

عندى مشكلة صغيرة

فى.مشكله.فى.ضبط.الزوايا.عندى

عندى مشكلة صغيرة- الريموت لا يفتح باب السائق

عندى شكوة صغيرة فى السحب

عندى مشكلة صغيرة فى الكيا بتاعتى

الكلمات الدلالية لهذا الموضوع

المفضلات

المفضلات

ضوابط المشاركة