على رأي اخونا العضو Ahmed Nouh
نعمل مقابلة المنتدى الجاية في عمارة رشدي
كلى التعبان ...
فى الصاعقة بيأكلوه ... مش يمكن طعموا يطلع حلو هههههههه ...
بس التعابين شكلها حلو انا بحبها ههه
بمناسبة موضوع عمارة رشدي دي
فكرتني بقصة متشابهة حصلت مع صاحبي شخصيا وهو ساكن في شارع البحر الأعظم - الجيزة. الناس اللي ساكنين في الشقة اللي جنبه مسافرين ، فمرة وهو راجع من الكلية هو وصاحبه راح رانن الجرس (عادي بيهزر) ردت عليه واحدة بتقول مين!!!! اتخض خضة هو وصاحبه ودخلوا شقتهم. قالوا يمكن حرامية... رجعوا تاني قعدوا يخبطوا يخبطوا مالقيوش حاجة. أصحاب الشقة لما جم من السفر ماشتكوش من أي حاجة مسروقة ولا بتاع.
نفس الكلام في الشقة اللي فوق صاحبي ده ، بيسمع أصوات دربكة في الشقة .... قلت له مش يمكن حرامية ، قال صحابها برضه جم عادي وأجروها لناس تانية وماشتكوش من أي مسروقات...
حاجة ترعب فعلا
كدة مش عفريت
خايفة من أيه ؟
بتخافي من الفران ؟
هاتي القطة وهي لو حست بحاجة زي تعبان هتجري عليها جامد وممكن تموته وعلي الأقل هتعرفي من حركتها
لما مامتك تيجي أوعي تحسسيها انك خايفة
قوليلها انها حاجة عادية
ده حتي جارنا اللي فوق لسة رامي واحد
عادي يعني
هي هتطمن لما تشوفك متطمنه
ولو خلاص قفلت
لازم تجيبوا ناس من بتوع طاردي الحشرات والزواحف
وبعدين في برنامج كدة بيطلع صوت من الكمبيوتر بيطرف الفران وكل الكائنات ده
هدورلك عليه
في واحد صاحبي عنده ومن ساعة ما جابه مفيش فار هوب ناحيتهم
معلش أكيد لحظات صعبة
بلاش تبقي علي أعصابك و كل صوت أو حركة تتفزعي
ده خطر عليكي
معلشاقتباس:
معلهش يا دكتورة
احنا منعرفش فصيلته ولا جاي منين
جاي لوحده ولا حد مثلا من الجيران مربيهم وجايبهم من بره
ثعابين من نوع vipers ولا venomenous
كان عندك حق لما قلتي الجن اهون
هو مين اللي بياخد المصل
أحنا ولا الثعبان ؟
بلاش :B4_556:
انا بسأل بجد :ma(30):
طب يا جماعة انا عندي برص في الشقة ومش عارف اطلعه ومش عارف اصلا هو لسا موجود ولا لا
اانا شوفته من يومين في الصالة وبعد كده اختفي مشفتوش من ساعتها !!!!!!!!
مش عارف بقي هو لسا موجود ولا لا وعايز اعرف ازاي امنعه انه يدخل الشقة لان في جنينة قريبة من البيت ومليانة ابراص !!!!!!!!
عادي يعني؟؟؟:b4_564::b4_564::b4_564::b4_564:
عادي ازاي ... فكرتني بسمير غانم لما قال لشيرين الصوريصار دا طالع يستكشف وراجع تاااااني
علي فكرة انا افتكرت حاجة مهمة
احنا عندنا فلعمارة اسانسير مش مستخدم ومقفول فكل الادوار وكل مبص عليه بحس انه عقر زبالة وشكله مقبض
بس الاسانسير دا فأول الدور وشقتنا فآخر الكوريدور يعني بعيد عنه بتاع 10 متر مثلا..
دة الموضوع كبر اوي ي ي ي ي ي و احلو اوي ي ي ي ي ي
الجيران كمان عندهم تعبان !!! اكيد في حاجة في العمارة او جنب العمارة
لازم تشوفو بيجيو منيين ؟؟
ربنا يسترها معاكو
.
