مقابلة كيا الرابعه 6/8( الكل يدخل يأكد الحضور )

**ghazy12** · 03-08-2010 11:48 PM

المشاركة الأصلية كتبت بواسطة ahmed.tv

المهندس غازى رجع , ده احلى خبررررررررررررررررررررررر رررررررررررر
مع انى واخد على خاطرى منه بس وجوده معانا ورجوعه للمنتدى بالدنيا كلها وكنت سعيد بتليفونه الغالى عندى جدا , بصراحة محمد من الناس اللى بحبها جدا وبعتبره اخ فعلا والمنتدى كنت حاسس انه نقصه حاجة طول فترة غيابه , انا بعتبر غازى فاكهتنا فعلا
وسعيد انى حشوفك يا غازى ,وياريت متغبش عنا تانى , احنا اخواتك ولازم نكون جنبك فى كل الاوقات

وسعيد انى حشوف احمد سعد , وابوليلى وكريم منير , وكل اللى اتقابلت معاهم قبل كدا واعرفهم وبيربطنى بيها صداقة قوية , وسعيد انى حتعرف على باقى الاعضاء زى عتريس والزواوى ونورمال واحمد سامى واحمد اسماعيل وحسام ابتراوى مع الاحتفاظ بالالقاب وكل اعضاء كيا المحترمين

حيكون معايا من قسم نيسان محمد فوزى ومحمد سليمان ومحمد رماح ولسه حشوف باقى الناس
بس محمد فوزى ماكد حضوره معايا

ربنا يبارك فيك يا استاذ احمد, و انا عارف انك كنت واخد على خاطرك مني
بس يا رب اكون وضحتلك الامور و ماتكونش لسه زعلان

انت عارف اكييد انك من الشخصيات اللي شرفني جداا اني اتعرف عليها من خلال المنتدى,
و بعتز بيك جداا كصديق و أخ

و ربنا يديم المعروف بينا و بين كل الاعضاء في المنتدى...

ان شاء الله اكون معاكوا في المقابله, و اشوفك على خير بإذن الله

شكراا جزيلا على كلامك الجميل, و ذوقك, و ده العادي من انسان محترم زيك...

تقبل خالص تحياتي...

**ابو ليلى** · 04-08-2010 12:38 AM

تم فتح موضوع نهائى للمقابلة فيه كل التفاصيل الرجاء المتابعه

http://www.nilemotors.net/Nile/169863-6-8-2010-a.html

**Hosam_Optrawy** · 04-08-2010 01:14 AM

المشاركة الأصلية كتبت بواسطة normal

حصل تغيير فى الخطه بالنسبالى
أنا هبقى فى شقتى الى فى الهرم من يوم الخميس
يعنى إن شاء الله هطلع من هناك ومش هكون عند فرغلى مع بتوع مدينه نصر
هنسق مع أبو ليلى بقى أقابله علشان أروح معاه
أو حسام أوبتراوى أو أى حد من الهرم يعنى لأنى مبرحش هناك كتير ومحسوب عليه أنى ساكن فى الهرم :))

بس كدا ياكبير ده انت تشرف وتنور :)

المشاركة الأصلية كتبت بواسطة ghazy12

السلام عليكم و رحمة الله و بركاته

ازيكم يا رجالة كيا..؟؟ يا رب يكون الجميع بخير و بصحة و سلامه

أولا: كل سنه و كل الأعضاء و المنتدى بخير, و رمضان كريم على الجميع

ثانياً: بجد وحشني المنتدى و الأعضاء جدا جدا جدا جداااا

بقالي كتييير مش بدخل على المنتدى و ده بسبب مشاكل الحياه اللي بتتكربس فجأه فوق دماغ الواحد

اتمنى تتقبلوا مروري, و ان شاء الله اكون متواجد معاكوا زي الأول

تحياتي للجميع

اخوكم محمد غازي

حمد الله على السلامه نورت المنتدى :)