لانوس عاملة حادثة

**MMamdouh** · 03-03-2008 01:07 PM

المشاركة الأصلية كتبت بواسطة Akram

ملاحظة: يا باشمهندس محمد ممدوح , مكنتش أتوقع انك تنصحه انه ميقولش حاجة عن اللى حصل

انا قولت كدة فى حالة خاصة جدا و هى لو تاجر حيشترى العربية و اظن الكل علرف التجار بيعملوا ايه... العربية بتبقى زيرو و يقولك دى فطيس و متسواش و العكس بالعكس لما يبيع تبقى عربيتة احسن من اللى خارجة من المصنع

انا واحد عرض عليا عربية قاللى انها فابريكة و زى الفل و مفيش زيها و حكالى قصص و حوارات... شوفت العربية لقيتها فعلا فابريكة برة و جود بس واخدة فى الصدر و مردودة على البارد و التابلوة و الكراسى و طارة الدركسيون عايزيت يتغيروا لانهم مكسورين و مهريين دا غير ان العربية عاملة 190 الف كيلو... الراجل طالب 49 الف و متمسك لان العربية فابريكة

انا جبت عربيتى نفس الموديل و اللون و الكماليات و عاملة 63 الف فقط ب 48500 من دكتور فى جامعة القاهرة و الحقيقة هو كان قمة فى الاخلاق و الذوق و الصدق و الشفافية لدرجة انى اشتريت العربية من غير ما ارفعها او حتى اسوقها... حد بقى يصدق انى انا ( و اعوذ بالله من قوله انا) اشترى عربية لانوس من غير ما افليها او حتى اسوقها عشان اجربها؟؟؟؟؟؟؟؟؟؟

كلمة السر هنا "الثقة المتبادلة" و لما تتعامل مع تاجر العنصر دة بيبقى منقرض عندهم و بالتالى لازم تبص للى فيه مصلحتك... انا مش بقول نضحك على حد بس بقول لو حاجة فعلا مش عاملة تاثير او عيب فى العربية منفتحش على نفسنا فتحة خصوصا مع واحد عايز يبع و يشترى فيك

باختصار التاجر مش امين بطبيعتة و بالتالى حيستغلك اسواء استغلال كدة كدة فا تخيل تقولة ان عربيتك مخبوطة... حيقولك دى عايزة نص قدمانى و حيتصرف عليها و يعمل فيها مهرجنات و حبشتكنات (لاحظ انه مش حيقولك لا مش حشترى) و بعد ما يفطسهالك حيبيعها على انها على الزيرو

التاجر مش عبيط... لو شاف العربية معيوبة فعلا مش حيشتريها و بالتالى انت مبتدحكش عليه... انت بس مبتديلوش فرصة يستغلك و يعمل مصلحة عليك... صدقنى لو الناس هنا عندها ضمير كنت قلت قول للكل عيب العربية ايه لكن للاسف مش هو دة اللى حاصل... التاجر نفسة يلفك انت شخصيا فى كيس و يبيعك لاعلى سعر

و انا برضة قلت انه يقول للى حيشترى ان العربية كانت مخبوطة بس بشروط:

1- اللى حيشترى راجل عادى مش تاجر
2- يقول على العيب بعد ما الراجل يكون قلب فى العربية تمام
3- قبل اى معاملة مالية بين البايع و الشارى

كدة يبقى انت مكدبتش على اراجل و وضحتلة العيب و ريحت ضميرك
مش حيستغلك لانه راجل محترم زيك زيه
حيبقى واثق فيك لانك قولتلة على عيب هو مشافوش اصلا و بالتالى حيصدق كل كلمة تقولها له على العربية
على اسواء الفروض الراجل لسة عندة خط رجعة لو مرضاش ياخد العربية لانه ملتزمش اى التزام مالى

وفى الاخر خالص خالص الموضوع مرتبط بصاح ب العربية لان هو اللى عارف الخبطة شكلها ايه و اتصلحت ازاى و هل فعلا رجعت زى الاول ولا لا و اللى حيشتريها حياخد عربية مضبوطة و لا معيوبة

انا شخصيا بحب اتعامل بالضمير فى كل حاجة و دا سبب انك استغربت من ردى... انا مقبلش اتعامل بضمير بع واحد عايز يلزقنى على قفايا و فى نفس الوقت مقدرش انصب علية علشان ربنا بيحاسبنا على كل كبيرة و صغيرة و حل المعضلة دى انك تسيب التاجر يفحص العربية زى ما هو عايز... عجبتة اهلا و سهلا معجتوش فى الف......سلامة

MMamdouh