منظر يقطع القلب فعلا

**ahmad--ezzat** · 31-07-2010 09:56 AM

لا حول ولا قوه الا بالله............

والله انا كان نفسى اعيط امبارح.............
.
راجع من مدينه نصر حوالى الساعه 12 بليل..........

وفى شارع من الشوارع .........

لايت قطه نايمه على الارض....وشبه مدبوحه...ونايمه على جنبها وعماله تنط متفهمش ازاى وزى ميكون الروح بتطلع منها وطبعا الدم نازل وسوائل تانيه مش عارف اقول ايه الحقيقه...انا وقفت بالعربيه وتنحت...رحت مشيت من جنبها والعربيات ولاد ال.... ولا هنا

العيب على الحمار للى بيسوق انه يدوس على كائن وولا همه

المهم قبل ماطلع من العربيه وامشى من جنبها...العربيه باظت...الاول مكنش عايز يجي والفتيس سايب على الاخر...طلعت على التانى ولسا هشوف المصيبه التانيه دى...

الحمد لله على كل شىء....

**n_i_t_e** · 01-08-2010 02:29 PM

:( :( :(
المنااظر دي صعبة أوي أنت فكرتنى بيها.
و بتكون قطط صغيرة ساعات.
أوروبا مفيهاش Stray animals بالأعداد دي...و الحوادث المؤسفة دي مش بتحصل عندهم

**Mohamed.Ramah** · 01-08-2010 02:51 PM

لسة حاصل نفس الموقف قدامى امبارح بس الحمدلله ربنا ستر واحد باكسنت موطى العربية ولما شاف القطة ومن حظها حجمها صغير مش يزمرلها ولا حاجة لا قام موسطنها فى نص العربية وكابس بعد اما عدى لاقيتها بتتشقلب طبعا واكيد اتخبططت من تحت الحمدلله انة مداسش عليها كمان بالمرة فعلا قمة الجهل لا و3 بيقولو حاسب وهو شايفها ومكمل فاكرها طوبة

**mahfouz1983** · 01-08-2010 03:28 PM

والله هي حاحجة تزعل بس احنا عندنا في بلدنا بندبح البني ادمين يعني حوادث القتل منتشرة بكثرة مش تقولولي قطط ناس كتير بتتقتل اليومين دول يا جماعه ولا حد سالفيهم وبعدين احنا في حالة انفلات في كلي شئ وحسبنا الله ونعم الوكيل

**ehabbasha30** · 01-08-2010 03:32 PM

يا جماعة الحاجات دى بتطلع فجأة - وساعات مش بيبقى فى فرصة ان العربية تفاديها - غصب عنة بيخبطها اكيد ميقصدش

**n_i_t_e** · 01-08-2010 03:46 PM

المشاركة الأصلية كتبت بواسطة mahfouz1983

والله هي حاحجة تزعل بس احنا عندنا في بلدنا بندبح البني ادمين يعني حوادث القتل منتشرة بكثرة مش تقولولي قطط ناس كتير بتتقتل اليومين دول يا جماعه ولا حد سالفيهم وبعدين احنا في حالة انفلات في كلي شئ وحسبنا الله ونعم الوكيل

مانا بقول لنفسى كده...هو حد مهتم بالمواطن لما هيهتم بالقطط؟

المشاركة الأصلية كتبت بواسطة ehabbasha30

يا جماعة الحاجات دى بتطلع فجأة - وساعات مش بيبقى فى فرصة ان العربية تفاديها - غصب عنة بيخبطها اكيد ميقصدش

أكيد ميقصدش طبعا و أكيد غصب عنه.
بس الواحد بيزعل طبعا لأنه نتيجة جانبية من الظروف القاسية اللى عايشينها
يعنى حتى الواحد يبقى هربان من الجرايد و أخبار الفقر و البطالة و مشاكل كذا و كذا و بعدين تلاقى منظر من دول يفكرك أن مفيش جهة مسئولة ....مش عارف أوضح بس أنت فاهم قصدي....صح؟
مرة كان فى واحدة هولندية كانت بتتفاخر من كام سنة قدامنا أن بلدها مفيهاش و لا حيوان ضال و خلاص كل الحيوانات بقت تحت الرعاية

**m_mekkawy** · 01-08-2010 04:09 PM

انا لسه مموت قطه ورا البيت من يومين
بش مقدرش اقول الا ان ساعة القدر بيعمى البصر
القطه شايفه العربيه وهيه حايه وتروح جاريه قدامها رحت دايس عليها
بس مرضيتش ابص عشان الترجيع والقرف والحاجات دى

**icehearted girl** · 01-08-2010 04:18 PM

والدتي مرة زمااااااااان كانت هتقلب العربية علشان تفادي قطة معدية وكننا احنا اطفال انا واخواتي وراكبين معاها..ودي كانت اخر مرة تسوق فيها

انا بحس ان الحيوانات بقت بوستر ملزوق في الاسفلت فكل مكان

الموضوع: منظر يقطع القلب فعلا

LinkBack

أدوات الموضوع

عرض

منظر يقطع القلب فعلا - انشر الموضوع فى :

-

-

-

-

المواضيع المتشابهه

يقطع البنزين وسنينه

تحيه من القلب الي الاستاذ شنوري من القلب

اعمل ايه علشان يبقي عندي نت 24/7 ومش يقطع

كل ام اعلى الصوت يقطع

الكلمات الدلالية لهذا الموضوع

المفضلات

المفضلات

ضوابط المشاركة