الموضوع: حاجة غريبة حصلت معايا وانا مسافر بالسيراتو!!!!!

المشاركة الأصلية كتبت بواسطة matrix_2010

بسم الله الرحمن الرحيم

بداية الكلام انا معايا سيراتو 2010 هاي لاين كنت جايبها من حوالي شهر كدة وبعد انتهاء فترة التليين بفترة جالي فرصة اني اسافر بالعربية و فعلا سافرت وعلي الطريق (طريق الكريمات) قررت اني اجرب العربية و فعلا دوست بنزين وطلعت والسرعة بتزيد حتي اخر الدواسة وكانت المفاجاة ان السرعة 160 كم/س و ساعتها كان التكيف شغال . طفيت التكيف قولت يمكن هو مأثر علي العربية وكانت المفاجاة الثانية السرعة زي ماهيه متغيرتش . الحاجة الاغرب ان عداد ال rpm كان عمال يعلي ويوطي لحد ما وصلت لسرعة 160 كم/س واستقر علي 4 . وفي حاجة تانية ان بعد ما السرعة وصلت ل 160 كم/س شيلت رجلي من علي دواسة البنزين ودوست عليها تاني كذا مرة فالسرعة زادت و كانت هاتوصل ل 180 كم/س بس كانت في عربية قدامي فهديت وحاولت اجرب الحكاية دي تاني بس السرعة مازادتش عن 160 كم/س
فانا مش عارف تفسير الحكاية دي ايه هل العربية اخرها كده فعلا ولا فيه عيب عندي ولا اية ؟

ملحوظة : انا كنت ماشي اوتوماتيك مش علي الوضع المانيول.

عادي يا باشا ....ما تقلقش

انا جبت 200 أكتر من مرة على طريق السخنة

بس فيه مرة ماعدتش 170 وما رضيتش تجيب بعد كدة خالص

لان في عوامل كتير زي

التكييف والوزن والطريق واتجاه الهواء وكدة