[overline]
السلام عليكم اهل المنتدى الكرام ورحمة الله وبركاته
الحمدلله ربنا وفقنى وجبت 128 موديل 84 بقالها معايا حوالى 5 شهور ودى اول عربيه اركبها فى حياتى واتعلم عليها السواقه والحمدلله اتعلمت وطلت الرخصه طبعا فى الاول حصل معايا مشاكل لانى كنت جديد واتخبطت منى شويه فى الرصيف بس الحمدلله سليمه وغرتلها كام حاجه زى السيور وقاعدة الفتيس وجبت مارش استيراد
المهم الحمدلله بقت احسن المشكله دلوقت انى بحس وانا راكب ومهدى السرعه واجى اشد شويه انه فى حاجه بتخبط تحت فى العربيه كانه صوت صاج بيخبط فى بعضه مش عارف ده ممكن يكون ايه بالظبط فى ناس بتقولى العفشه عاوزه تتربط
وكمان الفتيس ساعات يعلق معايا شويه واحس انه قافش مع العلم انى ببقى ضاغط على الدبرياج للاخر
وكمان عند الفرامل بسمع صوت صفاره عاليه من ناحية الشمال
انا اسف انى طولت عليكم بس ياريت حد يقولى اعمل ايه والمشكله منين بالظبط
وشكرا
[/overline]