الموضوع: بريليانس fsv كامله مانيول 1500cc اشوفها فاااااان ؟

المشاركة الأصلية كتبت بواسطة tamerking

بعد اذن السادة الافاضل ممكن حد يقوللى اقدر اشوف بريليانس fsv كامله مانيول 1500cc عند مين غير التوكيل لانه مفيش عنده ولا عربية واحده معروضه كله مسحوووووب فممكن حد يفيدنى علشان باخد فعلا قرار فى شراءها وعايز اقارن ما بينها وبين الجاك b15 كامله مانيوال 1500cc ويا ريت تفيدونى برأيكم ايضا فى هذا الموضوع 0
وفى انتظار ردكم على احر من الجمر
ومشكوريييييييييييييين

للاسف فعلا العربيه مش موجوده و لا في التوكيل و انا قلت الكلام ده قبل كده , و بدءت العربيه تتباع سوق سوده عند بعض الموزعين اللي احتكروا الدفعات اللي وصلت بالكامل , و كمان الوكيل ما بيعملش عليها اعلانات زياده في الاثاره و سايب الناس تشوفها في الشارع و تسال عليها من اللي راكبينها , عموما انا معايا واحده 1500 كامله اللي هيه GLS عايز تعرف ايه نالظبط ؟ هيه عربيه موتورها ناعم جدا بدرجه ما تتخيلهاش و هوه من الجيل الجديد اللي بيولد 102 حصان و عزم شديد عند 4500 RPM غير طبعا اللي احنا متعودين عليه قبل كده , الثبات عالي جدا لان و زن العربيه مش خفيف 1260 كجم مع جنوط 15 و شاسيه قطعه واحده من شركة لوتس الانجليزيه , العربيه الشكل الخارجي رائع و جديد شديد الانسيابيه وواخد من خطوط bmw بحكم الشراكه اللي بينهم و كتير هيشفوك و يشدهم شكلها , الصالون الداخلي شيك و خاماته معقوله الكوالتي بس مش واسع قوي زي ما شكل العربيه الخارجي بيقول و لان الشنطه واسعه جدا , عزل الصالون داخل السياره ممتاز و التحكم في ابعد العربيه اثناء السواقه ممتاز , العفشه رياضيه حيده جدا , و اقرا هنا في اراء كتير بس الكل بيشتكي من عدم توافر السياره و تنقيط الوكيل ليها .

المشاركة الأصلية كتبت بواسطة romuio

فى واحدة عند معرض فى الهرم بس زيادة 3 الاف والمعرض ناس مش ملتزمين تعبونى قوى عشان ارخص العربية لونها احمر

ده اللي انا باقوله العربيه بدعت سوق سوده و للاسف بمساعدة التوكيل و هيوصلوها تاني فوق ال 80000 و الموزعين همه اللي عاملين كده و اظن انه بالاتفاق مع التوكيل بس بعيد عن التوكيل لانه برضه في الصوره توكيل محترم و سعره ثابت , احجز العربيه يقولوا لك اه , طيب فين العربيه ؟ , ما فيش عربيه , طيب هاستلم امتي ؟ ما نعرفش , طيب السعر هيزيد ؟لالالالا مش هيزيد طالما اتفقت , بس تبقي قابلني لو استلمت , مش لو استلمت ده لو اتفرجت عليها من اصله ., زي ما تقول انهم نزلوا سعرها غصب عنهم او مستكترين حد يركبها بالسعر ده

المشاركة الأصلية كتبت بواسطة tamerking

يا باشا مشكور جدااا على الافادة بالرد والاهتمام وهى فعلا عجبانى بس فيه شبح بيطاردنى اسمه جاك b15 انا روحت وشوفتها فعلا عربية غير عادية فى كل شيء وهتجنن لانى لسه واصل من مشوار اتفرجت فيه على ال fsv 1500 cc gls وبقارن ما بينهم فوجدت ان احسن حاجه فى البريليانس fsv هى توكيلها بافاريا اما الجاك b15 فهو هورس موتورز ولاكن ال b15 تنتصر عليها فى كل شيء بجد من حيث الخامات الداخليه للصالون ووسع السياره والجنوط والفرش الجلد والتابلوه جلد مش بلاستيك قاسى اما الموتور فهو واحد فعلا فى العربيتين 1500cc نفس تكنولوجى التصنيع وهو تويوتا وارتفاع السياره عن الارض تقريبا واحد ولو واحده فيهم الاعلى هتكون الb15
والله العظيم دماغى هتنفجر ومش عارف اخد القرار الصحيح فممكن تساعدونى بارائكم بما يرضى الله ودون تحيز بما انى فى قسم البريليانس 0
ومشكورييييييييييين

انا حاسس بيك بس ما قدرش اقولك حجه عن الجاك بصراحه , بس اللي اقدر اقوله المهم التوكيل ما يكنش كشك صيني و هيقفل بكره و اشرب انا العربيه , البريليانس قديمه في السوق اكتر من اربع سنين و ليها موديلات ماشيه في الشارع و منهم الجالينا طبعا اللي سعرها 145000 .و حاول تجمع افكار علشن تقرر و شوف نسبة انتشار العربيه و الشركه

المشكلة في وجود البريليانس فعلا زي ما الاستاذ ياسر بيقول العربية بقت سوق سوداء انا حاجز عربية والمعرض اللي حاجز معاه بيقول لو مستعجل ادفع 3000 جنيه زيادة واجيبهالك