صوت غريب ظهر فى العربية

**semsem_inside** · 01-08-2010 11:18 AM

السلام عليكم
عندى صوت خبطة غريبة ظهرت امبارح فى العربية
الصوت بالظبط زي ما يكون فيه حاجة موجودة فى الشنطة وبتتخبط مع المطبات حتى الخفيفة اوى
لدرجة انى شلت الحاجة اللى موجودة فى الشنطة كلها وبرضه الصوت موجود
اخر لما زهقت رحت وقفت تانى
فلاحظت ان فيه صوت تكه او خبطة بيظهر لما اضغط بايدى جامد على ارضية الشنطة فى احد الاجناب واسيب
برجاء الافادة

**ehab_mansour** · 01-08-2010 11:27 AM

غالبا فيه مشكلة عندك في المساعد اللي في الناحية اللي بيظهر فيها صوت التكة لما تضغط جامد ممكن تخلي اي حد يضغط ويسيب علي المساعد في الناحية المشكوك فيها وانت تحاول تتابع الحركة تحت العربية عشان تتأكد من المشكلة

**m_mekkawy** · 01-08-2010 04:20 PM

المشاركة الأصلية كتبت بواسطة ehab_mansour

غالبا فيه مشكلة عندك في المساعد اللي في الناحية اللي بيظهر فيها صوت التكة لما تضغط جامد ممكن تخلي اي حد يضغط ويسيب علي المساعد في الناحية المشكوك فيها وانت تحاول تتابع الحركة تحت العربية عشان تتأكد من المشكلة

+1

**semsem_inside** · 01-08-2010 06:58 PM

طيب يا جماعة انا اعرف ان لو المساعد فيه مشكلة بتظهر عند الضغط على الجنب اللى فيه المشكلة والعربية مبترجعش لوضع السكون بسرعة
أنا عندى لما بضغط على الجنبين الخلفيين بترجع لوضع السكون بسرعة .. والاثنين زى بعض
بس المشكلة فيه زى صوت تكه بسمعها واضحة لمابفتح الشنطة واضغط على الجانب اليمين فى أرضية الشنطة

**ehab_mansour** · 01-08-2010 11:14 PM

أخي الفاضل ممكن يكون عندك اي شيء محشور اومعلق بجانب المساعد او تثبيت مهوي او اي شيء
انا كان عندي برضه صوت بيظهر عند الضغط وبعد فحصي للمشكلة اكتشفت ان السوستة البلاستيك او الكاوتش المحيطة بالمساعد اتقطعت و حشرت جنب أكس المساعد وطول ماهو طالع نازل عمال بيزيق لحد ما شلتها ونظفتها انتهي كل شيء

وحضرتك تشخيص المشكلة بالنظر هو محاولة الوصول والتقريب منا مكان الصوت حتي تتمكن من تحديد مصدره عن قرب وبذلك تتعرف علي سببه
وربنا يوفقك