E72 من موبينيل بسعر 555 جنيه !!

**KHALED AYMAN** · 31-07-2010 10:49 PM

السلام عليكم ...
موبينيل بتبيع الموبايل النوكيا E72 بسعر 555 جنيه ...طبعا مش بيشغل غير موبينيل ..بينزل من غير ميمورى ..وضمانه موبينيل ..ومش جايبين سيره نوكيا فى الموضوع خالص
السؤال بقى ..
الموبايل ده مكوناته نوكيا فعلا ؟؟ ولا اى كلام فى البتنجان ؟؟
طيب سواء كده او كده ..بيعيش ولا نص كم ؟؟
طيب فك الشفره سهل ولا صعب وينفع اصلا ولا لا وبكام ؟؟
انا عاوز اجيبه لانى عاوز اصلا اجيب موبيل على الى معايا ..و شايف السعر مناسب جدا ..
و كمان NAB!L صديقى الاوبلاوى هنا عاوز يجيب واحد و مقلق ...
ها ايه رأيكو ؟؟؟

**kar!m** · 31-07-2010 11:26 PM

جهاز ممتاز طبعا و سعر منافس جدا جدا .. أنا معايا اا ل e71 من سنتين و شغال زى الفل .. لو العرض ده بجد أنا دايس .. أنا موبينيل أصلا.

**M!SHO** · 31-07-2010 11:32 PM

555 ولا 1555 مش معقول السعر ده ؟؟

**ASL** · 01-08-2010 12:11 AM

العرض فعلا مزبوط
ودة العرض

بس فيه حاجة انت ما اخدتش بالك منها
شوف الصورة اللى فى الاعلان
وشوف صورة ال e72اللى تحت

هتلاقى ان فيه اختلاف فى الأزرار اللى موجوده فى التليفون
عموما هو لو نوكيا تقدر تفك شفرته بكل سهوله
بس ما اعتقدش ان نوكيا لان هو فعلا لو كان نوكيا كانت موبينيل عملت دعايه عليه لوحده والناس هاتشتريه من غير ما تهتم بأى عرض
لكن اعتقادى الشخصى ان التليفون دة صينى

**KHALED AYMAN** · 01-08-2010 12:47 AM

المشاركة الأصلية كتبت بواسطة kareemz

جهاز ممتاز طبعا و سعر منافس جدا جدا .. أنا معايا اا ل e71 من سنتين و شغال زى الفل .. لو العرض ده بجد أنا دايس .. أنا موبينيل أصلا.

بسسسسسسسسسسس ده مطلعتش نوكيا ..ده اسمه g600

المشاركة الأصلية كتبت بواسطة هشام حمزه

555 ولا 1555 مش معقول السعر ده ؟؟

555 بس مطلعش نوكيا

المشاركة الأصلية كتبت بواسطة ASL

العرض فعلا مزبوط
ودة العرض

بس فيه حاجة انت ما اخدتش بالك منها
شوف الصورة اللى فى الاعلان
وشوف صورة ال e72اللى تحت

هتلاقى ان فيه اختلاف فى الأزرار اللى موجوده فى التليفون
عموما هو لو نوكيا تقدر تفك شفرته بكل سهوله
بس ما اعتقدش ان نوكيا لان هو فعلا لو كان نوكيا كانت موبينيل عملت دعايه عليه لوحده والناس هاتشتريه من غير ما تهتم بأى عرض
لكن اعتقادى الشخصى ان التليفون دة صينى

اموت فى دقه الملاحظه ...
الجهاز فعلا مكتوب عليه made in china فى واحد صحبى جابو كل ما اقوله اخباره ايه معاك يقولى شكله حلو اوووووى !!!!
يعنى انت رأيك ايه ؟؟
اجيب ولا لا ؟؟
هعرف افك الشفره ؟
وهلاقى قطع غيار و كده ؟

**ahmed_khalil** · 01-08-2010 12:51 AM

على فكره انا مش شايف كلمة 72 خالص
مكتور موبينيل
التليفون صينى طبعاااا

**KHALED AYMAN** · 01-08-2010 12:54 AM

المشاركة الأصلية كتبت بواسطة ahmed_khalil

على فكره انا مش شايف كلمة 72 خالص
مكتور موبينيل
التليفون صينى طبعاااا

انا اسف على الخطأ انا فعلا كنت فاكره 72 بس الزميل هنا وضحلى انه مش 72 ...
يا ريت تقترح عنوان و انا ابعت للاداره نغير العنوان

**ASL** · 01-08-2010 01:03 AM

المشاركة الأصلية كتبت بواسطة khaled ayman

بسسسسسسسسسسس ده مطلعتش نوكيا ..ده اسمه g600

555 بس مطلعش نوكيا

اموت فى دقه الملاحظه ...
الجهاز فعلا مكتوب عليه made in china فى واحد صحبى جابو كل ما اقوله اخباره ايه معاك يقولى شكله حلو اوووووى !!!!
يعنى انت رأيك ايه ؟؟
اجيب ولا لا ؟؟
هعرف افك الشفره ؟
وهلاقى قطع غيار و كده ؟

انا رايي فيه اختيارات احلى منه بكتير
ولو انت عايز صينى انزل شوف فى المحلات هتلاقى حاجات احلى وارخص كمان
وبالنسبه لفك الشفرة فا اعتقد ممكن يتفك شفرته بس انا ماجربتش افك شفره تليفونات صينى قبل كده فا اسأل فى اى محل قبل ما تشتريه
وبالنسبه لقطع الغيار مش كل حاجة هتلاقيها
الا لو حاجة معينه مشتركه مع النوكيا لكن مستحيل مثلا تلاقى الكيبورد بتاعته
عموما ربنا يوفقك وتجيب الحاجة الكويسه اللى تناسبك

**ahmedsameir** · 01-08-2010 01:51 AM

يا جماعه عرض موبينيل واضح
تليفون موبى شات Mobichat محدش جاب سيرة N72 خالص و ممكن تدخلوا على الويب و تقراءوا الاعلان كويس

لكل محبى الشات و الرسائل, رسائلك و مكالماتك مجانا طوال اليوم مع MobiChat
مع تليفون Mobichat و خط الــو احصل يوميا على 50 رسالة قصيرة مجانية للشات مع أصحابك و 30 دقيقة مجانية لاى رقم موبينيل في اى وقت طوال اليوم

سارع و قم بزيارة اى من مراكز بيع موبينيل و اشترى تليفون Mobichat مع خط الو برسائل و مكالمات مجانية كل يوم و في اى وقت.

الدقائق المجانية تضاف بعد إجراء 3 دقائق مدفوعة لاى رقم (باستثناء المكالمات للخدمات الصوتية و خدمة العملاء 110) و تضاف الرسائل المجانية بعد إرسالك رسالتين في اليوم علما بان الرسائل الدقائق المجانية تضاف مرة واحدة يوميا صالحة حتى منتصف ليل نفس اليوم. تضاف الرسائل و الدقائق المجانية يوميا لمدة سنة من تاريخ تشغيل الخط.

لمزيد من المعلومات اتصل ب 300 مجانا من تليفونك المحمول.

أسعار الدقائق و الرسائل من Mobichat

سعر أي من الدقائق المدفوعة لأي رقم محمول أو أرضى في مصر 0.19 جينه

سعر الرسائل القصيرة لأي محمول داخل مصر بعد الرسائل المجانية 0.29 جينه