الموضوع: مقابلة كيا الرابعه 6/8( الكل يدخل يأكد الحضور )

السلام عليكم ورحمة الله وبركاته

كلنا طبعا فكرين المقابلة اللى كانت فى الرحاب واللى كانت ممتعه بكل المقايس
http://www.nilemotors.net/Nile/163743-7-2010-a.html

http://www.nilemotors.net/Nile/164372-a.html


ومن وقتها واحنا بنتفق اننا نتقابل تانى وحددنا اليوم فعلا وهو يوم الجمعه الموافق 6/8 وعملنا تصويت فعلا وكانت الاغلبية موافقه على العين السخنة ولكن لان كلنا عارفين الوقت ده بالذات من السنة وقبل دخول رمضان مباشرة .( كل سنة وانتم طيبين)

جميع القرى رفعت اسعارها وكمان فى بعض الاعضاء كانو غير متحمسين للفكرة واتفقنا مرة تانية اننا نرجع للاختيار التانى اللى كان موجود فى الاستطلاع وهو احدى القرى السياحية بالهرم وفعلا

من فترة وانا بدور على مكان يكون كويس ولكن المفاجاة التى كانت غير متوقعه هى عدم وجود مكان فى هذه القرى وذلك لان اغلب العرب موجودين دلوقتى فى القاهرة وجميع القرى بيتم لها الحجز النهارده كنت موجود فى قرية فلفة مثلا لكم انت تتخيلو القرية كبيرة جدا ولكن لا يوجد فيها مكان لكرسى واحد واول مرة اشوف المنظر ده اخوانا العرب واقفين طوابير علشان يدخلو وكتير منهم بيرجعو تانى علشان مافيش مكان جوه.

وعلشان كده فكرت فى مكان تانى بعيد عن القرى وهو مطعم جميل ومتواجد فى نفس المكان تقريبا متواجد فيه قاعه افراح وخيمة ومكان فى الهواء واتفقت مع ادارة المكان بحجز القاعه لينا القاعه مكيفه .

المكان سيخصص بالكامل لنا وحدنا واللى شجعنى على المكان هو المساحه الكبيرة اللى قدامه اللى نقدر نركن فيها عربيتنا واحنا مطمنين عليها .
واتفقت برضه على وجبه الغداء وهى عبارة عن مشروب فى البدايه وبعد كده الغدا عبارة عن وجبه فيها ربع فراخة + 3 قطع كفته + بطاطس + عيش فلاحى + سلاطات وبعد الغدا فيه مشروب تانى سواء سخن او بارد .
والاتفاق كان ان الحد الادنى للحضور 20 شخص والمكان طبعا كبير .
سعر الفرد ما بين ال 50ج الى 60 ج معانا وقت من الساعه 2 الى الساعه 9 مساء

المكان موجود فى المريوطيه الهرم وسهل الوصول اليه ممكن من خلال الدائرى او المحور او من ش الهرم او ش فيصل .

منتظر تاكيد الحضور من الناس اللى هتيجى المقابلة واللى هيكون متواجد فيها الاستاذ / كريم منير .
المقابلة مش مقتصرة على اعضاء كيا بس ولكن لكل الموجودين فى المنتدى من جميع الاقسام يشرفونا

طبعا مش محتاج ااكد تانى ان اللى هيكتب انه هيحضر يلتزم بالحضور فعلا.. لان سيتم دفع عربون للحجز من جيبى الخاص وبعد ما نتقابل هيتم تجميع الفلوس .

معانا لحد يوم الخميس 5/8 لتاكيد الحضور واتمنى من العضو اللى مش هيحضر لا يشارك باى تعليق حتى لا يؤثر على باقى الاعضاء .

الموضوع متجدد باستمرار فبرجاء المتابعه ...طريقه التجميع هقول عليها بعد كده محتاج بس حاليا احدد العدد اللى هيحضر المقابلة وزى المرة اللى فاتت هتكون جميلة بيكم بأذن الله .