Danger ! و العرفيت الي في عربيتي و سبب عدم وجودي معاكم في المقابلة !

السلام عليكم

نوع السيارة : Fiat Palio 2006 - 1300 Fire
اولا انا عارف ان اسف اني مجتش انهاردة .. لو اني كنت جاي فعلا لولا العفريت الي ركب في العربية !

امبارح وانا راجع من الاوتوتستراد قبل النادي الاهلي بشوية .
كنت ماشي على 80 - 90 تقريبا .

وفجاءة لقيت صوت " ســــــــــــارينة " عــــــــــــالي جدا من تابلوه السيارة !
ومكتوب في كومبيوتر الرحلات " Danger : High Temp. "
بصيت علي عداد الحرارة لقيته " متقفل " و لمبته منورة احمر !

طبعا اترعبت !!!
هديت شوية شوية و ركنت علي جنب .. . و فضل المؤشر زي ماهو ...
قفلت السيارة خالص و سيبتها شوية ... شغلت تاني
وقف في النصف ( و ده الطبيعي بتاعه ) .
اول مجيت امشي .. مفيش 40 - 45 .. ابتدا يعلي و يوطي ... يوصل قبل الاخر بشوية و يرجع تاني ...
وصلت 80 - 85 ... وصل تاني للاحمر !
وقفت علي جنب تاني
استنين 15 دقيقة ... و فتحت الكبوت ... ملقتش اثار لأي دخان او رائحة او حاجةبصيط صعلي الردياتير ( علما بان المروحة لقيتها شغالة ) .
لقيته ملين علي شرطة الماكس بالظبط و انا دائما بزوده " بماء الرداياتير الخاص " مش بماء عادي .
المهم . دورت تاني و مشيت ... و حرقت لحد 160 ! و معليش ...
بعدها ب 5 دقائق كان في حادثة فظيعة ( ياريس مقلوبة ) .
المهم .. و قفت في الزحمة !
لقيت المؤشر بيلعب !
اتنزرفت .. روحت البيت نمت ..
وقلت الصباح رباح

صحيت انهاردة قبل الصلاة .. قلت اجي علي " امير و جوزيف " علشان الحق اصلحها و الحق المقابلة
رحتلهم .. بعد تجارب فظيعة ! ملقوش اي عيب خالص و السيارة مسختش خالص !
مشيت من عندهم .. طلعت علي صلاح سالم و رايح الازهر بارك ...
لقيت المؤشر علي علي HIGH تاني و نور احمر ..
كلمت بتاع الصيانة قالي ارجع تاني علطول
فحص العربية
قلي الكومبيوتر بتاعها في حاجة غلط و حنحاول نعمله RESET .
عمل Reset و العربية قرت كل القرايات صح ..
مشيت من عنده .. طلعت تاني علي صلاح سالم ...

تفاديت واحد زكي جدا بيعدي شايل كرسي في وسط صلاح سالم !
لقيت واحد مهدي بعده علطول ... رحت ضارب فرامل علي الاخر
وقفت قبل ملمسه الحمد الله بس بعد سماع صوت " صريخ " من الفرامل .
مشيت شوية .. لقيت العداد ابتدى يلعب تاني !
بصراحة ... اتخنقت ! و طلعت و لفيت علي البيت !
وانا بركن لقيت الكومبتر كاتبلي " Airbags Faliure "
وانا معنديش اصلا ِAIRBAAAAAAAAAGS !!!

lمش عارف اروح التوكيل و لا ايه بقى بكره ! ربنا يستر !

هههههههههههههههههههههه معلش يا كريم الحته بتاعت الإيرباج دي هي اللي ضحكتني بصراحه

ربنا يكون في عونك بس أنا أعتقد إن مفيش أي مشاكل في العربية وإن المشكله في الكومبيوتر بدأ يهنج .

