زيت الشنبر

**نور العمر** · 19-05-2009 06:22 PM

المشاركة الأصلية كتبت بواسطة medo80

حد عندة معلومات عن حاجة اسمها زيت شنبر ؟
بصراحة النهاردة حطيتة في عربية 127 فيورا كان موتورها بيطلع دخان علشان خفيف رحت غيرتلة زيت شيل مونو ب 38 جنية و زودت علية علبة زيت شنر stp كان ب 17 جنية و بعد ما ضفتهم لقيت الموتور صوتة فرق جامد جدا و مفيش دخان
يا ري دا بسبب الزيت الجديد و لا بسبب تباع الشنبر دا
يا ريت لو عنده خلفية يقول و لا الزيت دا اشتغالة و لا اية و لا التاثير دا وقتي و خلاص
لاني كنت حاطط زيت مصر لبترول 7500 من شهرين
و شكرا

الله اكبر
ربنا يطمنك
وتجييب الحكاية دي مفعول مع عربيتي

**نور العمر** · 19-05-2009 06:26 PM

المشاركة الأصلية كتبت بواسطة maged_samy

كل دى مسكنات وحلول مؤقتة ياجماعة انا جربت كل ده ملوش اي فايده والزيت هينقص معاك برضة والدخان هيقل شويه ويرجع اسوء من الاول والعربيه هتحرق دمك فى الدواره الصبح او اى وقت تكون بارده وده هيأثر طبعا على المارش والبطارية لو كانت حالتهم نص نص . حاول تعمل عمره احسن او تسقط موتور استعمال ، وممكن تجيبلها موتور اونو

موتور أونو ده يعمل كام

وشكرا

**nabaster** · 20-05-2009 01:56 PM

المشاركة الأصلية كتبت بواسطة نور العمر

موتور أونو ده يعمل كام

وشكرا

نور انا كنت متابع موضوعك بس كنت شايف الاخ maka بيرد وبسم الله ما شاء الله عليه قايم بالواجب

عموما كان موضوعك ان الميكانيكي قالك هتتكلف 1000:900جنيه فكده هيبقي اوفر كتير من موتور الاونو

لان موتور الاونو ممكن يدخل بحاجته كامله في 2500 جنيه

وقولي ممكن الموتور بتاعك يتباع علي انه خلع علي 500 جنيه فكده قولي 2000 جنيه

مستعده تضحي بالالف الزياده (وممكن تدخل في 1200زياده) في سبيل موتور ناعم جدا وصوته هاادي وتنسيه 10 سنين قدام ولا لا

غير طبعا الوفر في البنزين

فكري واي استفسار تحت امرك ويارب اكون افادتك

وشكرا

ملحوظه : لازم الي يشتري معاكي الموتور حد يكون ثقه اوي ويكون بيفهم اوي

**nabaster** · 21-05-2009 12:22 AM

المشاركة الأصلية كتبت بواسطة نور العمر

والله كده أوفر
لإن ميكانيكي تاني قاللي 1800 ج
يبقا 2000 مع موتور أونو أحسن
بس ده أجيبه منين وأعمله فين

واللا ابيعها وأجيب أونو أحسن

بصراحة

أخدت موقف نفسي من العربية :k17:

وألف شكر

سلام عليكم

متحوليش يا نور تاخدي موقف من العربيه وتفكري فيها كده

لانك كده حتي بعد ما تتصلح هتبقي نفسيتك مش مرتاحه ليها وخايفه من دقات النقص بتاعتها

نقطة اجيبه منين واعمله فين دي محتاجه ميكانيكي ثقه زي ما قلتلك ويكون واحد معاه من قرايبك بيفهم في العربيات وتشيلي انتي ايديكي من الموضوع ده لانك مش هتعملي حاجه معاهم

هما هيدورو بقي علي موتور نضيف يا اما في الحرفيين او عزبة شلبي او بقي لو كانو عايزين حاجه نضيفه ويتفرجو براحتهم وارخص كمان

مشوار يوم واحد لبورسعيد ويحمل الموتور علي اي عربيه ويرجع يركب علي عربيتك علي طول تاني يوم

فهل برضه عنك استعداد لدوشة التسقيط والكلام ده؟؟

عموما الموضوع عايز دماغ فاضيه وعايز حد تثقي فيه يدخل في الموضوع لانك لواحدك كده مش هتعملي حاجه

واي استفسار تاني في خدمتك

**i_Am_Legend** · 22-05-2009 08:19 PM

بصى بقى ...........

حلوة بصى دى .........

انا عملت طقم شنبر لعربيتى وغيرت الصبابات وخرطت وش السلندر ودخلتلها فى حوالى
1500...........
نصيحة سقطى موتور اونو بفتيسة ...........هو ب1800 جنيه وهلاتلاقى معاكى سفنتيتينا مش سفنتينا واحدة............

وادعيلى........

**wael6** · 15-01-2012 10:52 PM

بالنسبه ليا
العربيه اكسيل مو 95 1500 سي سي مانيوال
انا كنت عملت نص عمره والحمد لله المكنه مظبوطه
بس بلاحظ ان المكنه ناعمه وملهاش صوت فى السحب فى اول لما اغير ا لزيت لحد مثلا 300 كم وبعد كده صوتها بيعلي وبتتخنق فى السحب على 2 rpm
انا بستعمل شل الاحمر بس مش التقيل انا بستعمل متعدد الدرجات ( 20-50 ) كل 1000 كم
فى واحد صديقي شار عليا احط ابرو للموتور بس مش زى اللى فى الصورة دى بيقولى هتحسن السحب والنعومه
بس حطها بانتظام واستعمل زيت موبيل دلفاك mx
العربيه حاليا عندى ساعات الاقي سحبها حلو وتمام وساعات لوحد تتخنق وصوتها يعلى على 2 rpm
منتظر تفسيركم ورايكم فى الاضافه للزيت مع العلم ان مفيش نقصان للزيت
وشكرا جزيلا

-

-

الموضوع: زيت الشنبر

LinkBack

أدوات الموضوع

عرض

-

-

-

-

-

-

المواضيع المتشابهه

زيت الشنبر

زيت الشنبر

طقم الشنبر

طقم الشنبر

طقم الشنبر

الكلمات الدلالية لهذا الموضوع

المفضلات

المفضلات

ضوابط المشاركة