انا كنت فى إسكندريه..و للأسف أول موصلت..ملقيتش ركنه قدام البيت..
لحد ملقيت واحد بيطلع بعربيته..
مصدقت....
ركنت مكانه..
الوضع: شارع متفرع من طريق البحر...
عربيات يمين...موازيه للرصيف..
و عربيات شمال..موازيه للرصيف...و انا واحد من دول..
و نظرا للزحام الرهيب..
قولت أعمل مشاويري من غير العربيه..
و فعلا ركنتها اليومين اللي قعدتهم..
قررت أرجع إمبارح..الساعه 10 بليل..
نزلت..فوجئت إن عربيه شاهين راكنه على يميني..
الموقف..قدامي عربيه..و وورايا عربيه..
و الأخ صاحب الشاهين راكن صف تاني فى الشارع الضيق..و شنطة عربيته عند نص عربيتي ..عند القايم تحديدا..
سألت كل البوابين اللي في الشارع..
لحد محد أفادني..
وقالي.:الأخ ده راكن من المغرب..و طلع البحر..
جربت أزق العربيه..
الراجل المحترم..معشق العربيه.!!!!!!!!!!
فضلت ساااااااعتين واقف...
و اللي موترني أكتر..إني راجع مع واحد صاحبي ..ووالدته..
و أنا متأخر عليهم كمااان..
فضلت ساعتين..
مش عارف أعمل إيه..
أكسر إزاز باب السواق ..و أمور العربيه؟؟؟
و أرميله ميت جنيه؟؟؟!!!!!!
مش عارف أعمل إيه..
لحد ملميت حوالي سته..و قولتلهم نزل..قعدنا نزق فى العربيه رغم إنها متعشقه..و حركناها مترين قدام...وهو و نصيبه بقى فى الفتيس...
اللي معصبني..
لا قدر الله..لو كان الواحد مستعجل..أو فيه مصيبه...
يعمل إيه؟؟؟؟
الناس كانت بتقولي ..إدخل فيه وزقه بالعربيه؟!!!!!
وانا ذنبي إيه؟؟و أبهدل عربيتي ليه؟؟
هو المفروض الواحد يتصرف إزاي؟؟؟
هل ممكن الواحد يروح يقول لظابط المرور ويخليه يجيب الونش؟؟؟؟؟
بصراجه كان موقف سخييييييف أتمنى إنه ميتطحش حد فيه...