الموضوع: فلاتر فيرنا؟

اية يا جماعة دا المنتدي دا كلة فيرنا و ماتريكس و كوبية و مفيش اكتر من الهيونداي

مساء الخير
انا معايا فيرنا1600 سي سي موديل 2007 وهي لسه ماكملتش ال5000 كيلو وانا ناوي ان كل 5000 كيلو اغير الزيت وفلتر الزيت وفلتر البنزين ومتهيألي فلتر البنزين يادوب عليه كل 5000 كيلو مع استخدام بنزين 92 وبعدين هو مش غالي علي ماأعتقد بس ياريت حد يقولنا فلتر الهواء يتغير كل اد ايه وتمنه كام؟؟؟
وشكرا

شوية 5000 كلم علي فلتر البنزين
بص حاقولك علي حاجة فلتر الزيت كل 10 الاف يعني لو موبيل او شل تخليقي كل غيار او لو سوبر 3 الاف كلم يبقي كل 3 غيار او 5 الاف كل غيارين
اما البنزين شوية جدا علية دا انا كان معايا اونو هاف انجيكشن باحط بنزين 90 و كنت باحط بال 10 لتر و كدا و ما غيرش الفلتر بتاع البنزين غير مره واحدة بس في حياتها معايا 105 الف كلم و الهوا غيرتهولها مره واحدة بس برضة
بس مش باقول انة صح بس مش للدرجة 5 الاف كيلو حرام دا فية ناس بتعملهم في شهر و فلتر البنزين في الوكيل ب 45 جنية غير المصنعية و الضريبة و اللعب عند غبور او روح للصنايعية و ربنا معاك او فلتر عادي مش اصلي و ممكن يكون كويس بس يخرجلك العربية من الضمان
اية رايك بقي؟

بالنسبة ليا غيرت فلتر البنزين علي عشرتلاف كيلو ،،

أنا بصراحة ماليش أي قرار في الحكاية دي ،،

أنا بروح اعمل الصيانة و هما يغيروا اللي يغيروه

فلقيتهم في صيانة العشرتلاف مغيرين فلترالبنزين

و بغير الزيت و الفلتر كل خمستلاف ،،

ولاهي يا استاذ احمد اان شاكك ان المعدلات دية سليمة انا شايف برضة انها كتير بالنسبة لفلتر الزيت انا متاكد منة

المشاركة الأصلية كتبت بواسطة medo80

ولاهي يا استاذ احمد اان شاكك ان المعدلات دية سليمة انا شايف برضة انها كتير بالنسبة لفلتر الزيت انا متاكد منة

أصل أنا كده كده بحط زيت خمستلاف مش زيت عشرتلاف ،،

و ده بناء علي اختياري ،،

و ممكن يكون معاك حق ممكن يكون التوكيل بيحط معدل تغيير سريع ،،

عشان يعملوا مصلحة ،،،

اهه أنا في صيانة العشرتلاف كيلو كعتلي 400 جنية ،، زيت و فلتر و فلتر بنزين

و الصيانة الجاية فيها تيل لوحده ب 330 جنية ،،

الله يرحم ال 128 ،، الواد كان يقعد يشتغل فيها طول النهار و اديله 10 جنية

بس هوا الضمان يخلص و بعد كده مش هيشوفوا وشي

دا انا كان معايا اونو جبتلها تيل بوجاتي انضف حاجة في السوق و الدنيا كلها بتاع بره ب55 جنية و مكنش عاجبني
بس عموما الزيت و الفلر ما يخرجوش العربية من الضمان دا اولا
ثانيا الفلتر باع الزيت لو انت محسوك يبقي كل غيارين زيت يعني 10 الاف كيلو انا متاكد زي ما انا ماكد ان اسمي محمد و اسال اي صنايعي او اي حد بيفهم كمان اما الهوا انا مش حاسس فية بمشكلة اهم حاجة بس يتنضف بالهوا في اي بنزينة علشان ما يتكتمش
الي مش عارفة بقي البنزين بس برضة في الاونو قبل كدا كدا باحط بنزين 90 و الفلتر كان نضيف لحد ما بيعتها