و تتوالى الأسئلة عن طريقة للقضاء على البرص.........أما من مجيب ؟؟؟؟
معلش لصاحبة الموضوع......هما الأتنين زواحف برضه :)
ههههههههه
هي وشطارتها بقي :)
هههههههههههه
كفائة:verygood:
خلاص
أعتقد كدة هو و مراته خلعوا
الا لو في عيال
أتطمني
لو في واحد كمان ظهر .... كدة خلاص يبقي في عيلة كاملة في العمارة
وهتلاقوا بقيت الأفراد في باقي الشقق
و أحتمال تكون الجريمة حدثت في بير الأسانسير
وممكن يبقي في تعابين لسة موجودة فيه
أتصلوا بالبوليس
الحلتيت
مليش دعوة هو أسمه كدة
هتلاقيه عند العطار
و ده شوية حاجات عنه
الحلتيت
هتحطه في الأماكن المشبوهه
شبابيك وبيبان
وورا التلاجة يا نوبي :)
ربنا معاكوا
انا أعرف انه بيحب الملح
أبقوا بصوا جواه :)
الشيح
بتجيبوا شيح من عند العطار
شيح عادى مش باكتات
يتحط فى شاش
يتعلق عند الشبابيك
التعابين
انصحك بانك تشوقى رفاعى فعلا
لان التعابين معروف ان ليها وليفة
صاحبة يعنى - انا مالى هما اللى كدة -
ولو مات واحد منهم التانى بينتقم له
ممكن يبخ السم فى اكل مكشوف او حاجة زى كدة
فلازم تغطى الاكل كويس
وتقفلى ادراج المطبخ
وتحطى شيح كتير
نبص جوا مين
وايه البحتيت ده نغليه ولا نشويه ولا احسن نعمله حجاب ونعلقه في رقبه البرص علشان ميحصلهوش حاجه
ياسيدي الف شكر ولاكن الحلتيت بتاعك ده اجراء وقائي يعني تحطه في البيت علشان البرص ميدخلش انما لما يدخل نعمل ايه للقضاء عليه
اكثر وسيله فعاله وبتجيب نتيجه اعرفها بس مش بقدر انفذها علشان بقرف
بيرسول ومكنسه
سم التعابين له كذا نوع والصحيح انه ميتقالش عليه سم اسمه venom
هو معمول من neurotoxins & hemotoxins
يعني سموم للأعصاب وسموم للدم
neurotoxins : سموم الاعصاب تؤدي الى حدوث شلل في الاطراف
hemotoxins : سموم الدم تؤدي الى تكسير بخلايا الدم الحمرا
طبعا المصل عبارة عن مضادات مناعية بتكسر السم قبل حدوث الضرر
فيه كمان مضادات مناعية لسم العقارب اللي بيقتل عن طريق تسميم عضلة القلب
والمفروض في الجيش كل واحد بيكون معاه حقنتين واحدة للثعابين والثانية للعقارب
ربنا يستر على اختنا ice
احلي حل هو الشبشب
لسه لاقيه واحد من 4 ايام و انا ماشيه رايحه المطبخ لقيت حاجه بتجري تحت رجلي
طبعا اتسرعت و كان هيغمي عليا
بس قلت لو ما عملتش حاجه هيفضل موجود و انا اللي هسيب له الشقه
و في لمح البصر قلعت الشبشب و هاتك يا ضرب و ابن الذين يجري و انا اجري وراه و كذا مره كان هيدخل ورا مكتبه الليفنج , بس علي مين يانا يا هو
لحد ما موته و جبت حوالي 15 منديل و شلته بهم و رميته في الزباله و طلعتها بره الشقه و طبعا اليوم دا ماعرفتش اكل اي شئ من القرف
بس هعمل ايه مانا لازم اموته يا ما اسيب له الشقه
التاريخ حيسجل حضرتك بحروف من نور :36_1_1[1]::ask:
امال كل البنات اللي شفتهم بيخافوا ليه ؟؟؟؟
واحدة صاحبة اختي مرة صرصار كان في الحمام
قعدت 4 ايام عندها امساك واتصلت باختي عشان تيجي تموت لها الصرصار (لانها كانت قاعدة لوحدة)
اختي اكتشفت ان صاحبتها بقالها 4 ايام مدخلتش الحمام وقربت تدخل في تسمم وكانت بتستحمى في المطبخ
اختي دخلت الحمام لقت الصرصار مقلوب على ظهره في البانيو وميت
