اغيثوني .. السباكين هايجننوني

**abo2000bc** · 30-07-2010 07:40 PM

السلام عليكم ورحمة الله

انا ساكن ( بعيد عن السامعين ) في الدور السابع ..

عندنا في العمارة موتور مياه ايطالي .. لما بنشغلو من غير اوتوماتيك .. المياه بتوصل في ثواني بمجرد ما اشغل مفتاح الموتور ..

بعد ما ركبنا اوتوماتيك .. اصبح الوضع لا يطاق .. بعد ان تفتح الحنفية عليك ان تنتظر حوالي 3 او 4 دقائق حتى يعمل الموتور ثم تصل المياه بعد ذلك مباشرة .. ويستمر الموتور في العمل لمدة 30 او 40 ثانية ثم يفصل ( لوحدو ) لمدة 3 او 4 دقائق اخرى وهكذا .. وفي بعض الاحيان يفصل الى مالانهاية ..

احضرنا السباك اللي ركبه وطلبنا منه تظبيط الاوتوماتيك .. بعد ان تاكد ان البالونة سليمة .. قام بالتعديل في مفاتيح الاوتوماتيك .. وكانت النتيجة انه اصبح يعمل بشكل افضل نوعا ما .. بس فضلت هناك مشكلة وهي ان الموتور بيشتغل بعد ان افتح الحنفية بحوالي دقيقتين ونصف .. ويفصل بعد ان اقفل الحنفية بحوالي دقيقة ..

عايز افهم .. المشكلة فين بالظبط ؟؟؟؟ وهل استطيع ان احلها بنفسي ؟؟؟؟ وكيف احلها بنفسي ؟؟؟؟

انا بصراحة زهقت من السباكين والكهربائية وعايز اوصل لحل نهائي في المشكلة دي .

ارجو الرد سريعا .....

والسلام عليكم ورحمة الله وبركاته

**abo2000bc** · 30-07-2010 08:29 PM

مفيش حد هنا عنده خبرة ولا ايه ؟؟

**abou-yahia** · 30-07-2010 09:15 PM

طيب ممكن تركب خزان واهو مميزاته كتير واعتقد انك ممكن تشترك مع حد من جيرانك فخزان 2 متر وده يعتبر كبير بحيث تقلل التكلفه وتتلافي عيوب الموتور من اعطال وتكلفه استهلاك كهرباء

**A.Saad** · 30-07-2010 09:48 PM

اعتقد ان ظبط الاوتوماتيك مش كويس
بمعنى ان الاتوماتيك بيظبط ضغطه بحيث عند ضغط معين يشغل الموتور ويفصله
وهنا الظبط مش صح

لو هتعمله
فيه زرار بتلفه يظبطه
بس مش بايدك لان الاوتو ده 380 فولت

**ahmed1981** · 30-07-2010 11:02 PM

الأوتوماتيك لازم يتظبط تاني

ولما السباك أو الكهربائي يظبطة لازم تكون موجود
وتخليه يزود الربط على مسمار ضبط الأوتوماتيك وبعدين تفتح الحنفية وتجرب
وتكرران هذا التمرين
حتى تحصل على الوضع السليم
وهو أن تفتح الحنفية فينزل منها ماء بضغط قليل ثم يشتغل الموتور فوراً فيزيد الضغط وبعد أن تغلق الحنفية سيظل الموتور يعمل لحوالي 2 أو 3 دقائق

لو الأمر السابق لم يصلح فلا حل إلا تركيب مفتاح كهربائي خاص بك بحيث تشغل الموتور يدوياً عند الحاجة