ملحوظه ( بجد يا كيمو مش هزار العربية بتتأثر بنفسية صاحبها ومشاعره ناحيتها وأنا شايف إن عربيتك ديه إنت راكبها وإنت مكره عليها فأكيد هي كمان مش هتريحك ) :d:d:d

لا حول ولا قوة الا بالله، معلش يا كريم كان نفسنا نشوفك بس تتعوضقريب ان شاء الله.
انت لسة في الضمان صح؟؟ لو كدة اطلع على التوكيل لان الكنترول يونت كدة هيست
وبتدي قرايات غلط، لو مؤشر الحرارة متقفل والمية زيما هي مش ناقصة والمروحة
شغالة يبقى القراية غلط. والاير باج جابتة منين؟!!

عليك وعلى اوماترا لان كدة المنترول يونت خرفت وربنا يكون فعونك.

العفريت الطالياني اشتغل يا جدعااان:)

معلش يا كريم...صدقني كان نفسي أشوفك انهاردة....انا لو منك ...كفاية علي العربية دي...انت عانيت بما فيه الكفاية....و ربنا يصبرك:)

معلش.. قدر الله و ما شاء فعل.. و زي ما بيقولوا اللقا نصيب :)

بس الحق شوف موضوع الاير باج ده احسن يشيلوا العدة :D

أنا رأيى مادام مشكلة فى الكمبيوتر يبقى التوكيل أفضل من بره حتى لو كانوا متخصصين وكده كده انت فى الضمان

اقتباس:

---

المشاركة الأصلية كتبت بواسطة إسلام شاهين

هههههههههههههههههههههه معلش يا كريم الحته بتاعت الإيرباج دي هي اللي ضحكتني بصراحه

ربنا يكون في عونك بس أنا أعتقد إن مفيش أي مشاكل في العربية وإن المشكله في الكومبيوتر بدأ يهنج .

ملحوظه ( بجد يا كيمو مش هزار العربية بتتأثر بنفسية صاحبها ومشاعره ناحيتها وأنا شايف إن عربيتك ديه إنت راكبها وإنت مكره عليها فأكيد هي كمان مش هتريحك ) :d:d:d

---

انا نفسي بضحك كل مفتكر
انا بعتذرلك والله يا اسلام كان نفسي اسلم عليك انهاردة بس اديك شايف

انا مش كارها و لا حاجة والله انا بحبها جدا .. خصوصا انها اول سيارة شخصية لية ! و انا الي دافع تمنها مش اهلي جايبناهلي ! بس المشكلة ان قطع غيارها غالية جدا .. و انا ابتديت فعلا اكرها !

اقتباس:

---

المشاركة الأصلية كتبت بواسطة Nader

لا حول ولا قوة الا بالله، معلش يا كريم كان نفسنا نشوفك بس تتعوضقريب ان شاء الله.
انت لسة في الضمان صح؟؟ لو كدة اطلع على التوكيل لان الكنترول يونت كدة هيست
وبتدي قرايات غلط، لو مؤشر الحرارة متقفل والمية زيما هي مش ناقصة والمروحة
شغالة يبقى القراية غلط. والاير باج جابتة منين؟!!
عليك وعلى اوماترا لان كدة المنترول يونت خرفت وربنا يكون فعونك.

---

انا حاسس ان الكومبيوتر كان سليم و بتوع امير و جوزيف دول ( مركز صيانة معتمد ) هما الي خربوا فيه حاجة .

