الموضوع: مذكرة من زوج كره الزواج والنساء جميعاَ (منقول)

المشاركة الأصلية كتبت بواسطة donzi

مفيش رد يقال عن كاتب هذا الموضوع الاصلي غير انه مريض نفسيا و عنده مشاكل كبيرة في قدرته على تحمل المسئولية و ان مسؤلياته كرجل اكبر مما تحتمله قدراته لدرجة انه بيحسد المرأة الام على كونها تتحمل مسئولية الاكل و الشرب و النظافة و رعاية الاطفال ( الرضيع - المريض - اللي بيذاكر ) دة فضلا عن الزوج الشرقي الغير قادر حتى على اعداد كوب من الشاي لنفسه بصورة تجعل تقريبا كل افراد الاسرة بيبدلو على الام او ربة المنزل لقضاء طلباتهم المادية و المعنوية و التربوية

مما يجعل الزوجة المسكينة تقع في حيص بيص كيف تكون ال 24 ساعة كافية لقضاء احتياجات كل هؤلاء الا بانها تيجي على نفسها و على راحتها و على مطالبها الشخصية و صحتها ايضا . لأ و كمان بيتفضل عليها بانه بياكلها و يشربها و يلبسها على اساس انهالو فضلت قاعدة في بيت اهلها من غير جواز ماكنتش هاتلاقي اللي يصرف عليها دة على فرض ان هو مابيشغلهاش و ياخد مرتبها اول كل شهر بحجة المشاركة في مصروف البيت من غير ما يكلف نفسه عناء المشاركة في اعمال البيت بالمقابل وحتى على فرض انه مش بيشغلها فا كونو بيصرف عليها دة مش تفضل بل دة اول واجباته الشرعية

و ياتي هذا الزوج كاتب الموضوع ليدعي ان المجهود المضني الذي يبذله في عمله لا يضاهيه اي شىء اخر بالرغم من ان من المفترض ان الرجل يعمل سواء كان متزوج و يعول او لا ، فهو لا يعمل و يكد و يكدح في الحياة من اجل الزوجة و لكن لان هذه هي " طبيعة الرجولة" التي ترتبط بتحمل المسئولية في الحياة عموما

اما موضة التنصل من المسئوليات العائلية داخل المنزل بحجة الاجهاد في العمل طوال اليوم فهي موضة قديمة ينفرد بها الزوج المصري و السبب في ذلك انه اتعود على كدة بسبب وجود ام مضحية براحتها لاجله و زوجة شاطرة عارفة تمشي كل حاجة بيه او من غيره

و اكبر دليل على كدة ان الأسر اللي بيموت فيها الزوج و الاب بتستمر في مشوارها بقيادة الام لحد ما الولاد بيكملو طريقهم على اكمل وجه
و العكس يحدث عندما تموت الام و بالتالي ينشغل الاب بمن سيتزوج لكي تؤمن له احتياجاته و ينشغل عن الابناء و تفشل معظم هذه الاسر في الاستمرار بتماسك

يبقى بالذمة مين اللي محتاج لمين و مين اللي ميعرفش يمشي حياته بدون مين ؟؟

اما بالنسبة لموضوع النكد فارجو من السادة الرجال الاجابة على مجموعة الاسئلة التالية عشان نعرف ليه زوجته بتنكد عليه :
1- امتى اخر مرة صحي قبلها من النوم و لبس الولاد و نزلهم الباص ؟
2- امتى اخر مرة ماتخنقش لما لاقها تعبانة و معملتش اكل و قالها مش مشكلة ناكل اي حاجة ؟
3- امتى اخر مرة قعد من غير ما ينشغل بالفرجة على القنوات الرياضية و ماتشات الكورة سواء مباشرة او معادة ؟
4- امتى اخر مرة كوى لنفسه قميص او غسل حتى شراب لما لاقاها مضغوطة ؟
5- امتى اخر مرة لاقاها مصدعة فتكرم هو وعملها كوباية شاي ؟
6- امتى اخر مرة اتصل بيها من شغله يطمن عليها ؟
7- مش عاوزة اقول كمان امتى اخر مرة جابلها هدية - بلاش فضايح ؟
8- امتى اخر مرة قالها تسلم اديك يا حبيبتي الاكل يجنن ؟
9- امتى اخر مرة قالها ودي الاولاد عند مامتك عشان نتعشا برة و نروح السينما ؟
10- امتى اخر مرة نادلها باسم الدلع اللي كان بيناديلها بيه ايام الخطوبة ؟

بقى بالذمة واحدة مش لاقية اي حاجة من دول و كمان خدعوها و خلوها تخرج من بيت اهلها اللي كانت فيه معززة مكرمة و بيتعملها كل حاجة و تروح بيت جوزها عشان تبقى هي خادمة مقيمة ببلاش ليه و لعيالو و كماااااااااااان ولا حمد و لا شكرانية

و المفروض تبقى مبسوطة و فريش و بتضحك دايما !!!! دة على اساس ان جوزها ماجبتوش ولادة فيكي يا مصر

انا دلوقتي عرفت ليه البنات في مصر بيمتنعو عن الزواج باختيارهم ..... لان البلد مليانة "ذكور" كتيييييييييييييير لكن "رجالة" ماحناش لاقيين !!

