الموضوع: حادث على الدائري - وفي وسط لجنة رادار

ده جزاء اللي يصر على اخد حقه بالقانون........الكلام ده مش هنا في مصر.........

ربنا يعوضك خير و حسبي الله و نعم الوكيل في كل مستهتر ظالم و ان شاء الله في ميزان حسناتك........اللي عند ربنا ما يضعيش.....

حمد الله علي سلامتك انت واسرتك
وربنا يعوضك خير ان شاء الله عن عربيتك وتقدر تصلحها

اما بخصوص الجبان ال...... سواق النقل احب اقولك ان اللي انت عملته انك ما تصالحتش معاه ده عين العقل لان اللي زي دول لازم يتربوا (ولو انهم واخدين علي كده) بس لازم تاخد حقك لو استطعت بالطريقة دي
علي الاقل تبقي عملت اللي عليك بالقانون وربنا يوفقك وتعرف تاخد حقك

اما بخصوص انك في المحروسة فده شيء طبيعي انك تشوفيه في البلد من اجراءات تقاعسية من بعض رجال الشرطة والمرور ومشي حالك

ربنا يعافينا جميعا ويرحمنا من كل اللي احنا فيييييييييييييييييه
انا زهقت فعلا ونفسي اغور في داهية من البلد دي
اللي المحترم ما بيعرفش يعيش فيها

شوفتوا الكارثة - يعني رضيت بالهم والهم مش راضي بيه

بعد ما التامين وافق وروحت مضيت على المقايسة والمفروض يبدأوا تصليح خلا
ألاقي البهوات في ابو رواش يقولولي هاتدخل على الثلاثاء القادم ( 10 أغسطس ) قولتلوا ساعتها ده النهارده الثلاثاء - يعني هاتقعد اسبوع علشان تبدأوا تصلحوا فيها - قعد يقولي جهاز الشاسية وجهاز الهباب - قولت حسبي الله ونعم الوكيل ومشيت

الكارثة بقى - بكلمهم دلوقتي - يقولي في التليفون آه - عربية حضرتك هاتدخل الورشة على 25- أغسطس - لما كنت هافرقع - ده انا واخد الكام يوم دول عذاب مواصلات من أكتوبر للنزهة - وباقول هانت - مش عارف بصراحة دول ممكن أعمل فيهم إيه - يعني اروح اتخانق - أصل مش ممكن يعني - 3 أسابيع علشان يبدأ يصلح فيها - هي امتحان عايز يراجع قبله - أنا عايز حتى أروح أخدها لحد آخر أغسطس ده وبعدين أدخلها على التصليح

بس طبعا مش هاينفع علشان التامين والحوار الفاشل ده - لا حول ولا قوة الا بالله

الناس دى ما بقاش وراهم حاجه غير انهم يلمو فلوس لكن يظبطو مرور ولا يعاقبو مستهتر حقيقى لأ يعوض ربنا فى البلد دى خلاص
انا زهقت والله يوم ما هتجيلى الفرصه هسيبها وامشى لمكان تانى يحترم انى بنى ادم وليا حقوق وعليا وجبات مش كلو واجبات بلد يطبق فيها القانون على الكل لا يبقى فيها خيار ولا فقوس بلد يبقى فيها رحمه لكبار وصغار السن مش كلو معامله واحده بدون تمييز ولو فضلت اكتب للصبح مش هخلص اللى عندى وعارف هيطلع واحد يقولى مش عجباك البلد سيبها وامشى هقولو اه هسيبها وامشى لأن ريحه الفساد بقت فى كل حتى ويعوض ربنا فى مصر بلدنا اللى بقت ام البهدله مش ام الدنيا

ربنا يعوض على صاحب الحادث ويكفى بقيت الناس شرور الحوادث وكماين الجبايه اللى ماليه الشوارع اللى سواء مخالف أو مش مخالف هيتلكلك عى حاجه ويطلعلك مخالفه مع الداخليه المصريه مش هتقدر ما تدفعش فلوس

المشاركة الأصلية كتبت بواسطة m.mostafa80

الناس دى ما بقاش وراهم حاجه غير انهم يلمو فلوس لكن يظبطو مرور ولا يعاقبو مستهتر حقيقى لأ يعوض ربنا فى البلد دى خلاص
انا زهقت والله يوم ما هتجيلى الفرصه هسيبها وامشى لمكان تانى يحترم انى بنى ادم وليا حقوق وعليا وجبات مش كلو واجبات بلد يطبق فيها القانون على الكل لا يبقى فيها خيار ولا فقوس بلد يبقى فيها رحمه لكبار وصغار السن مش كلو معامله واحده بدون تمييز ولو فضلت اكتب للصبح مش هخلص اللى عندى وعارف هيطلع واحد يقولى مش عجباك البلد سيبها وامشى هقولو اه هسيبها وامشى لأن ريحه الفساد بقت فى كل حتى ويعوض ربنا فى مصر بلدنا اللى بقت ام البهدله مش ام الدنيا

تعليقا على كلامك - مندوب الشرطة الي جاء من القسم ياخدني أنا والنقل الي خبطني ويرجع بينا القسم - جاء بميكروباص - ورجع بيه - ولما وصلنا يقولنا حاسبوه - كل واحد 20 جنيه

وكانت الحيرة شديدة أضحك - ولا أعيط - قال يعني ساعتها انا ناقصه

القسم مافيهوش عربية تاخد المندوب ده ربع ساعة رايح جاي لموقع حادثة