يا ريت لو حد عندو التكييف شغال يؤلى عملوا فين و أعد أد إسة معاه لحد ما شحنوا تانى لحسن صاحبكوا جاله إحباط من التكييف ده
عرض للطباعة
يا ريت لو حد عندو التكييف شغال يؤلى عملوا فين و أعد أد إسة معاه لحد ما شحنوا تانى لحسن صاحبكوا جاله إحباط من التكييف ده
بص يا باشا كان عندى نفس العيب لمدة 5 سنين كل سنه فى الصيف اروح لواحد جديد يعد يفتكس واشحن فريون جديد وبالكتير يعد شهر ومره اسبوعين يهرب تانى لدرجة انى كنت هبيع العربيه بسبب العيب ده لغايت لما روحت لواحد جامد عرف العيب وشكله كان فاهم جدا غيرت طقم اويل سيل للكومبريسور كان 350 جنبه وبعدها اشتغل ذى الفل هو المشكله ان الراجل ده عندنا فى المنصورة وانا تحت امرك لو عايز تيجى وتشرفنا
ممكن تدلنى يا باشا على مكان الراجل ده بتاع المنصوره و اسمه ايه -- عشان انا عاوز اضبط التكييف اوبل فكترا 99 -- مشكورين جدا على اى مساعده -- و ربنا يديمها علينا خير و نقدر نتواصل دايما ان شاء الله
على فكرة تكييف الفكترا الاية مش وحش
يعنى روح عند حد فاهم هيقوم بالواجب
عندك الكابتن فى الحرفيين و على شغلة ضمان
و اسعارة كويسة
توكل على الله و هو هيجيبلك من الاخر
انا عندى كويس
عيب الفريون المصرى عدم جودة التبريد
و فيه واحد فى العمرانية اتعاملت معاه و التانى بيشكروا فيه فى المنيل
بص يا مدير
اتعب مرة واحدة و ريح دماغك بعدين
روح عند الكابتن او اللى قالك عليهم طنانى
تمام لغاية كدة
و خلية يطلع التكييف كله " و انا بقصد الكلمة بكل حزافيرها "
و خلية يغسلة غسلة جامدة موت . و يكشف علية حتة حتة و يتاكد انه زى الفل . و يراجع على الورد اللى بتركب و الشجرة و التلاجة و الكباس يشيك علية و يكملة زيت . و يشوف الفلتر و الاكبانشن و بعد ما يتاكد ان كلة تمام
يركب و جيب فريون نضيف و اخصم تمن الفريون من المصنعية
و بعد كدة احكم على التكيف بحق ربنا اذا كان كويس و لا لا
المشكلة فى اية يا باشا ؟
التكييف وحدة متكاملة اى عيب فى اى جزء يبوظ الباقى كلة
يعنى لو عندك التكييف فوق الممتاز من اول الكباس الى الفريون و الفلتر مسدود و لا كانك عملت حاجة و التكييف يبقى معفن
فعلشان كدة بقولك فكة حتة حتة و لو حتى اصغر وردة فية
و توكل على الله و ركب و جرب و ادعيلى
صعب قوى تقنع صنايعى انه يفك الدنيا دى كلها
بس الأبيج هيبقى كتير قوى
طالما مفيش تسريب يبقى الدنيا تنزل ليه
حتى يطمن قلبى
و بالمرة تتنضف كويس
الفرق فى المصنعية اد اية 200 او 300 جنية زيادة و لا الهوا
يعنى لو شاف التسريب و شحن هياخد 200 جنية
و لو فك التكييف كله و شاف التسريب و شحن هياخد 400 جنية
فهتلاقى الفرق فى حدود 200 بس و دة مش مشكلة فى مقابل التكييف كفاءته هتزيد بطريقة ملحوظة