غالبا مات مشلول
بص جوا الملح
متعرفش البحتيت
لاااااااااا
بجد مش عارفه ؟ :POINTIy2[2]:
لو كنت قريت اللينك كنت عرفت انه هيهج من المكان اللي فيه البحتيت
ومبيتغليش ولا حاجة
ده صمغ ريحته وحشة
البرص بيتقرف من الريحة ده فبيبعد بعيد عن التلاجة :)
أيوة كدة نورتني :)
بس معلش
هي كلمة واحدة هتعدل الكلام عندي لحسان من غيرها مش عارف أرتاح
المصل ده بتحقن بيه الفاعل ولا المفعول ؟
انا ولا التعبان ؟
كلامك للأسف مش موضح الحته ده
يعني انا لو أديت الحقنة للتعبان هكسر السم عنده ولا لما أتسمم أخد المصل ويتكسر السم عندي ؟
معلش أصلي كنت حمار في الأحياء
أخري كنت أعرف ان في حاجة أسمها أنقسام ميوزي و ميتوزي
كنت بكره الأحياء :)
يعععععععععععععععععععععععع يع يع يع يع
اي يابنتي الللي عملتيه دا
البرص دا منظره مقزز ومقرف ومستحيل افكر اقتله ممكن اجري وراه واحبسه فحاجة او اطلعه برا الشقة انما اقتله
يع يع يع يعععععععع
يفندم انا فلبيت حاليا بس منورة كل الانوار مش عاوزة اقولك ان من ساعة النور قطع بقيت قاعدة فنص الشقة ومنورة الكشاف ومقعدة كوكي جنبي عشان ياخد باله من اي حاجة معدية
حمد لله عالسلامة
خير ان شاء الله و هيه فترة قلق و تعدي
و ارجو انك تكوني هديتي دلوقتي, و ياريت تكلمي اخوكي يرجع البيت لأنة ماينفعش تقعدي كدة لوحدك و مش حاتعرفي تنامي بالليل و لا حاتقدري تخشي سرير اصلا (ممكن تفتشي السرير كويس و تتأكدي من تحت الفرش و المرتبة و بعدين تبعدي السرير لقدام شوية عن الحائط و لو للسرير رجلين يبقى ممتاز جدا تحطي طبق غويط تحت كل رجل و تحطي في كل طبق نص كباية جاز و نااااااااااامي و انتي متــــطــــمــــــنـــــه ) و حطي فوطة مبلولة بشوية مية و جاز تحت عقب باب الاوضة
و كمان اقفلي التواليت و البلاعه و اقفلي باب الحمام على اساس انة يمكن بيعوم في مواسير الصرف و يطلع من التواليت او البلاعه, و بلاش تفكري في الحكاية دي لما تدخلي الحمام, بس لازم الحرص من كل الاحتمالات
المهم بعتي حد قلب البيت و شال المراتب و السجاجيد و الانترية كأنة حملة تنضيف كبيرة و اتطمنتوا ان البيت تمام و مافيش حاجة تاني ؟؟؟
بالذات لو انتوا في دور واطي و البيت بجنينة
عاوز اسألك حاجة بقى ممكن امبارح حالتك مكانتش تسمح بسؤال
اوصفيلي التعبان من حيث اللون و الطول تقريبياً و السمك و حجم الرأس
ملش انا عارف انك نفسك ماتفتكريش شكلة اصلا
بس قولي بنحاول نساعد
التعبان اللي كان هنا فبيتنا مشفتهوش لاني مكنتش هنا ومشافوش غير اخويا والبواب
لكن التعبان اللي كان عند الجيران كان لونه اسود.. ومبطط مش مدور تحس ان عدت عليه عربيه كدا
وطوله حوالي 10 سم وكان ملفوف علي نفسه بس مش كبير اوي
ربنا يطمنا عليكى يا دكتوره أيس
بس أنا عايز أقول لحضرتك معلومه
الزواحف الى زى الثعابين متزحفش على السيراميك ( مفيش شك أن البيت عندكم معظمه أو كلو سيراميك )
وبكده غالبا لازم يكون حاجه جبتو من بره ودخلتو لحد الحمام (قطه مثلا)
أن شاء الله ربنا يطمنك ويطلع الموضوع أنتها لحد كده
على فكره أنا مره موتت سحليه وهيا دى الجديده فى حياتى ( أبراص وفران دا العادى )
