بصراحه الكلام اللي في المقال معظمه صحيح
وفعلا المتجوز بيحسد العازب
ويتمني لو رجع لايام العزوبيه من غير حد ينكد عليه
:I_angr1[1]:
عرض للطباعة
بصراحه الكلام اللي في المقال معظمه صحيح
وفعلا المتجوز بيحسد العازب
ويتمني لو رجع لايام العزوبيه من غير حد ينكد عليه
:I_angr1[1]:
كلنا عارفين الكلام دة وبنشوف معاناة اصحابنا المتجوزين وكل واحد عندة نوعية من المشاكل في منها اللي مشترك وفي منها اللي بينفرد بية حسب نصيبة
وبالرغم من كدة كلة في الأخر بيتجوز
لكن اية الفرق بين الناس اللي اتجوزو ومبسوطين عن اللي اتجوزو وقرفانين ؟
أكيد حسن الإختيار هو اللي هيفرق في كل دة لو كان اختيار موفق هتاخد ايجابيات كتير تصبرك علي السلبيات ،، ولو مكانش فا هيبقي سلبيات فقط
ماهو حتي حياة العزوبية فيها سلبيات كتير ومستحملينها ومبسوطين بيها بس علشان في ايجابيات تانية بتصبر الواحد عليها ، يعني لما المعادلة علي أي وضع تكون ايجابيات اكتر من السلبيات ساعتها يبقي الوضع أحسن
والاختيار دة برضو بيتوقف علي الراجل يعني الطيور علي اشكالها تقع وربنا هيرزقك بواحدة زيك (في الغالب)
انا مش متجوز علي فكرة
الراجل دا بيتكلم كلام زى الفل والله
انا حاسس ان حمزاوى بتاع ميلودى هو الى كاتب المقال دا
هههههههههههههههههههههه
اصلي جدا جداً
بلا وجع دمااااغ مفيش احلى من الدماغ الفاضية المريّحة .....
مقال محترم جدا
فعلا غلطة الشاطر بألف
و هوه كله تكفير عن الذنوب
الزواج إصلاح و تهذيب ... :ymca::ninja:
الحمد لله لسا ما اتجوزتش :10D5C8w1107:
ولكنه شر ولابد منه :stink[1]:
مفيش رد يقال عن كاتب هذا الموضوع الاصلي غير انه مريض نفسيا و عنده مشاكل كبيرة في قدرته على تحمل المسئولية و ان مسؤلياته كرجل اكبر مما تحتمله قدراته لدرجة انه بيحسد المرأة الام على كونها تتحمل مسئولية الاكل و الشرب و النظافة و رعاية الاطفال ( الرضيع - المريض - اللي بيذاكر ) دة فضلا عن الزوج الشرقي الغير قادر حتى على اعداد كوب من الشاي لنفسه بصورة تجعل تقريبا كل افراد الاسرة بيبدلو على الام او ربة المنزل لقضاء طلباتهم المادية و المعنوية و التربوية
مما يجعل الزوجة المسكينة تقع في حيص بيص كيف تكون ال 24 ساعة كافية لقضاء احتياجات كل هؤلاء الا بانها تيجي على نفسها و على راحتها و على مطالبها الشخصية و صحتها ايضا . لأ و كمان بيتفضل عليها بانه بياكلها و يشربها و يلبسها على اساس انهالو فضلت قاعدة في بيت اهلها من غير جواز ماكنتش هاتلاقي اللي يصرف عليها دة على فرض ان هو مابيشغلهاش و ياخد مرتبها اول كل شهر بحجة المشاركة في مصروف البيت من غير ما يكلف نفسه عناء المشاركة في اعمال البيت بالمقابل وحتى على فرض انه مش بيشغلها فا كونو بيصرف عليها دة مش تفضل بل دة اول واجباته الشرعية
و ياتي هذا الزوج كاتب الموضوع ليدعي ان المجهود المضني الذي يبذله في عمله لا يضاهيه اي شىء اخر بالرغم من ان من المفترض ان الرجل يعمل سواء كان متزوج و يعول او لا ، فهو لا يعمل و يكد و يكدح في الحياة من اجل الزوجة و لكن لان هذه هي " طبيعة الرجولة" التي ترتبط بتحمل المسئولية في الحياة عموما
اما موضة التنصل من المسئوليات العائلية داخل المنزل بحجة الاجهاد في العمل طوال اليوم فهي موضة قديمة ينفرد بها الزوج المصري و السبب في ذلك انه اتعود على كدة بسبب وجود ام مضحية براحتها لاجله و زوجة شاطرة عارفة تمشي كل حاجة بيه او من غيره
