كنت دايماً بعمل صيانة عربيتي في نيسان أبو غالي فرع العبور
واتصلت اليوم لحجز صيانة 30 ألف كيلو وعرفت انة تم سحب التوكيل منهم
لو حد يعرف السبب يا ريت يقولنا
وتم الحجز في السبع المعادي وربنا يسهل ويكون رايق زي ابو غالي
عرض للطباعة
كنت دايماً بعمل صيانة عربيتي في نيسان أبو غالي فرع العبور
واتصلت اليوم لحجز صيانة 30 ألف كيلو وعرفت انة تم سحب التوكيل منهم
لو حد يعرف السبب يا ريت يقولنا
وتم الحجز في السبع المعادي وربنا يسهل ويكون رايق زي ابو غالي
السبع عليه ضغط , وحاول تحجز معاد معاهم , ومتروحش على طول
واحجز الايام فى وسط الاسبوع افضل
بالنسبة الى سحب توكيل نيسان من ابو غالى , اكيد عشان مفيش اى اهتمام بالنسبة الى عربيات نيسان اللى بتيجى عنده واكيد الناس قدمت شكاوى كتير فيه
لان نيسان دايما بتابع وبتراقب مراكز الخدمة بتعتها , وبتهتم بعملائها جدااااااااااااا
شكراً لرد حضرتك وانا متأكد ان السبع علية ضغط لأنة من أفضل مراكز الخدمة لنيسان
السبب الوحيد اللي كان مخليني أعمل صيانة العربية ف أبو غالي انة كان في معظم الاوقات رايق وبتخلص الصيانة الدورية بسرعة وبتفي بالغرض.
وكنت ناوي اروح السبع في الصيانات التقيلة.
وشكراً لنصيحة حضرتك بخصوص الحجز.
طبعا شكرا للاستاذ احمد مصطفى على الرد والاهتمام وطبعا عميلنا العزيز ياريت تحاول تيجى فى ميعاد الحجز ولو اتئخرت ميكونش اكتر من ربع ساعة او لو حتتاخر لاى ظروف اتصل فورا على خدمة العملاء وبلغهم بالتاخير عشان تحفظ حقك فى الحجز وتقدر تحدد اى ميعاد تانى ينسبك حتى ولو كان فى نفس اليوم
شكرا
شكراً على الخبر
اكيد توكيل ابوغالي قصر مع عملاؤه
ده ميزة التوكيلات المحترمة
اللى يهمها راحة العميل اولا و سمعتها
علي حسب فهمي مفيش في مصر توكيل نيسان
و لكن التوكيل بيدار بواسطة نيسان نفسها ،،، نيسان مصر
و السبع و مودرن موتورز و أبو غالي ،،،، موزعين و مراكز صيانة معتمدة
بس مش المفروض نيسان ايجيبت تنزل اعلان في اي جريدة رسمية تعلن عن التعديل اللي تم