أنما السحليه دى عاوزه شغل وتخطيط أصلها مبتبنش الا لناس معينين (دمهم زفر )
ودى عباره معروفه لكل العالم الى بتشتغل فى مجال الزواحف والهوام
وأخيرا حاولى جديا تحطى صور ووصف للمرحومين الى أنتو خلصتو عليهم
عـــــــــــــــشــــــــ ــــــــــــــــرة ســـــــــــــــــــــنــ ــــــــــــــــــتــــــ ـــــــــــي بـــــــــــــــــــــــس
يا بنتي انتي بتقولي كبير انا قلت اصلة او اناكوندا هههههههههههه
طيب بصي دة يا دودة ارض يا تعبان حفار (و صغير وليد كمان) و دة غير سام و لا بيعض و لا بيعمل حاجة, حتى حاتلاقي راسة صغيرة قوي قد حباية الفول يعني لا بق و لا انياب و لا حاجه دة غلباااااان قويييييييي
ولو ان الحفاراللي انا شفتهم كلهم يبيبقى لونة فاتح بيج او لون الرمل او مرقط
بس عامه انت كدة ماتقلقيش خاااااااالص دة لا بيعض و لا سام و ياما مسكناة في الجيش و كان اكبر من 25 ل 30 سنتي كمان
دة اليف جدا
و انا موافق استاذ حمادة في الرأي ان القطة اصطادتة/ اصطادتها و جابتة/جابتها معاها و حطتة/حطتها في صندوق الرمل بتاعها مثلا
دة على اساس انها دودة او تعبان
هي وصلت لكده
طيب
انا ححكيلكم بقي حكايتي مع الزمان
قصدي حكايتي مع الفيران
زمان
كان عندي بندقيه رش وكانت بصحتها
وانا كنت الحمد لله كويس في النشان ولحد دلوقتي
عندنا بلكونه في اخر الشقه هي المتنفس الوحيد وسبب دخول الهوا للبيت ومن غيرها في الصيف نموت
فمره دخل فار
من حوالي 15 سنه
وانا قاعد في الصاله لقيته دخل علي اوضتي
وانا اوضتي لو دخل فيها تمساح كايمان ومحدش حيعرف يلاقيه من كتر الحاجات اللي فيها
المهم امي دخلت نامت وقفلت علي نفسها
واختي نفس الموضوع
وانا قعدت استنيته يطلع والبندقيه في ايدي ورقبتي ملووحه مستنيه
الكلام ده كان الساعه 11
المهم طلع الساعه 2 جيت اضربه لقيت الاضاه ضعيفه وانا مش شايف فمجاتش فيه وجري دخل الكهف بتاعي تاني
طلع تاني الساعه 5 الصبح كنت نورت نور الطرقه والحمام
ضربته مات روحت راميه
------------------------------------------------------
يمر الزمن بقي والبنادق تبوظ
ومن ستنين تقريبا كنت خالع الفاط بتاع المطبخ علي امل اني حنضفه وسادد مكانه بكرتونه نتيجه وحاططلها مسامير كتير
طبعا انا خالعه من سنتين تانين ولا اتنضف ولا اتنيل ولا حتي هزيت طولي واشتريت غيره
ما علينا
في مره قاعد انا وامي وسمعنا حاجه بتخروش في المطبخ
فتحت الور لقيته واقف بيبصلي من فوق البترينه
روحت قافل عليا وعليه الباب واستمرت المعركه حوالي نص ساعه
استعملت فيها سكينه مخصصه لقتل الديناصورات
وفي اخر المعركه زنقته ورا فترينه كبييييييييييييييييره لما كتفي اتخلع
وروحت مخلي امي تملا حله ميه سخنه من السخان وحطيت سيخ علي النار وانا زانقه ورا الفترينه ومش شايفه
وروحت دالق فوقه الميه السخنه لحد ما سلقته
وجسيت نبضه بالسيخ المحمر من النار
وطلع جثه هامده
فرميته والحياه بقت قشطه وطلعت اتفرج علي التليفزيون وماما نامت
شويه ولقيت واحد تاني بيجري من قدامي
ولما جيت اجري وراه دخل المطبخ وكنت تعبت والوقت اتاخر
فدخلت نمت
وتاني يوم بالليل كملت المعركه وانتهت بقتله بالسكينه طعنا حتي الموت