و اكبر دليل على كدة ان الأسر اللي بيموت فيها الزوج و الاب بتستمر في مشوارها بقيادة الام لحد ما الولاد بيكملو طريقهم على اكمل وجه
و العكس يحدث عندما تموت الام و بالتالي ينشغل الاب بمن سيتزوج لكي تؤمن له احتياجاته و ينشغل عن الابناء و تفشل معظم هذه الاسر في الاستمرار بتماسك
يبقى بالذمة مين اللي محتاج لمين و مين اللي ميعرفش يمشي حياته بدون مين ؟؟
اما بالنسبة لموضوع النكد فارجو من السادة الرجال الاجابة على مجموعة الاسئلة التالية عشان نعرف ليه زوجته بتنكد عليه :
1- امتى اخر مرة صحي قبلها من النوم و لبس الولاد و نزلهم الباص ؟
2- امتى اخر مرة ماتخنقش لما لاقها تعبانة و معملتش اكل و قالها مش مشكلة ناكل اي حاجة ؟
3- امتى اخر مرة قعد من غير ما ينشغل بالفرجة على القنوات الرياضية و ماتشات الكورة سواء مباشرة او معادة ؟
4- امتى اخر مرة كوى لنفسه قميص او غسل حتى شراب لما لاقاها مضغوطة ؟
5- امتى اخر مرة لاقاها مصدعة فتكرم هو وعملها كوباية شاي ؟
6- امتى اخر مرة اتصل بيها من شغله يطمن عليها ؟
7- مش عاوزة اقول كمان امتى اخر مرة جابلها هدية - بلاش فضايح ؟
8- امتى اخر مرة قالها تسلم اديك يا حبيبتي الاكل يجنن ؟
9- امتى اخر مرة قالها ودي الاولاد عند مامتك عشان نتعشا برة و نروح السينما ؟
10- امتى اخر مرة نادلها باسم الدلع اللي كان بيناديلها بيه ايام الخطوبة ؟
بقى بالذمة واحدة مش لاقية اي حاجة من دول و كمان خدعوها و خلوها تخرج من بيت اهلها اللي كانت فيه معززة مكرمة و بيتعملها كل حاجة و تروح بيت جوزها عشان تبقى هي خادمة مقيمة ببلاش ليه و لعيالو و كماااااااااااان ولا حمد و لا شكرانية
و المفروض تبقى مبسوطة و فريش و بتضحك دايما !!!! دة على اساس ان جوزها ماجبتوش ولادة فيكي يا مصر
انا دلوقتي عرفت ليه البنات في مصر بيمتنعو عن الزواج باختيارهم ..... لان البلد مليانة "ذكور" كتيييييييييييييير لكن "رجالة" ماحناش لاقيين !!
اتحدي اي واحد فيكم انه بعد مايخلف ابن او بنت يفكر في العزوبيه دي كانت ايام مهببه الله لا يرجعها
علي العموم ربنا يهديكم علي نفسكم مش اكتر
ملحوظه
اللي معاه شقه ويستطيع انه يصرف علي بيت ومبيتجوزش معتقدش انه عايش
لان الدنيا مش متاع ومنظره وخروجات الحياه مسؤليه وحب وتفاني
انا لو ملياردير مستحيل ممكن اعوض اللحظه اللي اتولد فيها ابني وشيلته علي ايدي احساس مش ممكن يتقدر بكنوز الدنيا واحب افكركم ان الزواج سنه
وَعَنْ أَنَسِ بْنِ مَالِكٍ رَضِيَ اللَّهُ عَنْهُ { أَنَّ النَّبِيَّ صَلَّى اللَّهُ عَلَيْهِ وَسَلَّمَ حَمِدَ اللَّهَ وَأَثْنَى عَلَيْهِ , وَقَالَ : لَكِنِّي أَنَا أُصَلِّي , وَأَنَامُ , وَأَصُومُ وَأُفْطِرُ , وَأَتَزَوَّجُ النِّسَاءَ , فَمَنْ رَغِبَ عَنْ سُنَّتِي فَلَيْسَ مِنِّي } مُتَّفَقٌ عَلَيْهِ
وكمان احب اضيف هذا الحديث
((عن أبي هريرة أن رسول الله قال: ) إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعوا له))
يارب تفصلوا حكايه الهزار في حكايه الزواج والكلام الجد لان فيه ناس بتصدق
وبيكون ده سبب في عزوفهم عن الارتباط
Donzi
و الله كنت متوقع رد "ستاتي" عنيف :)