عرض للطباعة
......................................
انا معروض عليا كورسا موديل ٩٨ بس حالتها تحفة فابريكة، المشكلة انها 1.0L فالميكانيكى بيقولى التكييف ها يأثر على السحب وها تبقى وحشة، فعايز اعرف اعمل ايه، اجيبها ولا لأ؟؟؟
استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب"
تم ترجمة المشاركة افتراضا لحسن النية
يرجى مراجعة قواعد المنتدى
100802
12:40a.m
مشرف القسم
11ب
لو سمحت إكتب بالعربى
وأظهر لي تاجر سيارات كورسا 98 1.0l ولها في شكل جيد والمشكلة هي أن الرجل إصلاح السيارة قال لي أن ذلك أجهزة تكييف الهواء وسوف يجعل السيارة لا تقود السيارة بسرعة ، وأنا أسأل هل هذا نموذج سيء أو جيد؟
شكرا جزيل
لو العربيه حالتها كويسه متترددش وهاتها وسيبك من كلام الصنايعيه انا معايا واحده ومفيش اللي بيتقال ده بس الاول يهمني اعرف بكام وعامله كام كلم
لو العربية سليمه اتكل على الله
دة متترجم بجووجل و للا ايةاقتباس:
المشاركة الأصلية كتبت بواسطة darkwolf92
هو الحال وصل بينا لكدة ههههههههههههه
شكلك معندكش كيبورد عربي فابتكتب فرانكو اراب او انجليزي و بتترجم بجووجل
كان ممنوع الفرانكو اراب عالمنتدي من فترة مش عارف سمحوا بية و للا اية
نرجع مرجوعنا
صعب شوية ان عربية من 12 سنة و لسة فابريقة برة مارشتش ولا رفرف و لو كدة حاتبقى مقشرة و مجرحه عالاقل و استبن مانزلش عالارض 12 سنة برضة صعب قوي و زمانة نشف من الركنة
بس عربية 12 سنة لا اتحكت ولا خبطت رفرف بالذات سواقة ست و لا كاوتشها ناااام !!!!
انت مالي ايدك من اللي جابلك العربية و بيقنعك بيها و لا يكون بيشتغلك ؟؟؟ لان سعرها عالي على موديلها
يا باشا الفرانكو دا صعب جدا قرايته و ممله
الى فهمته من كلام الزملا و الترجمة بتاعت جوجل دى
إن قدامك عربية كروسا 98 1000 سى سى
العربية دى مشكلتها فى الحساسات الكتير الى فيها بس
غير كده العربية حلوة
و لو عجباك سيبك من كلام الناس عشان لا بيقدم ولا بيأخر
مطلوب فيها كام الاول
وبعدين العربيات دي مينفعش ميكانيكي يكشفلك عليها لازم توديها التوكيل ويتعملها سكان وتختبر من كل حاجه ودا اضمن
ال ٩٨ وال ٩٩ وال٢٠٠٠ زي بعض مفيش فرق كلهم زي بعض وعربيات حلوه
لو العربيه حاله شاذه زي ما انت بتقول لو 38 تبقي تمام لان سعر الحاله الحلوه العاديه بتاعتها في حدود 30-32 وموضوع الحساسات والكلام ده لو العربيه ماشيه 68 الف بس يبقي متشيلش همه خالص العربيه تعتبر لسه بحالتها.
انا اتباعت واحده بتاعت اخت زميل ليه ب ٤١ كحلي وعامله ١٢٠٠٠٠ موديل ٩٩ بس وارد الخارج معايه اختها ولو فكرت فالبيع مش هبيع اقل من ٤٥ لانها بصراحه ممتازه وبعدين عربيه مش اساسيه عندي واستخدامها قليل
و ده كلام تمام
اللى يمسك سعر عربيته تجيبله سعر اللى هو عايزه
لو عربيه نظيفه اتكل ع الله وهاتها
وحكايه التكيف دي سيبك منها اي عربيه ف العالم لما التكيف يشتغل القوه الماتور ح تقل عن العادي عشان التكيف بيزيد الضغط ع الماتور ف الماتور بيخف سحبه عادي
فا انتا لو عايز سحب جامد وانتا مشغل التكيف شد رجلك ع البنزين شويه
طالما عاجباك قوي كدة و شايف حالتها نادرة توكل على الله
و لو الموتور ضايقك و اتخنق مع تشغيل التكييف (ودة عادي في اي عربية اقل من 2000 سي سي) يا تبطل التكييف لما تقرص و تشد يا تمشي هادي لو انت حران قوي في زحمه وسط البلد
و يوم ماتغلب قوي بيعه و اشتري واحد 1600 استيراد بتاع استرا او الكورسا الجديد
السلام عليكم
ابتعد عن الكورسا 1000 سي سي بها مشاكل حساس هوا و بيتغير بشكل مستمر و هو بحوالي 3000 جنية مع واحد صحبي و بيعيط منها الكورسا الحلوة فعلا 1200 سي سي بس مشكلتها مفيهاش تكييف
حساس هوا ب 3000 جنية !!! ليييييية دة لو حساس هوا bmw موديل 2006 مايبقاش بنص السعر دة, اتأكد من معلومتك لو سمحتاقتباس:
المشاركة الأصلية كتبت بواسطة arakysolom
دة الموتور كلة استيراد ما يجيبش 3000 جنية !!!
الحساس الي انت بتتكلم عنه اسمه mas air flow sensor ودا سعره فالتوكيل ب ٢٠٠٠ برا التوكيل ب ١٢٠٠ ومفيش حاجه اسمها بيتغير بشكل مستمر اكيد صحبك عنده حاجه غلط
يا جماعه يا ريت لما ندي معلومه يا نقولها صح يا بالش منها
+1111111111اقتباس:
المشاركة الأصلية كتبت بواسطة ameros
الحساسات دي كمان ممكن استيراد و مش حايعدي ال 300 جنية مثلاً
و اللي يبوظ الحساس دة فتاوي الميكانيكية لو مثلا حاول ينضفة ب دبليو دي 40 (او اي سبراي بة ماده زيتية) او حط جواة مفك او اي شيء للتنضيف, لان الحساس دة عبارة عن شعرتين بيتم قياس كمية الهواء عن طريق انتقال الشحنة من احداهما للاخرى (يعني زي المكثف كدة) فسهل ان شعرة تتقطع لو حد بيحاول يفتي و ينضفة من جوة بحاجة
سؤال للاخ اللي بيقول صاحبة بيغيرة كل شوية:
صاحبك غيرة كام مرة ؟؟
انا متفق معاك تماما