الى كل من يفكر فى شراء سيراتو زيرو احذر

**elfashn** · 31-07-2010 09:10 PM

السلام عليكم

انا النهاردة وانا معدى على مركز للسمكرة والدوكو موجود فى المريوطية فيصل قرب الدائرى دخلت جوة المركز دة مساحتة كبيرة جدا واول مرة ادخلة علشان اتفق على مرمات فى عتب عربيتى. المفاجأة انى لما دخلت جوة لقيت عدد من العربيات السيراتو الزيرو بتدهن. العربيات لسة بالغطا البلاستيك بتاع الجنوط ويبدو ان العربيات دى اتخبطت وهى بتتشحن واللة اعلم بس عدد مش فاهم قصتهم اية وبصراحة مسألتش بس انا هودى عربيتى بعد العيد علشان اعمل المرمات دى وهاحاول افهم. المهم والغرض من الموضوع ان اى حد بيفكر يشترى سيراتو زيرو يخد معاه سمكرى يكشف عليها علشان ميلبسش عربية رشة بره او حتى جوه. والهى الواحد مبقاش عارف زمن اية ده الى الواحد وصل فية لدرجة ان ياخذ سمكرى للكشف على عربية زيروبس الناس الى ضميرها اتعدم وصلو الناس لكدة. وعلى فكرة كان فى عربية اوكتافيا زيرو بتتدهن برضه بس دى كانت عربية واحده بس

**Moustafa_Adel** · 31-07-2010 09:14 PM

والله الواحد مش عارف يعمل اية فعلا فى البلد دية حتى الزيرو مش مضمون

**NoRmAl** · 31-07-2010 09:15 PM

شكرا على التحذير يا باشا
وفعلا لازم العربيه تتفصص حتى لو زيرو
شكرا مره تانيه يا باشا

**waleedelpiloot** · 31-07-2010 09:43 PM

لا حول ولا قوة الا بالله
طب قولنا اية الالون الى شوفتها عشان ناس تاخد بالها

**elfashn** · 31-07-2010 10:16 PM

المشاركة الأصلية كتبت بواسطة waleedelpiloot

لا حول ولا قوة الا بالله
طب قولنا اية الالون الى شوفتها عشان ناس تاخد بالها

والله انا من ضمن الى انا شوفتة وفاكر لونه الابيض والفضى. وربنا يسترها

**M.Elsheikh** · 31-07-2010 10:29 PM

لا حول ولا قوة الا بالله
شكرا على التحذير يا باشا

**fawzyyyy** · 31-07-2010 10:46 PM

الموضوع مش جديد يا باشا
معظم الوكلاء في مصر بيعملوا كدة في كل العربيات الزيرو لو اتخبطت و هي بتتشحن

**elfashn** · 31-07-2010 11:00 PM

انا عارف ان الموضزع مش جديدخاصة ان فى واحد صاحبى كان شغال فى المصريه للسيارات فقالى انى لما عربية بتتخبط عندهم فى المعرض بيودها الحرفيين تتعمل هناك وتتباع بعد كدة على انها فابريكة بس عدد العربيات الى شوفتها بصراحة خضنى معنى كده انا فى بشر هتلبس عربيات رشة علشان كده حبيت احذر الناس الى ناويا تشترى تخلى بالها