وانا بر ضه حظي وحش ياحازم ملحقتش اقعد معاك كان ورايا مشزار مهم جدا
بس اهه اديني قابلتك تحت الكافيه :)
عرض للطباعة
وانا بر ضه حظي وحش ياحازم ملحقتش اقعد معاك كان ورايا مشزار مهم جدا
بس اهه اديني قابلتك تحت الكافيه :)
انا مبسوط جدا يا جماعه و الله انى جيت و شوفتكم
اى نعم جيت متأخر و مشيت بدرى بس بجد سعدت بيكم جدا
و ربنا يارب يخلينا دايما لبعض
علشان تفتكرونى انا اللى دخلت متأخر و كريم قاللى ماتقول السلام عليكم بصوت عالى كده
كان عمرو فراج بيتكلم ماردتش اقطع كلامه قولت لما يخلص
كل الناس انا بجد اتشرفت بيكم و بمعرفتكم
و اول مره احس انى رحت مكان مع ناس بجد و الوقت ده استفدت بيه مع انى اخدت ساعتين فى الطريق جاى بس و مشيت بدرى و برضه رحت ميعادى متأخر
بس مش مهم كنت ماشى مبسوط اوى
كريم الجميل الشخص الحبوب و كله ذوق
و الحفناوى حبيبى اللى مشيت متضايق جدا لأنى معرفتش ادخله جوا اتكلم معاه شويه
و الدنيا كانت زحمه
استاذ اسلام الحبيب تروح و ترجعلنا بالف الف الف سلامه و ربنا يرجعك سالم لعائلتك يارب (تروح و ترجعلنا بالف سلامه يا صاحبى)
كل مقابله و انتم طيبين و فرحانين ببعض
لا كل مقابله ليه كل ساعه و احنا فرحانين ببعض
والله يا جماعة وانا كمان مبسوط جدا من المقابلة واني شوفت ناس كتير كانت واحشانا
وان شاء الله في عيد ميلاد المنتدي في مقابلة ابريل هاتكون مفاجأة حلوة لطلعة احلى
وكل واحد يجهز نفس للاحتفال والخروج برة القاهرة
واللي مش هايجي اكيد هو الخسران
معلش مش عارف ارفع اي صور الا لما اروح عشان داخل من عند الحاجة بالمودم بتاع الاب توب
والصور مش مخلياني عارف اشوف حاجة
الف شكر يا كريم وان كان رايي تكون جوه القاهره اسهل عشان الكل يقدر ييجي
و تشرفت بمعرفتك
و اللي اللقاء الشهر القادم باذن الله
و انا رأيى كده برضه
بره القاهره فكره حلوه بس مش الكل هايقدر يجى
عايزين نفرح كلنا
سنه بتكمل و احنا مع بعض بكل حب و احترام ده مش سهل ياجماعه و الله بجد شبه معجزه
ناس بالكم ده و الحب ده و التفاهم ده و متجمعين علشان بيحبو عربيتهم اولا و بعد كده لقو ان الحكايه علشان احنا بنحب بعض
لو كنت اعرف كده كنت جبت 4 عربيات مع انى مش محتاج احبكم اكتر من كده
بجد انتو ناس محترمين
كل سنه و نايل موتورز بخير و حاضنه حبايبها فى حضنها
إن شاء الله المره الجايه أكون معاكم
بصراحة يا جماعة كان نفسى أبقى معاكم لكن ظروف ولادة مراتى منعتنى
إسلام باشا تروح و ترجع بالسلامة إن شاء الله و ربنا يوفقك فى عملك هناك
إن شاء الله أشوفكم فى المقابلة القادمة
شاركي باشا الف مبروك ما جبت وربنا يباركلك فيه ويجعلة ذرية صالحة ان شاء الله
-----------
شاكر مرة تانية لكل ردودكم الحلوة
ده لينك ايفنت المقابلة على الفيس بووك ورفعت علية الصور
وهارفع الفيديو بكرة عشان في الشغل اسرع من هنا كتير
http://www.facebook.com/events.php?ref=sb
اللي ماجاش وكان في ايدة يجي هو الخسران احلى صحبة واحلى مودة بين وناس
---------------
يا جماعة مقابلة الشهر الجاي هاتكون مقابلة استثنائية
الجو هايكون حلو وعايزين نطلع اميجو
ودي طلعة استثنائية لكن المقابلة العادية غالبا هاتكون في الربوة
العين السخنة مش بعيدة دي ساعة من القاهرة ياخوننا
وداي يوز في فندق بالغدا وحاجة مش مكلفة خالص
وممكن ناخد خصم مجموعة كمان ان شاء الله
ربنا يكرمك يا كريم،
وحلو جدا موضوع العين السخنة، ومعاكم بإذن الله.
بس عايزين شوية شجاعه من الناس..
لو تشوفوا حاجة احسن من اميجو يبقى اظرف