اقتباس:

---

المشاركة الأصلية كتبت بواسطة NaderNabil

العفريت الطالياني اشتغل يا جدعااان:)

معلش يا كريم...صدقني كان نفسي أشوفك انهاردة....انا لو منك ...كفاية علي العربية دي...انت عانيت بما فيه الكفاية....و ربنا يصبرك:)

---

والله انا نفسي بس بحبها مش عارف ليه !
يعني كل مفكر ابيعها او اغير والله بزعل :)
الغريب ان اعلان فيات بتاعها بيقولك " Those who drive them , Love them
اوكي انا بحبك ! بس كفاية بقى قرف !
والمشكلة اني دي اول سيارة لية فانا خايف اكون انا الي عملت فيها كدة مش العكس :)
ده غير انها بالتقسيط بس ممكن ابيعها معلهاش حظر بس حتجيب كام ؟
و حجيب بدلها ايه ؟؟

اقتباس:

---

المشاركة الأصلية كتبت بواسطة OlaOsman

معلش.. قدر الله و ما شاء فعل.. و زي ما بيقولوا اللقا نصيب :)

بس الحق شوف موضوع الاير باج ده احسن يشيلوا العدة :D

---

lol >> انا فرحت والله قلت ركبولي Airbags و لا حاجة 1! :)

اقتباس:

---

المشاركة الأصلية كتبت بواسطة sherif_84

أنا رأيى مادام مشكلة فى الكمبيوتر يبقى التوكيل أفضل من بره حتى لو كانوا متخصصين وكده كده انت فى الضمان

---

ان شاء الله اروحلهم بكرة بس ربنا يستر !

----------------------------------------
شكرا علي الردود السريعة
في حاجة في دماغي بس يا جماعة
انا مركب فلتر هواء رياضي ( سيموتا ) من غير الانبوب الخاص بيه ( في الخرطوم الكاوتش بتاع الفلتر الاصلي ) كان في كذا حد و منهم الاستاذ Mmadouh قالي انه كدة انا بدخل هواء ساخن للموتور
و انا مركب الفلتر ده من تقريبا ال 20 الف كم ! هي حاليا عامل 33 الف .

ممكن ده يكون سبب ؟
انا حاسس ان الكومبيوتر كان سليم و بتوع امير و جوزيف دول ( مركز صيانة معتمد ) هما الي خربوا فيه حاجة .
انا حاسس ان الكومبيوتر كان سليم و بتوع امير و جوزيف دول ( مركز صيانة معتمد ) هما الي خربوا افيه حاجة .

الف سلامه علي العربيه يا كريم.
اطلع بكره علي التوكيل انا من اول ما قريت و قولت دا مش عيب سخونيه او حاجه دا الكمبيوتر هنج ممكن يكون ليهم حل فيه.
ولا اقولك اطلع علي اللي انت صلحت عنده الاول شوفه حيقولك ايه .يمكن يكون حاجه بسيطه او سلك اتحرك من مكانه لما ضربت فرامل .
...................
قاعد بس تقولي ارجيله و نجيله و في الاخر العربيه عملت الدنيئه :)

اقتباس:

---

المشاركة الأصلية كتبت بواسطة hazem_khidr

الف سلامه علي العربيه يا كريم.
اطلع بكره علي التوكيل انا من اول ما قريت و قولت دا مش عيب سخونيه او حاجه دا الكمبيوتر هنج ممكن يكون ليهم حل فيه.
ولا اقولك اطلع علي اللي انت صلحت عنده الاول شوفه حيقولك ايه .يمكن يكون حاجه بسيطه او سلك اتحرك من مكانه لما ضربت فرامل .
...................
قاعد بس تقولي ارجيله و نجيله و في الاخر العربيه عملت الدنيئه :)

---

حاجة تقرف والله :) معلش يا حازم

انا مش فاهم حاجه
ربنا يكون عونك وخليك مع التوكيل يمكن يأدرو يحلو المشكله دى

الله يكون فى عونك يا كريم - وأن شاء الله تبقى سليمة وحاجة بسيطة واهم حاجة سلامتك لينا
شوفت بقى الصينى يكسب :d

:)
الموضوع بسيط يا كريم .. و مش محتاج توكيل و لا حاجة ..
ببساطة .. انت لما عينك زاغت علي الصني بتاعة صاحبك .. عربيتك شمت خبر .. و حلفت .. و الله ما انا مورياه يوم حلو بعد النهاردة ..
ببساطة .. روح لصاحبك و هات عربيتك معاك .. و قف امام سيارته ..و قل : عربيتك دي معفنة .. و أقل فيوز في عربيتي برقبتها .
حتلاقيها اتبسطت و رجعت تاني زي الفل .
::::::::::
معلش يا كريم .. اصلي من ساعة ما قرات موضوع الايرباج و انا مقلوب علي ضهري من الضحك .
:p :p :p :p
::::
ربنا يعينك و تطلع حاجة بسيطة ان شاء الله .. و يباركلك فيها .

