سيارتى المرسيدس c200 kompressor بالتعديلات

**Fadi Ezzat** · 31-07-2010 06:30 PM

مساء الخير عليكم جميعا
انا حبيت اعرض عليكم عربيتى المرسيدس بالتعديلات الى الى عاملها فيها
اقولكم الاول على التعديلات وبعدين اوريكم الفيديو
1-شبكة امامية
2-جنوط مرسيدس موديل 2010 اصلية 17 انش
3-طقم زينون المانى جاى من برة
4-فووانيس معدلة خلفية بليدات
5-فوانيس امامية بعدسات
6-سارينة شرطة اصلية
7-جهاز جى بى اس بالديفيدى مدمجين
8-كاميرا خلفية
9-سنسورز ورا
الفيديو قديم شوية كان لسة السنسورز والكاميرا متحطوش بس انا هصوركلم كل حاجة لوحدها كمان يومين بالظبط
YouTube - my car mercedes c200 kompressor

**Fadi Ezzat** · 31-07-2010 06:47 PM

المشاركة الأصلية كتبت بواسطة sam_zen_elden

فى انتظار الفيديو الحديث والله يحفظهالك

المرة الجاية هتكون صور مش فيديو علشان التفاصيل تبقى اوضح

**mahmoud_anwar** · 31-07-2010 07:46 PM

بسم الله ماشاء الله عليها
بجد تحفه انا بعشق عربيتن ال بي ام والمرسيدس دول الي يتقال عليهم عربيات لكن غير كده اسمهم كنب
وربنا يكفيك شر العين وشرها

**NFS** · 31-07-2010 08:20 PM

ما شاء الله ربنا يحفظها لك, معلش كام سؤال كده,
-الفوانيس العدسات جايبهم بكام و منين؟
-الزينون جايبهولك حد معرفه ولا تاجر و عامل كام؟
-جهاز الجى بى اس و الدي فى دى بكام و صناعته ايه و جايبه منين؟
-الشبكه و الجنوط بكام و منين؟
-لو العفشه الى عندك عاديه مش اسبورت, الجنوط ال 17 عامله معاك ايه؟ اصل فى واحد صاحبى كان عنده مشكله فى العفشه -حادثه, طلع على الرصيف- فغير المساعدين الامامى استيراد, و المساعدين الخلفى جديده بس نوع كده اسمه bilstein المانى, و حاجه اسمها المقص الطويل و راء, من عند واحد اسمه جورج فى السلام, بس لسه عنده مشكله فى الجنب اليمين قدام, بيسمع صوت طقطقه غريبه مش عارفين منين, و هو بيجرى بالعربيه جامد 190 200 على الدائرى, فخايف من الجنوط ال 17 تعمل حاجه فى العفشه خصوصاً انها بتعانى معاه جرى و مطبات هواء و فواصل و غرز عنيفه, انت رائيك ايه يركب 17 و لا 16؟!
انا اسف طولت عليك فى الاسئله, شكرا.