هي السكينه طولها حوالي 50 سنتي والفار طوله بتاع 15 سنتي من غير الديل
واقمنا الافراح ونضفنا المطبخ من اثار العدوان واثار الفيران
والحياه بقت زي الفل وروحنا عند اختي وسيبت ماما هناك تبات عندهم
ورجعت علي البيت
داخل المطبخ لقيت واحد كمان
قولتله الله يخربيتك هي قبيله عندنا ولا ايه
روحت حاطط الحله علي النار (ما انا بقيت خبره بقي)
وقولتله استني علي ما ارجعلك
فجيبت باقي العده
بس ده ما اخدش وقت علشان انا بقيت معتاد الاجرام ومتمرس
يا دوب بعد ساعه كده
نزل تحت البوتاجاز وكانت الميه غليت
روحت مديله دفعه طلع يجري
مسلوق مشعث الشعر مبعثر الكرامه
فطعنته طعنه نجلاء لو اصابت ليث لجندلته
وكنت مثل عنتره العبسي في حومه الوغي
ايه الي انا بقوله ده
المهم مات الفار
ورجع الامن والامان للبيت من تاني
وطبعا البيت كله اتنضف علشان الفيران بتعمل بيبي(زي الناس) كتييييييييييير في كل حته (زي الفيران)
ومن اول يوم وانا عرفت انهم دخلوا من فتحه الشفاط وسديتها كويس قبل المعارك
واشترينا شفاط جديد وعيشنا في تبات ونبات واكلنا زغاليل وزغلولات
هونت ليه محسسني انها دودة في اكل بايظ
10 سنتي بس؟؟؟ انت مستصغرهم؟؟ بقلك انا بخاف ملدود..يطلعلي تعبانه
سمايل واحد بيعيييييييييييييييط
وبعدين داللي كان عند الجيران انما اللي هنا اخويا بيقول كان اكبر من دا بكتير
وهونا هستني لسسسسسسسسسسه لما يطلعله انياااااااااااب..........
انا الحمدلله اني مليش جيش عشان وحيدة
استاذ حماده هو فعلا مكان غريب لانه سيراميك وكمان بارد مش دافي بس القط مكنش موجود فلشقة وقتها
انا متابع الردود من الاول وكل شوية الاقي الموضوع بيزيد صفحه زياده.. اخيراااا وصلت لأخر صفحه اهو :36_1_1[1]:
اولا ربنا يحفظك يا ايس من التعابين والابراص والبلاوي الزرقه دي. وعجبني قوي ان الموضوع قلب من ثعبان لجن وعفاريت وعمارة رشدي
يا جدعان حرام عليكم انا قاعد في الشقه لوحدي وبعد لما دخلت على موضوع عمارة رشدي وحاسس اني بسمع اصوات بره في الشقه :fdsa:
بخصوص الابراص والي بيخافوا منهم. يا جدعان دول سوووو كيوت :36_1_1[1]:
لسه مموت واحد الاسبوع الي فات , دخل الحمام وانا قمت داخل وراه ورحت قافل الباب وقولت يانا انت :3mla:
واخدت الريد وارشه عشان يطلع من مخبأه واقوم ضاربه بالمقشه بعدها. ابن اللذينه لئيم قوي بيخلع ديله عشان يخدعني ويهرب !! بجد سبحان الله
كنت سمعت ان الي يقتل البرص من اول ضربه ليه 100 حسنه ! وبتقل الحسنات بعدد الضربات لغاية لما يموت.
انا فضلت اضرب فيه كتير فيين وفييين لما مات. متهيألي كده عليا حسنات بالسالب :C_laugh[1]:
ماتخافيش بس و حضري نفسك كويس و خللي البواب يبعت مراتة تنضف الشقة و تفتش فيها و تجيب جركن جاز معاها
الجاز (معلش استحملي ريحته) هو طارد مثالي للحشرات و الزواحف
اقري تاني الرد اللي فات بتاعي علشان انا عدلتة كذا مرة و زودت فية
و كلمي اخوكي ييجي البيت علشان انتي كدة حاتباتي في قلق و رعب لوحدك كلمية و قوليلة عمو أدهم بيقولك عيب كدة دي مش تصرفات رجالة تسيب اختك في البيت لوحدها مع ال......... و ال......