الله يكون في عونك يا استاذ كريم
بس صلحت العربيه ولا لسه

يا راجل دى مشكله بسيطه قوى ... فرمت ونزل ويندوز بس ماتنساش تعمل ..Backup

shoof 3al forums el agnabeya ezay te3mel reset lel ecu beta3ak we3melo enta

أفتقدناك يا كريم :) تتعوض المرة الجايه ان شاء الله بدون أى نكد من العربية! ان شاء الله يكون الموضوع بسيط و العربية تتعدل , قدر الله و ما شاء فعل ماحدش عارف الخير فين.

كريم باشا متقلقش
إن شاء الله الموضوع بسيط و التوكيل حيصلحه بإذن الله

بسيطة يا كيمو ان شاء الله
وغالبا مش من الفلتر عشان كان الكلام ده حصل من بدري
ده تهييس كنترول يونيت فعلا
نشوفك المرة الجاية على خير
الا صحيح
ركبت الاير باج بكام :p:p:p:p

اقتباس:

---

المشاركة الأصلية كتبت بواسطة karim_monir

بسيطة يا كيمو ان شاء الله
وغالبا مش من الفلتر عشان كان الكلام ده حصل من بدري
ده تهييس كنترول يونيت فعلا
نشوفك المرة الجاية على خير
الا صحيح
ركبت الاير باج بكام :p:p:p:p

---

بعشييييتالتلاف جنيه !

عامة باركولي !
صلحت الدنيا كلها !
التوكيل دول حمـــــــــــــــــــــــ ـــــــــــــــــــــــــ ـيـــــــــــــــــــــــ ــــــــر
( امير و جوزيف - مش التوكيل نفسه )

بعد محصل الي حصل و العربيو سخنت و طلع فعلا عيب في الكومبيوتر و اتعمله RESET فعلا .
العربية سخنت تاني زي منا قلت و مشكلة الairbags دي و كدةو كدة

تخيلوا ليه بقى ؟؟

- البيه الي في المركز الي كان بيزود ماء الرادياتير .. مقفلش غطاء الرادياتير صح , و النتيجة لبست مطب انا جنب البيت . الغطاء طار و نزل في اسفل العربية بس موقعش في الشارع علشان في تصفيح عندي تحت الموتور و الاجزاء الامامية ., بس مش فارقة مش حعرف اجيبه كدة كدة !
في بعد الحرق علي 90 - 120 الماء تبخر في ثواني و اكتشفت ان المنسوب وصل لتقريبا " صفر " !
اعدت ادور علي اي غطاء ينفع ملقتش مقاسه و امبارح كان الحد كله قافل ! في جيبت غطاء اكبر شوية و عملتله زي جلدة كدة علشان يقفل مؤقتا

- كلمت المهندس الي اعرفه في التوكيل و قلتله الي حصل بالنسبة للايبرباجز ده - قالي دول اغبياء ! سيارتي اول مانزلت كان فيه منها موديلين
موديل ب 69.000 ( ده بتاعي ) و موديل ب 73.000 وده فرقه ان نازل معاه 4 Airbags و فوجلايت و سبويلر .
انا كنت حاجز الي ب 73 بي قالولي حياخد بتاع شهر او اكتر فبصراحة مقدرتش استنى و خت التانية !

المهم الذكي ابن الذكية لما جاه يزبط او يعمل FLASH للكومبيوتر بتاع عربيتي حط الSoftware ( ان صح التعبير ) بتاع الموديل الاخر الELX بينما سيارتي موديل الHLX .

