حد يا جماعة دخل الفيلم ؟
انا دخلت الفيلم امبارح , يا جماعة الفيلم مش طبيعي
الدخله يقول رأيه و تحليله للفيلم
عرض للطباعة
حد يا جماعة دخل الفيلم ؟
انا دخلت الفيلم امبارح , يا جماعة الفيلم مش طبيعي
الدخله يقول رأيه و تحليله للفيلم
انا مشوفتوش لسه بس متوقع انه خطير لانه اخد تصنيف رقم 3 فى احسن 250 فيلم فى التاريخ!!
طب ما تقولونا هو الفيلم بيتكلم عن ايه ؟؟؟
معتقدش حد هيحاول يوصف الفيلم لان استيعابه صعب انا شوفته من غير ماابقي عارف عنه اي حاجه فقعدت اول دقايق فيه بحاول استوعب
ناس بتعمل حلم وتدخلك فيه يا تاخد منك فكرة يا تزرعهالك فدماغك
الفيلم جامد واجمد مافيه قصته حلوة ومفيهاش فترات مملة
انا من ساعة ما سمعت عن الفيلم ده من اكتر من سنتين و انا مستنياه
دخلته طبعا و هو فعلا مش طبيعى
و صعب جدا حد يسألك بكل بساطة هو الفلم عن ايه فتجاوبه ، مينفعش
بما انك دخلته ، ايه رأيك فى النهاية ، و انت مع انهى رأى فى الناس ( الناس منقسمة رأيين طبعا و كل نظرية ليها اللى يدعمها فى الفيلم )
بس بجد الفيلم تحفة و الفكرة مش طبيعية و christopher nolan ده عبقرى اصلا ( هو اللى كتب السيناريو و هو المخرج برضو )
و السيناريو ده بقاله 8 سنين بيكتب فيه على فكرة !!
احلى حاجة عجبتنى فى الفيلم ال layers بتاعة الفيلم و ازاى مربوطة ببعض ، و فكرة ال inception اصلا و كل المبادئ و الافكار اللى فيه ، طول مانا اعدة فى الفيلم بفكر ، و انا شفته اول ما نزل عندنا و لحد دلوقتى بفكر فيه .
هو دة الغايظني :)
ان في كذا نظرية في الفيلم , و كل نظرية ليها اليدعمها و اليخليها متنفعش
يعني في ناس بتقول ان خلاص صحي في الحقيقة في الآخر و ان الtotem الكانت بتلف دة كانت خلاص هتقع
و في ناس بتقول ان كل دة كان في السبات الهوا limbo , و ان هو الاصتنع كللللل دة
انا بصراحة مش عارف أئيد نظرية معينة , الموضوع فعلا صعب :)
ايه رأيك في الموضوع دة ؟
انا رأيى ان مفيش اجابة صح ، الفيلم معمول عشان يخليك تفكر و تحتار بين الاتنين و متعرفش مين الصح ، و لما تدور على حاجات عشان تصدق اى واحدة فيهم تلاقى ، انا شايفة ان مفيش اجابة صح ، لو انت بتحب النهايات السعيدة اوكى ، لو لأ برضو ماشى ، ده من الافلام اللى ملهاش نهاية مؤكدة ، شوفه زى مانت عايز ، لو كان المفروض واحدة فيهم كان استنا كام ثانية فى الاخر و كنا بقينا متأكدين من النهاية ، بس كون الفيلم اتقفل كده ، انت مع نفسك :d
و قريت كمية مقالات و نقد عن الفيلم و اغلبهم اتفقو ان مفيش نظرية غالبة التانية و ان الاتنين ليهم اللى يدعمهم فى الفيلم ، فالفيلم خلص زى مانت شايف بقى ، اختار واحدة ، انا مش هختار ولا واحدة و هاخده زى ما هو ، تحفة و من احلى الافلام اللى اتعملت فى اخر 10 سنين و هيفضل فى الذاكرة كتير و الناس هتفتكره كمان 10 سنين و برضو مش هيبقو متأكدين من النهاية و ده من الحاجات المميزة ليه .
فيلم خطير جدا ..انا دخلته الاسبوع اللي فات في جالاكسي المنيل ..وفكرته رهيبه ..بس حسيت شويه انه وسع منهم في الحته بتاعت العربيه وهي بتقع من على الجسر لما كانوا في 3 مستويات من الحلم..
والفيلم نهايته مش معروفه ..هل هو في حلم ولا صحي؟؟