مصر للطيران

**naser_56** · 31-07-2010 03:37 PM

السلام عليكم

بدايه مش عارف ابدأ موضوعي ازاي المهم ايه اخر المعاناه مع الشركه الفاشله دي دي تالت رحله معاهم واكيد اخر رحله وعلي رأي المثل التالته تابته في اخر مرتين كنت اقول توبه ولكن الظاهر انا ماحرمتش منهم ولكن كده خلاص في كل رحله يقولك الامتعه اتخلفت وجايه بعد يومين والاسواء من ذلك ما لاحظته بعد ماتيجي الامتعه تروح المطار بعد 3 او اربع ايام وتلاقي الامتعه شبه منظر قمامه من سوء التخزين والكراتين مقطعه والشنط مبهدله وطبعا اكيد لو في اجهزه يبقي انساها ولو في اي اغزيه او شوكلاته وخلافه بتلاقيها سايحه وكمان بوظت اي حاجه بجوارها والله العظيم مأساه بسبب الشركه الفاشله دي هما مش حاسين بالناس ولا فاكرين الناس دي شغاله تحت امرهم ولا الشنط دي جواها رمل ولا زلط ويتعاملو فيها براحتهم من سوء نقل او تخزين والاسواء خدمه العملاء الي بيقولو لك لما الاغراض بتاعتك تيجي بنتصل بيك وطبعا لابيتصلو ولا بيهببو ولما تتصل انت بيهم يقولولك لا منعرفش حاجه سيادتك جايه امتي طيب لسه والله العظيم مكالمه سودا مع الموظف واقله طيب علي الاقل اديني موعد الحاجه هتيجي امتي يرد ويقلي مااعرفش اتصل بعد يومين افله يومين ازاي يرد ويقول طيب اتصل تاني بكره قلتله هو انت مش عارف امتي بالتحديد هو الموضوع بالبركه يقولي بكل استفزاز اه بالبركه الله ------------

يرجى التزام الأدب العام في الحديث وعدم مخالفة قواعد المنتدى
لقد حصلت على تحذير ووقف مع التخفيف يوم لمخالفة القاعدة 12

31/7/2010
7:28pm
مشرف القسم
20ب

**ahmedsamir79** · 31-07-2010 04:45 PM

يا عم هدي أعصابك شويه

**ahmedsamir79** · 31-07-2010 04:46 PM

و بعدين إيه لزمت اللعن ده؟

**Abdo_Eldesokey** · 31-07-2010 04:54 PM

أنا مقدر انفعالك وعصبيتك دي .. طبعاً حاجة مستفزة جداً موضوع تخلف الأمتعة ده

طب افرض واحد سائح مش من البلد .. المفروض إنه يعمل إيه ، يقعد أسبوع بالهدمة الي عليه ؟؟

يا باشا .. ابعد عن المصري بعد كده في أي حاجة

**naser_56** · 31-07-2010 06:30 PM

المشاركة الأصلية كتبت بواسطة ahmedsamir79

و بعدين إيه لزمت اللعن ده؟

خليك مكاني وتخيل حاجتك وحاجه عيالك الي ليك شهور شقيان وتعبان فيها وتجي في الاخر تدخل بيتك وايد ورا وايد قدام هيكون احساسك ايه وتخيل كمان حاجتك الي انته جايبها ومعندكش فكره هتوصلك امتي او مش هتوصلك اصلا او هتوصلك بايظه هيكون احساسك ايه تخيل كمان لما تشوف الحاجه بتاعتك الناس بتدوس عليها او اي شخص بيفتكرها بتاعته وياخدها ويطلع ولا حسيب ولارقيب والموضوع سلطه هناك والكلام ده انا شايفه بأم عيني وابوها كمان يعني عارف مقدما ايه مصير الحاجه بتاعتي هيكون ايه احساسك نهايه الكلام حسبي الله ونعم الوكيل في دي شركه وشكرا للجميع علي المرور

**أحمد كمال** · 31-07-2010 07:35 PM

انا ما سافرتش مع مصر للهباب في رحلة دولي غير مرة واحدة

و ان شاء الله مش هاكررها

ميكروباص طائر

**vampero** · 01-08-2010 01:42 PM

سبع سنين بسافر دولى عمرى ما جربتها ولا مره من كتر ال سمعته

ربنا يعوض عليك

**naser_56** · 02-08-2010 02:18 AM

شكرا لكم جميعا اخواني علي مروركم الكريم وانا كتبت لكم ما سبق من قهري ولتحزير الجميع ان يبتعدو عنها الا في اضيق الحدود ولنا الله

**amrbakly** · 02-08-2010 03:30 AM

علي فكرة مصر للطيران إتقدمت كتير في أخر سنتين

انا زبون قديييييييييييم في مصر للطيران من أيام الطفولة و الطائرات البوينج 707

دية مش إتطورت دية إتقلبت

مؤكد بس انك كنت جاي علي رحلة من دولة عربية، علي مستوي أوربا و أمريكا مصر للطيران مختلفة تماما عن الدول العربية و تحديدا الخليجية

و عايز اقولك ياما شنط ناس صحابي ضاعت تماما مع إيير فرانس و التعويض كان 300 يورو من السوق الحرة في باريس في أقصي المراحل

و شنط بتتأخر باليومين و التلاتة مع التركية

لسة بتوع التركية من اسبوعين مكسرنلي شنطة سامسونايت تمنها 200 يورو و معرفش كسروها إذاي !!! مفترض انها بالكتير تتخدش لكن واضح ان طيارة دهستها !

و قبلها شنطة برضة إدغدغت مع لوفتهانزا و لولا البطانة الداخلية بتاعت الشنطة كانت زمان حاجتي ضاعت