علشان كدة سنسور بتاع العربية شايف ان الايرباجز مش شغالة . وبينما اني اصلا مركب فوج فمقالش حاجة علي الفوج .

يعني غباء x غباء !

المهم انا بصراحة كنت خلاص بجد بفكر ابيعها . بس معرفش ليه امبارح طلعت مظلومة و صعبت عليا :)
فقررت اني ان شاء الله ححتفظ بيها علي الاقل لحد ماجيب شقة اولا علشان النيلة الجواز و بعيدن ابقى افكر اغير .
بس قررت برده بما انها حطول معايا يبفى لازم اصرف عليها شوية
وحبتدي من انهاردة ان شاء الله حصلح كل سم فيها من خدوش او اي شيء و ان ربنا سهلها الشهور القادمة
ححعدل شوية حاجات و جنوط و خلافه .

وياريت تدعولي اخلص ورق الموتور الجديد ( مفاجاءة :) )
فعلا انا اشتريت موتور جديد (عامل 3500 كم ) من سيارة باليو مشابهة من تركيا و ووصل الميناء ان شاء الله بس في اوراق و بلاوي زرقاء تتعمل مش حيطلع قبل شهرين تلاتة
الموتور هو فاير برده بص 1800 سي سي بيولد 141 حصان عند 5400 لفة . والمفروض انه في السيارة الاصلية بيطلعها من 0 الي 100في 8 ثواني :)

بس طبعا مش حركبه خالص دلوقتي .. السيارة مكلمتش 35 الف كم ... يعني علي 60 - 70 كدة ممكن افكر بس انا قلت اجيبه علشان عمي شافه هناك و كان لقطة ( سيارة حوادث ) تمنه بجد معداش ال 6000 جنيه لموتور 1800 معملش حتى 4000 كم ! :)

بس لسة شوية بقى :)

الف مبروك يا كيمو على الموتور
ده هايخليها طلقة يابني
بس بالراحة على نفسك
بس هو ده بيدخل جمارك اعلى وهاتتحاسب على جمارك اعلى من 1600 ولا لاء

did you consider the appropriate brakes upgrade prior to the engine swap??

MMamdouh

موتور جديد مفاجئة جامدة يا مان - مبروك على تصليح العربية والموتور الجديد

اقتباس:

---

المشاركة الأصلية كتبت بواسطة MMamdouh

did you consider the appropriate brakes upgrade prior to the engine swap??

MMamdouh

---

Actually I was waiting for the Engine to arrive and the stupid paperwork to finish
and Then I was going to bugg you as hell :P to know what needs to be upgraded for the new engine :D

Anyways I won't swap engines before I get some 60 - 70 kms on this one.
cuz its gonna be useless to sell as new here and the car is still considerably new ( August 2006 )

Thanks for the tip tho bro :)

but if you happen to know a really good Body Shop for now I'd be grateful since I want to spray and fix both bumpers

and not too $$$ :D .
-----------------------


شكرا يا باشمهندس محمد

well the guy that did my car is good... PM me if you want details

MMamdouh

الحمد لله انها عدت علي خير يا كريم شفت بقي ان العربيه مظلومه.
.................................

اقتباس:

---

وياريت تدعولي اخلص ورق الموتور الجديد ( مفاجاءة :) )
فعلا انا اشتريت موتور جديد (عامل 3500 كم ) من سيارة باليو مشابهة من تركيا و ووصل الميناء ان شاء الله بس في اوراق و بلاوي زرقاء تتعمل مش حيطلع قبل شهرين تلاتة
الموتور هو فاير برده بص 1800 سي سي بيولد 141 حصان عند 5400 لفة . والمفروض انه في السيارة الاصلية بيطلعها من 0 الي 100في 8 ثواني :)

---

الف مبروك علي الموتور الجديد بس خلي بالك علي نفسك :)