والله ردك تقريبآ كله صح والواحد اتكسف من نفسه اول مقريت كلام حضرتك رغم ان زوجتى علطول تجبلى هدايه وتقوم تنفز طلباتى رغم انها تعبانه وانا ببقى عارف بس بدلع عليها
وعايز اقولكم حاجه ان تزوجتها زواج صالونات مكنتش اعرفها قبل ذلك لاكن توكلت على الله واحسنت النيه وربنا كرمنى اخر كرم بأطيب زوجه فى الدنيا والحمد لله وملحقتش فرحتى تهدى وربنا كملهالى بعد سنه بولد نعمه وفضل من الله والحمد لله بقالى 4 سنيين متزوج وقربت ارزق مولود جديد بسم الله ماشاء الله بخاف احسد نفسى وبحس كتيير ان ربنا اعطانى كل الى كنت بحلم بيه وزياده كمان وبرجو من الله انه يديم عليا نعمته الى انا شايف ان ميزنى على كتير من خلقه دى خلاصه تجربتى الزوجيه ولو رجع بيه الزمان كنت هرجو من الله ان الاقيها هيه وفى بعض النقاط الواقيه والمشاكل الى بتقابلنى وتنغص عليا عشتى بس اللحظه الى بدخل فيها البيت والقيه متنضف ومتنظم وابنى يجرى عليا بحس انى ملكت الدنيا وانسى كل التعب والمشاكل لاكن الموضوع ميخلاش من ان احنا نتخانق ونختلف ويبقى مزجنا مش مضبوط احيآ بتبقى ايام واحيانآ شهور بس الحمد لله مبطولش كتيير فى اغلب الامور وارجع استمتع بحياتى واطير من الفرحه بالنعم الى عندى الى ربنا ادهالى ويوم عن يوم ارتباطى ببيتى بيزيد لدرجه انى كان عندى مشاكل فى شغلى وكنت عايز اسفر فى حته اغير جو وهيا علشان الحمل ممنوعه من السفر مقدرتش اسافر لوحدى واتخيل انى ممكن ابات بره بعيد عن حضنهم مراتى وابنى ودا ميمنعش انى عندى هموم المصاريف والمدارس والولاده وغيره وفى مشاكل فى شغلى ومرتبى وعليا دين الحمد لله صغير وغيره من المشاكل الحياتيه بس فعلآ كل ده ميسواش حاجه جمب لحظه او احساس بحسه فى وسط بيتى الى بفضل الله ومنته عليا مباركلى فيه ودا فى راييى لانى حاطط فى حياتى سببين لا اغفل عنهم ابدآ
1 ان لايدخل بيتى قرش حرام او من مصدر مشبوه قدر الاستطاعه وأن غفلت او حسيت بشبهه فى مال دخل بيتى بحاول اصلح الموقف بسرعه لانى طبعآ مش ملاك وليه اخطائى
2 اصلاح النيه لله فى حياتى اليوميه قدر المستطاع وبحاول قدر استطاعتى انى اكون على مراد ربى فى اغلب شئون حياتى ودا معناه انى ليه اخطاء كتيره بس بحاول ارجع واتوب بسرعه ربنا يتوب علينا جميعآ
خلاصه الموضوع علشان مطولش عليكم ساعات بحلم بلجنه على الارض زى اغلبنا متجوزين وعزاب واقول لو جاتلى فرصه دلوقتى ان اتزوج بنت جميله جدآ موديل من اشهر الموديلات مثلآ وغنيه جدآ وكلها اغراء زى ماكتر الرجال بيحلموا وبتحبنى وهيا الى عايزانى بلا مقابل والى بقوله ده مش حلم لانى بيتكرر مع كتيير منا فى شغله ومجالات اختلاطه هتجوز تانى
الجواب الى بقوله لنفسى لقه رغم ان كتيير منكم هيقول عليا مغفل لانها فرصه بس هؤلكم السبب
والله والله والله مفيش حاجه فى الدنيا تسوى ان اشوف لحظه انكسار فى عين زوجتى وابنى لو كانت ملكه جمال العالم حتى هيه الى معروضه عليا
معلش طولت عليكم بس ارجو انكم تدعولى ان ربنا يديم عليا نعمته ويباركلى فيها وللجميع ان شاء الله انا حبيت انقل تجربتى علشان كل واحد يستنبط منها المعنى الى يناسب حياته عسى ان يستفيد بيها تصبحوا على خير