لو حد قابله هذا العيب يقلي حله ايه

**Adham** · 31-07-2010 11:13 AM

المشاركة الأصلية كتبت بواسطة m_o_b_i

اخى العزيز اعتقد انه غطاء القربه بتاعة المياة الموضوع دا كان حصل معايا فى الابيزا 94 وبسببه غير ت موتور
امشى اى مشوار وعند الوقوف وتبطيل العربية المياة تخرج من القربة

حضرتك خروج المياة من غطاء القربة دة عرض مش سبب

يعني انة من اعراض مشاكل في وش السلندر

انما مش سبب ان الوش باظ او ان الموتور اتغير

و بالتالي حضرتك غيرت الموتور لان كان بة وش سلندر تالف (و هذا ما ادى لربما تلفيات اكثر بالمحرك ) و دة من اعراضة ان المياة تطلع من القربة اول الدوارة او عند تبطيل المحرك و ليس لان غطاء القربة سبب تلف الموتور

و مهما احكمت غطاء القرية سيضرب عند تبطيل السيارة لان ضغط كبس المحرك سيكون قويا في دورة التبريد و لن يتحملة الغطاء البلاسيت و سيقفز من مكانة فوراً

**mmd3** · 31-07-2010 12:35 PM

الحكاية دي حصلت مع واحد صاحبي وحلها انة اشترى غطاء اوبل عشان مهما اشتري غطيان قربة من اللي ب 25 جنية كانت بردو بتهرب المياة

**ahmedhilmy** · 31-07-2010 02:00 PM

غطا القربة محتاج يتغير

**tarek_2005** · 31-07-2010 02:47 PM

شاكر لكل الردود

اولاً طلعت بصيت علي العربية دلوقت وفكيت القربة

لاحظت الاتي

1 - غطاء القربة غير محكم الغلق لتفويت في السن الخاص بالقربة
2 - يوجد سوسته داخل الفتحة السفلية للقربة الواصلة علي المتور بالخرطوم الكبير لا اعرف فائدها
3 - تلف الصمام الموجود بغطاء القربة

ثانياً اخذت هذا القرار للاصلاح
1 - تغيير القربة بالغطاء ( استيراد )

تجربة السيارة

حلت المشكلة اذا الحمد لله
لم تحل المشكلة تغيير جوان وش سلندر فورا

ارجو من الاعضاء افادتي ان كنت علي صواب ام خطاء وتنبيهي للاخطاء

**tarek_2005** · 31-07-2010 03:03 PM

المشاركة الأصلية كتبت بواسطة dentist2future

بص يا فندم
حضرتك بتحكى اللي كان بيحصل معايا بالظط لدجة انى كنت هتجنن
لانى مكنتش عارف أوريها لحد
وانا كنت معرفش ان المياة بتطلع منين
انا لما أبطل العربية المياة بتنزل من جنب العجلة
فكنت هتجنن
الا ان تم اكتشاف العيب
وبكل بساطة
غير غطا القربة بغطا جديد بتاع لانوس عادى
والحمد لله الموضوع بقي تمام
دى مشكلة بسيطة ما تشغلش بالك فقط غير غطا القربة
وشكرا

الف شكر لرد سيادتك والحمد لله سابداء بتغيير القربة بغطائها

**tarek_2005** · 01-08-2010 09:45 AM

شاكر لكل الردود والمساهمات في حل المشكلة

حبيت ابلغكم باصلاح العطل والتكلفة

قمت بتغيير القربة والغطاء بواحدة استيراد بقيمة 60 جنيه

وتم الحل بفضل الله