ياشباب انا عايز اروح مطار القاهرة من الاسكندريه
عرض للطباعة
ياشباب انا عايز اروح مطار القاهرة من الاسكندريه
لو من غير عربيه خد السوبرجيت ... عندهم مواعيد بتروح المطار
بالعربيه هتيجى صحراوى ولا زراعى؟
لو زراعى اطلع الدائرى شمال (عدى من تحتيه و اطلع يمين هيلف بيك المطلع فى الاتجاه السليم) و تفضل ماشى طوالى و تعدى نفق السلام و بعديه بشويه على اليمين هتلاقى مدخل للمطار
لو صحراوى ممكن تطلع المحور شمال (نفس الطريقه زى فوق) و تمشى لحد الدائر و تطلع شمال برضه (تعديه و تاخد المخرج اليمين) و تكمل زى فوق
او تكمل على الصحراوى لحد الدائرى و تطلع شمال و بعد 2-3 كم تاخد وصلة المريوطيه الجديده يمين و تفضل طوالى هتعدى على كارفور و تاخد او نفق و تانى نفق و عند jw mariot تنزل طريق السويس فى اتجاه القاهره (تانى منزل بعد الفندق ... هتعدى من فوق طريق السويس و تنزل اول نزله يمين) و مجرد ما تعدى من تحت الدائرى هتلاقى مدخل للمطار على يمينك ...
الف شكر على الرد ربنا يخليك
انا ان شاء الله مسافر بالعربيه وبصراحه انا معرفش اى حاجه فى القاهرة وخصوصا لو انا معايا عربيه لو كان مواصلات كنت هتعامل
فياريت تقولى على اسهل طريق من ايلى شرحتهم بس نخلينا فى الصحراوى احلى بالنسبالى
تيجى بالسلامه يا باشا ...
حاول اليومين دول تبعد عن السبت و الحد علشان زحام رجوع المصطافين
انا لو مكانك و جاى صحراوى هعمل كالاتى:
1- اطلع المحور شمال (المحور ده اللى بعد البوابات اللى ناحية القاهره ب 3 كيلو تقريبا ... عدى من تحتيه و اطلع يمين هيلف بيك المطلع فى الاتجاه السليم) و تفضل ماشى طوالى لحد الدائرى و تطلع شمال برضه (تعديه و تاخد المخرج اليمين) و تفضل ماشى تعدى النيل و تعدى على اسكندريه الزراعى و اسماعيليه الزراعى و تعدى نفق السلام تحت اسماعيليه الصحراوى و بعديه بشويه على اليمين هتلاقى مدخل للمطار ...
2- او تكمل على الصحراوى لحد الدائرى (بعد ما تعدى تحت المحور تمشى حوالى 20-25 كيلو) و تطلع شمال و بعد 2-3 كم تاخد وصلة المريوطيه الجديده يمين و تفضل طوالى هتعدى على كارفور و تاخد او نفق و تانى نفق و عند jw mariot تنزل طريق السويس فى اتجاه القاهره (تانى منزل بعد الفندق ... هتعدى من فوق طريق السويس و تنزل اول نزله يمين) و مجرد ما تعدى من تحت الدائرى هتلاقى مدخل للمطار على يمينك ...
1 اقصر شويه بس عادة زحمه و الطريق فى حتت مبحبهاش
2 اطول سنه بس انا بستريحله اكتر
لو فى اى مساعده محتاجها ابعتلى على الخاص ابعتلك نمرتى و قولى هتيحى امتى و اتصل لو تهت او محتاج استفسار