السلام عليكم
انا عايز اعمل عمليه الليزك علشان احسن الابصار عندى علشان النظاره ارفتى وكل فتره بغيرها فقلت الحق نفسى واعمل عمليه تصحيح الابصار الليزك والمهم رحت انبارح للدكتور واتكلمت معاه وقالى انها ممتازه وكويسه وقالى بس هتعملى اشعه وكتبلى على نوعين اشعه المفروض اعملهم انهاردا فى مستشفى الرواد
لو حد عمل العمليه دى يقلى ما لها ولا عليها وعملها بقاله مده قد ايه يا شباب
اول مشاركة فى الموقع ..و خد عندك ياسيدى ..
-------
انا عملت العملية دى من حوالى 6 شهور .. والحمد لله النظر زى الفل ومفيش اى اعراض جانبية نهائى .. حتى الان ..
العملية هتم فى حوالى 10 دقايق بالكتير .. اول يوم ليك هيقرفك جدا جدا جدا .. علشان مش هتبقى قادر تفتح عينك .. و لا هتقدر تحك عينيك .. بعد يومين هتبدأ تتحسن كتير عن اول يوم .. وهتحس بزغللة فى الرؤية لمدة اسبوع تقريبا .. بعد كدة عينيك هتتعود ..
الموضوع سهل جدا .. متعب اول يوم بس .. بعد كدة هترتاح كتير قوى ان شاء الله .. اتوكل على الله و روح ع المستشفى ..
مطلعش اول مشاركة .. انا ناسى صحيح انى حطيت ردود قبل كدة :)
اقتباس:
المشاركة الأصلية كتبت بواسطة teamooo
حمد الله على السلامه يا باشا
والحمد لله انك بخير وان شاء الله النتيجه دى تبق على طول ممتازه كدا وربنا يطمنك يا غالى
الووووووووووووووووووو
مظنش هايفضل في بالك أي أسئلة بعد ما تقرا الموضوع ده
وربنا يوفقك للقرار الصح إن شاء الله
اقتباس:
المشاركة الأصلية كتبت بواسطة أبو حمزة
انا قريته فعلا الموضوع دا وفعلا مرعوب جدااااااااااااااااااااا
الناس ال عملت كلها بتشكر فى العمليه جدااااااااااااااا والدكاتره متخوفه جداااااااااااااااااااا
انا عامل العمليه دي من 3 سنين ونظري الحمد لله كويس بس مشكلتها مع نسبة الرطوبه العاليه جدآآآآآآآ بتتعب العين لكن مالهاش اي عيوب تانيه خالص
اقتباس:
المشاركة الأصلية كتبت بواسطة mahfouz1983
تقصد مع الجو الحر يعنى
طيب حضرتك كان نظرك كام قبل العمليه وبعد العمنليه ثابت بقاله 3 سنين ولا فى اختلاف مع الوقت بعد الشر يعنى
السلام عليكم
اخى الفاضل معلش كان ليا كام سؤال لو امكن عشان انا برضو نظرى ضعيف ومليت من النظاره
1 - تكلفة العمليه كام او متوسط لو بتختلف من حاله الى اخرى انا تقريباً عندى عين -2.5 والتانيه -3
2 - هل الدكتور الى روحتله كويس حد رشحهولك او حد عمل عنده عمليه قبل كده وقالك عليه ولا انت ماتعرفوش
شكراً ليك
اقتباس:
المشاركة الأصلية كتبت بواسطة medo980
التكلفه الاجماليه 4500 للعينين يا باشا
الدكتور دا ناس اعرفها عملت عنده وكله بيشكر فيه واخر واحد قابلته بالصدفه انبارح وانا بكشف كان لسه عاملها يوم الاربعاء ال فات
انا كنت ناوي اعملها بس رجعت خفتاقتباس:
المشاركة الأصلية كتبت بواسطة احمد المصرى
اتنين من ال اعرفهم عملوها قالولي انهم عينيهم بتوجعهم بليل مع الاضاءة "مبيعرفوش يسوقو"
واحد عاملها من اربع سنين وواحد مكملش سنة
بس في كمان ناس عملوها وزي الفل
معرفش بتعتمد على ايه
اختى عملتها من اسبوعين واكن واحدة 6 وواحدة 5 ونص
واتكلفت 2500 بالاختبارات وكانت بالنسبة للدكتور اصعب حالة بس ماشاء الله مستريحة اوى اوى
والدكتور بيجيلة ناس كتير اوى من كل مكان
اقتباس:
المشاركة الأصلية كتبت بواسطة aly_hosny
انا شخصيا اعرف ناس عملينها ومستريحين جدا
اقتباس:
المشاركة الأصلية كتبت بواسطة akramlail
حمد الله على سلامتها وانا ان شاء الله هعملها يوم الاربعاء وربنا يستر ان شاء الله