حاجة غريبة حصلت معايا وانا مسافر بالسيراتو!!!!!

**matrix_2010** · 30-07-2010 08:09 PM

بسم الله الرحمن الرحيم

بداية الكلام انا معايا سيراتو 2010 هاي لاين كنت جايبها من حوالي شهر كدة وبعد انتهاء فترة التليين بفترة جالي فرصة اني اسافر بالعربية و فعلا سافرت وعلي الطريق (طريق الكريمات) قررت اني اجرب العربية و فعلا دوست بنزين وطلعت والسرعة بتزيد حتي اخر الدواسة وكانت المفاجاة ان السرعة 160 كم/س و ساعتها كان التكيف شغال . طفيت التكيف قولت يمكن هو مأثر علي العربية وكانت المفاجاة الثانية السرعة زي ماهيه متغيرتش . الحاجة الاغرب ان عداد ال rpm كان عمال يعلي ويوطي لحد ما وصلت لسرعة 160 كم/س واستقر علي 4 . وفي حاجة تانية ان بعد ما السرعة وصلت ل 160 كم/س شيلت رجلي من علي دواسة البنزين ودوست عليها تاني كذا مرة فالسرعة زادت و كانت هاتوصل ل 180 كم/س بس كانت في عربية قدامي فهديت وحاولت اجرب الحكاية دي تاني بس السرعة مازادتش عن 160 كم/س
فانا مش عارف تفسير الحكاية دي ايه هل العربية اخرها كده فعلا ولا فيه عيب عندي ولا اية ؟
ملحوظة : انا كنت ماشي اوتوماتيك مش علي الوضع المانيول.

**mohamed_selim** · 30-07-2010 08:23 PM

معرفش ليه مجابتش معاك... ممكن تكون كنت فى مطلع فمش عارف تجيب اكتر ؟
بس موضوع ال rpm يعلى و يوطى خلى بالك ان الموتور 2 كامه (dohc) و لما العربيه توصل لسرعه معينه و الكنترول يحس ان مش محتاج يشد اكتر الrpm بينزل

**yoko** · 30-07-2010 08:30 PM

المشاركة الأصلية كتبت بواسطة mohamed_selim

معرفش ليه مجابتش معاك... ممكن تكون كنت فى مطلع فمش عارف تجيب اكتر ؟
بس موضوع ال rpm يعلى و يوطى خلى بالك ان الموتور 2 كامه (dohc) و لما العربيه توصل لسرعه معينه و الكنترول يحس ان مش محتاج يشد اكتر الrpm بينزل

مفيش حاجة إسمها كده الrpm ثابت على نفس السرعة مهما حصل!!!

وحضرتك كان فيه لمبة صفراء مكتوب عليها o/d off أو over drive off لإن لو كانت منوره يبقى إنت كنت دوست على الزرار والعربيه مجبتش رابع

**yoko** · 30-07-2010 08:44 PM

المشاركة الأصلية كتبت بواسطة mohamed_selim

هتعتمد حضرتك جبت اعلى سرعه ازاى
لو طالع هادى و الطريق قدامك فاضى هتوصل لأعلى سرعه مع اعلى RPM
بس لو مزود بنزين علشان توصل للسرعه دى اسرع فى حاجه فى الكنترول يونيت بتخلى ال RPM ينزل شويه مع ثيات رجلك على البنزين و استواء الطريق (مش مطلع او منزل)

ده عندى كده فى الكارنز و سألت صاحبى معاه عربيه تانيه (مش سيراتو) و قالى انه طبيعى علشان ال DOHC: double overhead cam
لو السيراتو مختلفه يبقى اعتذر عن المعلومه الغلط

للأسف ده بتهيقلك لإن ال rpm بيوضح سرعة عمود الكرنك وبعد كده الفتيس على نفس النقله بيحول السرعة دي لسرعة تانيه مع ثبات نسبه التحويل لنفس الجير والفتيس بيروح للعجل ممكن تقلي إيه الي ممكن يتغير في المنظومه دي عشان يغير الrpm مع السرعة!!!
وعلى فكرة عربيتي dohc بردو وكمان تربو ومع وجود التربو برده السرعة ثابته مع الrpm أيا كان التربو شغال 10% أو 100%

**yoko** · 30-07-2010 08:56 PM

المشاركة الأصلية كتبت بواسطة mohamed_selim

بص انا سألته نفس السؤال بس مش علشان الاسباب اللى انت قلتها (مش بفهم قوى فى الموتور شغال ازاى) اللى فهمته ان فى بوابتين بيدخلو هوا لغرفة الاحتراق و ده بيدى output ااعلى و مع ثبات السرعه و عدم الاحتياج للoutput الزياده بتتقفل واحده منهم (و توفير للبنزين كمان) و ده اللى بيخلى الRPM ينزل شويه

لما امشى120 (على اخر نقله) ب RPM 3500 و بعد شويه الاقى ال RPM نزل ل 3000 يبقى ايه السبب ؟

مينفعش حكايه إن واحده تقفل علميا الإتنين شغلين مع بعض بيفتحوا مع بعض وبيقفلوا مع بعض أما حكايه ال3500 وال3000 ممكن تكون العربيه على ال3 ونقلت 4 وده هيكون بسبب إن رجلك تقيله شويه على الدواسه ولو الoutput قل لازم السرعة تقل

**yoko** · 30-07-2010 09:24 PM

المشاركة الأصلية كتبت بواسطة mohamed_selim

لأ مكنش فى تعيير فى الغيار
بس لو انت متأكد من موضوع ان الاتنين لازم يشتغلو مع بعض يبقى فى حاجه مش مفهومه... هدور و اسأل علشان نجيب ققرار الموضوع بتاع ال dohc

اعتذارى لصاحب الموضوع الاصلى للخروج فى المناقشه عن مشكلتك

انا متأكد بنسبه 95% لإن حتى الفيات الجديده الي مفيهاش عمود كمات لصبابات الخليط وبيفتحا الكومبيوتر مفيهاش الحكايه دي!
وأنا كمان بعتذر عن خروج المشاركات عن الموضوع
وهو بس يرد على موضوع الأوفر دريف ويجرب مرة بالsteptronic

-

الموضوع: حاجة غريبة حصلت معايا وانا مسافر بالسيراتو!!!!!

LinkBack

أدوات الموضوع

عرض

-

-

-

-

المواضيع المتشابهه

حاجة غريبة حصلت معايا في الميجان

حاجة غريبة حصلت معايا في الاوبترا

حصلت حاجة غريبة معايا انهارده مش عارف ايه هى

حاجة غريبةحصل معايا حاجة غريبة جدا...كنت مسافر الاربعاء بالليل و فجاءة طوبة كبيرة عا

حاجة غريبة حصلت معايا فى العربية !

الكلمات الدلالية لهذا الموضوع

المفضلات

المفضلات

ضوابط المشاركة