قضية بسبب موبيل مسروق

**kimo-nubira** · 31-07-2010 11:30 PM

الحل سهل ان شاء الله اولا طعن بالتزوير ثانيا طلب فاتوره تفصيليه للخط واثبات الارقام المتصل بها من الخط ده وتواريخ الاتصال بها

واكيد اكيد اكيد هتلاقي رقم من الارقام ديه بتاع واحد من قرايب المزور ده وديه اسهل طريقه تثبت بيها ان العقد مزور وان الخط مش ملككم

**شريف** · 01-08-2010 02:37 PM

المشاركة الأصلية كتبت بواسطة a.saad

شباب
ركزوا
تاريخ الشرا قبل السفر
يعنى والراجل موجود فى مصر

مفيش غير انه يطعن عل العقد بالتزوير

صح كدة

المشاركة الأصلية كتبت بواسطة ahmed-moga

اوبس الموضوع كده هيتعقد شويه واعتقد ان مفيش قدامه غير المحامي يحاول يحل

الموضوع ده ودي مع مالك العده ويثبتله انه قريبك ده مسافر وفي نفس الوقت يرفع

دعوي تزوير عقد علشان يخلي مسئوليته بس هو مش موضوع التتبع ده كان اتوقف

والمحكمه بقت ترفض النظر في هذه الدعواي نظرا لأن المشتري اشتري بحسن نيه

وملهوش ذنب في انه يخسر مادفعه في جهاز لايعلم انه مسروق

هو قريبى مشتراش الموبايل و لا عمرة شافة
واحد سرق موبيل و لقى صورة بطاقة فى مكان ما قال بدل مستعمل شريحتى لا اشترى شريحة جديدة بصورة البطاقة دى و احطها فى الموبايل
القسم بيقول مدام مجبناش الموبايل المسروق هيتطبق قرار بالقبض على قريبى اول ماينزل مصر
و الحل الودى الراجل صاحب الموبيل طالب تمن الموبايل رغم انة مقتنع ان احنا ملناش زنب

**شريف** · 01-08-2010 02:41 PM

المشاركة الأصلية كتبت بواسطة kimo-nubira

الحل سهل ان شاء الله اولا طعن بالتزوير ثانيا طلب فاتوره تفصيليه للخط واثبات الارقام المتصل بها من الخط ده وتواريخ الاتصال بها

واكيد اكيد اكيد هتلاقي رقم من الارقام ديه بتاع واحد من قرايب المزور ده وديه اسهل طريقه تثبت بيها ان العقد مزور وان الخط مش ملككم

هيطعن فى التزوير ضد مين شركة المحمول؟ و اية الفايدة
و الفاتورة التفصيلية هتفيد باية مهو القسم هيعمل اية بيها
مفيش سند قانونى يثبت ان صاحب الشريحة (او الشريحة طالعة باسمة من غير علمة)مسرقش الموبايل؟

**A.Saad** · 01-08-2010 03:29 PM

اى قسم دوره هو كتابة المحضر وبس
بعد كدة ده قرار النيابة

قدامك حلين
التصالح مع صاحب الموبايل ، وعلشان قريبك مش هنا يبقى حد معمول له توكيل يجيز له التصالح
او
لو الموضوع دخل النيابة واتعمل قضية
يبقى زى ما قلنا
هوة بيدفع عن نفسه قضية السرقة باثبات ان الخط مش خطه وان العقد مزور
معنى ان العقد مزور
ان مش انا اللى كنت باكلم
والموبايل مش معايا
بس
فيه جزئية تانية وسؤال يطرح نفسه
ايه اللى يثبت ان انت مش اللى عامل العقد كدة يعنى جبت واحد تانى مضى عنك مع ان بطاقتك صورتها فى العقد

**amrbakly** · 01-08-2010 06:02 PM

ايوة تاريخ شراء الخط مش مسؤولية صاحب البطاقة

لأن شراء الخط مش جريمة

الجريمة الفعلية يعاقب بيها المستخدم الفعلي للخط، التوقيع و تاريخ التواجد و تاريخ المكالمات و البائع اللي باع الخط و لم يسأل عن صاحب الخط الفعلي

دية قضية تخلص اجراءات من اول جلسة و محامي مبتدئ كمان يخلصها

متقلقش