أرجو المساعدة فى الإختيار مابين بريليانس fsv و جاك b15 بالفعل حجزت بريليانس fsv كاملة ولكن بعدما رأيت جاك b15 أعجبت بشكلها الجميل جدا وصالونها الغاية فى الشياكة وطولها ووسعها الداخلى فزدت حيرة مابين السيارتين أرجو المساعدة فى الإختيار الصعب !!!!!!
عرض للطباعة
أرجو المساعدة فى الإختيار مابين بريليانس fsv و جاك b15 بالفعل حجزت بريليانس fsv كاملة ولكن بعدما رأيت جاك b15 أعجبت بشكلها الجميل جدا وصالونها الغاية فى الشياكة وطولها ووسعها الداخلى فزدت حيرة مابين السيارتين أرجو المساعدة فى الإختيار الصعب !!!!!!
خليك فى ال fsv بريليانس انضف سيارات صينى حتى الان وعلى الاقل متجربة فى ال frv وكلة بيشكر فيها وانا شخصيا ركبتها وبحترم العربية دى جدا على الرغم من قناعاتى ومبدأى تجاة السيارة الصينى بوجة عام
تحياتى ليك
سوري يعني انا مش شايف حيرة اساسا بين الموديلين لانك حرام تدفع فلوس ف عربية صيني ولوسمحت قوي العربية بكام
بص البريليانس انظف بس انها بعيده عن شركه شيري لي ان جاك من شركه شيري وكمان البريليانس الي ماسك توكيلها هنا توكيل بي ام دبليو وكمان متورها ماتور المتسوبيشي فا هيا انظف بي المقايس مع اني عندي تحفظ علي سعر البريليانس انها بتناط المتسوبيش والنيسان سوبر صالون يعني من الاخر انا شايف بدل ما تدفع فيها فلوس هتلك افضل متسوبيشي او نيسان
طيب يا سيدي الفاضل ازا كان السعر 75 الف يبقى لية تغامر بيهم في عربية صيني اديني سبب مقنع لية متشرتيش لانوس ولا فيرنا ولا لوجان ولا تزود حاجة بسيطة وتجيب نيو اكسنت حجااات كتير دة ف الزيرو وممكن ب75 الف دول تركب يباني كسر زيرو لا نسر حالة نضيفة جدا جدا جدا حدا شايف الفرق بين اليباني والصيني رجاء ونصيحة فكر مرة تانية انا كنت هجيب اسيبرنزا الهاتش بك والحمد لله مجيبتهاش وربنا رزقني بلاكسنت .
ملحوظه الفيرنا و الانوس اولا عربيات قديمه تقفيل مصرى و خامات سيئه جدا الجاك وال fsv الاتنين تقريبا فى مستوى واحد ومفيش اختلاف كبير بس خش قسم الصينى العام واسألهم هما احسن ناس يفيدوك وادى العيش لخبازه
انا ماشوفتش ال b15 فمقدرش احكم عليها بس انا عندي frv من شهر 11 / 2008 و هيا عربية ممتازة هأقولك الميزات و العيوب :
العيوب :
اصوات طقطقة خفيفة في الابواب الامامية مع المطبات و كان في صوت في الشنطة بس اتضبط في التوكيل.
التكييف بيأخذ وقت علي بال ما يسقع.
العافشة ناشفة شوية بس ماسكة نفسها.
الميزات:
ثبات فوق الممتاز حتي علي السرعات العالية 190كم
سحب العربية جيد جدا و استهلاك البنزين ممتاز و مفيش اي تأثير للتكييف علي السحب.
الصالون واسع و قاعدتها مريحة.
شكل العربية حلوا جدا و الخامات جيدة علي فئتها و دة تقدر تحكم عليها بنفسك لما تتفرج علي العربية.
اداء العربية ممتاز جدا و كمان احسن مما كنت اتوقع في كل حاجة و خصوصا الثبات.
التوكيل في رأي ناس مؤدبين و زوق جدا و مبيبهدلوش العربية يعني لاو فك حاجة متلاقيش خربشة و لا اي اثار و كمان يغسلوا العربية قبل ما تخرج.
بس مشاكلهم الوقت يعني لما تعمل صيانة عادية لازم تروح من 9ص و تمشي علي الساعة 4 او 5 مساء.
و المشكلة التانية انهم دايما بينسوا او بيطنشوا يعني كل لما اعمل صيانة مهندس الاستقبال يسئل في مشاكل تاني أقولة في اصوات في الابواب و الشنطة و الاقي العربية طالعة بنفس الاصوات و طبعا تكون الساعة بقيت 5 فيقولي معلش بقي المرة الجاية.
الاسعار في التوكيل غالية نسبيا بس بقي في قطع غيار برة التوكيل, الي انا اعرفة محل اسمة بيكين في شارع دمشق, و الزجاج بقي موجود عند د. جريش.
متابع باهتمام لانى محتار نفس الحيره بين العربيتين دول ومشكوريييييييييييين
يا باشا لاحظ ان ماركة جاك بقالها اكترمن 5 سنوات فى مصر ودة طبعا من خلال سيارات النقل التقيل ووكيلها بيخدم فيها بتميز واسعار قطع غيار معقولة ومشفتش حد اشتكى منة فعلاااا
والبريليانس ايضا توكيله بفاريه وطبعا غنى عن التعريف ولاكن يعيبة ارتفاع اسعار قطع الغيار ومع ذلك يوجد اشاعه ان بفاريه هتسيب بريليانس والله اعلم
وبعدين سواء ديه او ديه توكيلها سابها او اتغير هيمسكها غيره وهتفضل الحياه ماشيه ان شاء الله
للأسف بدأت الاحظ فى المنتدى وخصوصا اقسام السيارات الصينى انها اتحولت لساحات من المشادات والعصبية تجاه انواع العربيات غير الصينية لدرجة ان احيانا بيحصل تطاول فى الكلام!
رأييى الشخصى ان اللى يشارك لابد بس انه يشارك فى حدود السؤال المطروح ويدخل يفيد برأيه فى سياق الموضوع انما تلاحظ ان بعض الاشخاص يدخلوا يكرهوا صاحب الموضوع فى العربية الصينى ويدخلوه فى متاهات بدون اى داعى وبعيدا عن محتوى الموضوع.
كل واحد على أد فلوسه يا جماعة وكل واحد حر فى اختياره ولازم نراعى النقطة دى واحنا بنشارك
ندخل فى الموضوع بقى - اخى العزيز انا معرفش بصراحة اى حاجة عن الجاك بى 15 ولكن اعرف عن البريليانس انها عربية محترمة جدا وطبعا المجموعة البافارية غنى عن التعريف وانا ان شاء الله مقبل على شرائها وان كانت مش متوفرة حاليا بسبب وقف الاستيراد لكن ربنا يفرجها
انت لازم تدور وتسأل عن الجاك بى وتقارن بينهم كويس من كل النواحى مادام الاتنين فى نفس السعر زى ما بتقول وربنا يهديك للاختيار الامثل