نيسان صنى 2008/اوبترا 2009

السلام عليكم
اتمنى ان الجميع يكون فى تمام الصحة والعافية

اخشن على طول فى الموضوع

انا قدامى دلوقتى عربيتين وهما
نيسان صنى 2008 سودا ومطلوب فيها 73 الف كاملة اوتوماتيك فبريكة بره وجوة بس طبعا لانها سودا فباين فيها الاختام المصرية المعروفة اللى هى الخرابيش وطبعا حكات الاكصدامات بتاعت الركن
وشيفروليه اوبترا 2009 ذهبى ومطلوب فيها 77500 فبريكة بالكامل وعاملة 36 الف كيلو وبالضمان فول اوبشن اوتوماتيك بس الزجاج الامامى فيه شرخ
وطبعا فيها برده الخربيش بتاعت الركن اللى على الاكصدامات .
وفيها خبطة فى الرفرف اليمين اللى قدام بس مش باينة اوى ومش متحربشة مخبوطة وهى داخلة المعرض
بس الاوبترا شكلها زيرووو تمام

فياريت يا جماعة ولكم الثواب تقلولى ايه افضل ولكم الثواب ان شاء الله

اتوكل على الله واشترى النيسان ------------- على الاقل النيسان يابانى وفى الاول والاخر هى رغبتك انت

نيسان بالتاكيد بس اكشف عليها كويس في التوكيل وحاول تهز السعر شويه الف او الفين

السلام عليكم
حبيب قلبى
مين يشهد للعروسه ؟؟؟؟؟؟؟؟؟؟؟
بس بجد لما تقارن النيسان باللأوبترا النيسان تتفوق فى امور كثيره اهمها اعتمادية اليابانى وعراقة المنشأ وخدمة مابعد البيع
استخير ربنا وربنا يهدينا ويهديك للى فيه الخير
ومبروك مقدما وربنا يبارك ليك فى الى انتا هاتشتريه
وبالله عليك ابقى طمنا عليك

نسيان صنى اكيد

اداء
اعتمادية
توكيل
توافر قطع غيار خارج التوكيل
سعر اعادة البيع
شكل

كل دة لصالح الصنى

ارشحلك الصنى
عربيه يابانيه
قويه
اعتماديه
مش هتكسفك ابداً

الصنى طبعا

خش علي النيسان علي طول و طبعا اكيد لسة في الضمان بس اتاكد برده عشان لما تشتريها و تلاقي فيها حاجه .. الضمان هيكون معاك لغاية لما تبقي 100%
ربنا يوفقك
اذيك يا استاذ ابوعز انت فينك من زمان انا مبسوط اني شوفتك هنا تاني في القسم

طيب وإيه رأيك فى دى
صديق يبيع نيسان 2009 الشكل الجديد سوداء
ex salon + abs
أوتوماتيك
الحالة زيرو بكل ما تحمل الكلمة من معانى
الكيلومتر 4000 كم فقط ( الرقم صحيح )
البوية فابريقة بالكامل
سبب البيع والله العظيم السفر
السعر المطلوب : نهائى 82
مكان المعاينة : مش محتاجه معاينه لكن عموما اسكندريه وقصدى بكده إن اللى يعجبة الكلام ده يجيب فلوسه وييجى ياخد العربية وبكل أمانه مفيش كلمه واحده غلط
ت 0125194329

انا الحمد لله خلاص اشتريت لانسر 2007 وربنا يباركلى فيها دفعت عربون النهارده وهنستلم بكرة ان شاء الله
ادعولى تكون خير عليا وربنا يطرحلى فيها البركة لانها اول عربية اشتريها
وبجد الف شكر على اهتمامك وردودكم

اقتباس:

---

المشاركة الأصلية كتبت بواسطة eng_audi2002

انا الحمد لله خلاص اشتريت لانسر 2007 وربنا يباركلى فيها دفعت عربون النهارده وهنستلم بكرة ان شاء الله
ادعولى تكون خير عليا وربنا يطرحلى فيها البركة لانها اول عربية اشتريها
وبجد الف شكر على اهتمامك وردودكم

---

ربنا يباركلك فيها وان شاء الله لما تستلمها تعملها تشيك فى التوكيل وتشوف لو فية حاجة محتاجة تتغير من التوالف زى الكاوتش او تيل الفرامل او بطارية اوالحاجات المستهلكة غيرها على طول وان شاء الله العربية تحققلك كل الى عاوزة منها

ونصيحة منى واظب على صيانتها على طول فى التوكيل حتى بعد ما تخلص الضمان او كدة وماتقولش التوكيل غالى ومش عارف اية ____ لانك كل جنية بتدفعة زيادة فى التوكيل بيزود فى العمر الافتراضى للعربية


وربنا يديك خيرها ويبعد عنك شرها

اقتباس:

---

المشاركة الأصلية كتبت بواسطة eng_audi2002

انا الحمد لله خلاص اشتريت لانسر 2007 وربنا يباركلى فيها دفعت عربون النهارده وهنستلم بكرة ان شاء الله
ادعولى تكون خير عليا وربنا يطرحلى فيها البركة لانها اول عربية اشتريها
وبجد الف شكر على اهتمامك وردودكم

---

الف الف مبروك يا جميل بس مش معني كده انك متجيش قسم نيسان ... احنا هنستني مشاركاتك

الله يبارك فيكم يا جماعة وان شاء الله هنبقى معاكم فى منتدى النيسان

نيســـــــــان انا معايا نوبيرا 2001 وصديقى اشترى اوبترا لما جرتها معاه حسيت ان انا راكب علابيتى لان الموتور نفسه وعلى فكرة ان شاء الله هأشترى نيسان صنى لأخويا آخر رمضان