مهو ده اللى مجنني إنها أحسن من الأول ولكن أقل قيمة وسعرا
المشكلة إن العربية والله بعد الحادثة ظبطت عن الأول
يكفي أقول لك إنها الأول كانت بتحدف
دلوقتي ماشاء الله عليها أمشي بيها على 150 وانا سايب الدركسيون بشرط الطريق يكون مظبوط بس المشكلة إن أى خبطة بتسيب أثر فى شكل الحديد مهما كانت حرفنة السمكري
والله الرأى اللى انت قلته يا محمد محترم جدا
إني أساسا مش هبيعها لتاجر لأن أساسا هي مش هتستحمل سعرها ينقص عمولة التاجر كمان
ثانيا أقول للى هيشتريها لو عجبته بعد ما يفحصها على المشكلة عجبته أهلا وسهلا ...
طب من وجهة نظرك حاجة زى كده تنزل سعرها كام علشان فعلا فى واحد صاحبي عايز يشتريها ومش عارف أقدرها ؟؟؟
مع العلم فى تاجر شافها قال لى ياخدها على 40 طبعا على جثتي السعر ده
ده أنا استخدمها سنتين كمان وخسارة بخسارة بقى بس أكون قللت الخسارة بالاستهلاك الأطول