المنطقه دي هتبقي في رايي وسط البلد الجديدة لانها رابطة مدينه نصر بالدائري و المعادي و كوبري اكتوبر يعني متوقعلها مستقبل رائع
عرض للطباعة
السكن فى مشروع زى دة له ميزة كبيرة ان الواحد لما يموت يلاقى المقابر قريبة منه علشان يندفن بسرعه وكمان ممكن يندفن فى حجرة من الشقه لان مساحة الحجرة ضيقة وماتفرقش عن القبر وربنا يدينا ويديكم طولة العمر:ma:
هل السكن وسط المقابر في هذا الزمان منطقي !!!
انا مش عارف ايه وجه المشكله في السكن امام مقابر انا شايف انها حاجة عاديه جدااااااااااا
طب ما هي عمارات الحرس الجمهوري اللي في انضف حته في مصر الجديدة شارع احمد تيسير بتطل علي مقابر عادي يعني
مين قاللك ان شارع احمد تيسير و كلية البنات انضف حتة في مصر الجديدة ؟؟؟ اساسا المنطقة دي مدينة نصر مش مصر الجديدة و المربع دة مش انضف حتة و لا حاجة ولا يقارن بمواقع كتير في مدينة نصر و لا مصر الجديدة حتى
و مقابر الكومونولث (اللي على احمد تيسير) اتفرج عليها و عالبوابة و الخضرة تقول قصر مش مقابر
و المقابر اللي ورا محدش بيرضى يشتري فيها و اسأل الضباط اللي ساكنين و نفسهم يبيعوا بنص تمن الشقق اللي برة مش عارفين
مافيش علاقة بين موقع العمائر و بين كوبري ستة اكتوبر و لا المعادي
هي على الطريق اللي بيربط بين مدينة نصر من ناحيه المنطقة الحرة و بين الدائري و التجمع الخامس (واحد من 3 محاور بتودي عالتجمع)
و هي وسط مقابر و كتائب جيش بص عالخريطة اللي انا سبق و حطيتها من ويكيمابيا لو ماتعرفش المنطقه
معلش علشان انا ساكن جنب المنطقة دى وفى معلومات غلط كتير
اولا المنطقة اخر شارع جامع السلام لكن الواقع انها امام المقابر وهى اخر حتة فى مدينة نصر فيها عمار قبل طريق التجمع
فى هناك مدينة زاهر (بقالها 3 سنين تقريبا ولسه مهجورة) وفى عماير مدينة نصر الجديدة ودى واضح ان كان عليها مشكلة ما ولوقتى بنك التعمير بيبعها بتمويل عقارى لغاية 20 سنة ...وفى كام عمارة بتطلع
المفاجاة ان عماير مدينة نصر اللى مغرقة الدنيا اعلانات لغاية دلوقتى مطلعتش ولا عملوا فيها اى حاجة وفالحين يكتبوا فى الاعلان جارى العمل بالموقع مع ان مفيش طوبة اتحطت فيه وده واضح لان التسليم اخر 2012
المنطقة حيبقى ليها مستقبل كويس رغم حكاية المقابر دى (اماكن كتير فخمة فى وسط المقابر اشهرها عمارات المروة اللى فى مصر الجديدة اللى فيها المصرية للسيارات قدامها مقابر، وفى التجمع مساكن كتيرة قدامها مقابر) وبعدين فى عمارات خلفية مش ناحية المقابر خالص وفى عمارات حتطلع حتبقى باصة على شارع اللى بيوص على مسجد السلام اذن حيبقى ضهرها للمقابر..غير فى مدرسة كبيرة حتتبنى هناك
بس اللى عايز يشترى هناك واحد بيبص لقدام شوية ومش حيسكن فيها دلوقتى يعنى قدامه 5-7 سنين على الاقل وحتبقى منطقة حلوة
والله اعلم
انت متأكد ان مفيش علاقه بين المنطقه دي و كوبري اكتوبر يعني لو انت كملت لأخر الشارع لحد بنزينه وطنيه و اخدت محور الشهيد يمين مش هتوصل كوبري اكتوبر في 10 دقايق بالكتير لو بتمشي بالراحه
و لو اخدت شمال و طلعت الدائري مش هتوصل مخرج الاتوستراد في 10 دقايق برضة
برضة حضرتك ممكن تبقي ادري مني :S_thum1[1]:
علي فكرة انا مش ساكن هناك و لا ناوي اخد هناك انا ساكن في زهراء مدينة نصر يعني بعدي علي المنطقه دي كل يوم يعني عارفها علي خفيف
بس برضة انا رايي ان السكن فيها افضل و اقرب من التجمع او الشروق مثلا
اخي العزيز الاختلاف في الراي لا يفسد للود قضيه لاني شايف لهجه هجوم و ضيق في كلامك ملهاش لازمه لان كلنا اخوان بنساعد بعض ممكن تكون فهمت ردي السابق خطأ و انا بعتذر ان كنت فهمت انه هجوم عليك
لا ياباشا مافيش هجوم و لا حاجة احنا بنتناقش و زي ما حضرتك قلت الاختلاف في الرأي لا يفسد للود قضية و كل عام وانت بخير
انا باقول ان بينها و بين كوبري اكتوبر حوالي 4 -5 كيلومتر و ليست هي الطريق الوحيد للكوبري, القاهرة الكبرى كلها اساساً تحت كوبري اكتوبر من الدقي لرمسيس لمدينة نصر, و 70% مثلا من القاهرة الكبرى يقع على بعد 4-5 كيلومتر من كوبري اكتوبر:ma:
انا برضة ساكن على بعد دقيقتين من مسجد السلام بس من ناحية حسن الشريف في طريقك للنادي الاهلي, يعني قبل العمارة اللي ورايا ما تتبني كنت باشوف المسجد من البلاكونة الخلفية ههههههه
حضرتك نبيل الوقاد و احمد تيسير و اسماء فهمي و شارع النزهه (دار الدفاع و الرقابة الادارية) من اول كلية البنات لغاية السبع عمارات تعتبر تبع مدينة نصر
نقول ببساطة ان جنوب شارع الميرغني مدينة نصر و شمالة مصر الجديدة
انا معاك انها اقرب من التجمع و الشروق
بس هل دة يعني انها افضل منهم
ما السيدة عائشة مثلا اقرب لكوبري اكتوبر و لوسط البلد و للمعادي و برضة بتطل على مقابر, هل دة يعني انها افضل من القاهره الجديدة و التجمع الخامس
حضرتك ماينفعش تقارن الموقع دة بالقاهرة الجديدة (تجمع اول و للا ثالث و للا خامس و للا الرحاب و للا مدينتي و لا حتى مدينة العبور او الشروق) فرق المستوى كبير و مش اي حد يقبل يسكن على مقابر و يصحى الصبح يفتح الشباك يبص عالمقابر, و لو فية حد بيتدفن تلاقي عربيات و ناس و ستات بتصوت و يشوف دفنة كل كام يوم بما يصاحبها من اكتئاب
و لو شغلة استلزم سفرة او تأخرة بالليل مراتة حاتتسرع من اي صوت كلب بيعوي او انفجار كاوتش سيارة او اي صوت برة البيت و تخاف تنزل تشتري حاجة او ترجع متأخر و كل شوية تتصل بية خايفة